祝大家中秋節快樂!

祝大家中秋節快樂! 大家做左節未?

今日到我地自己家做節, 吾出街食, 決定自己煮. 兩個大人, 一個細路, 加個B ( 佢無食我地D野架, 佢有佢食粥仔同望住我地食咋, 哈哈)

煮左五碟餸, 加個栗米紅蘿蔔花膠湯, 啖湯好濃同花膠味. 五碟好似好多, 其實細細碟咋.

我都係煮D快手野, 蝦仁炒蛋, 清炒時蔬, 磨菇雞柳, 買左焗魚, 煮個栗米汁就係栗米魚柳, 這次連D湯渣都用來煮餸, 個花膠同豬展, 加D生菜蠔油又一碟.

食完個個都話飽, 因為清曬. 咁D月餅可以遲D先食啦... 哈哈. :)