香蒜豬扒包

 

見通少介紹既香茅豬扒好吸引, 所以又試下, 我無香茅, 所以蒜頭加重. 味道係好食, 不過下次要記得上粉在豬扒面才煎, 應該會無咁乾. 😉🐷💗煎豬扒食譜

今次伴包做漢堡同薯條都好食. 👍🏻🍔

完成啦！

 我完成左個羊毛氈手作啦, 昨日提起既細織冷衫, 就係用在這個羊毛氈刺猬上, 仿效係到織冷衫🦔🧶❤️ 

織女

 我一向都係玩鈎針, 因為快趣又容易. 不過我小時候第一樣學既興趣班就係織頸巾, 因為太耐之前既事, 已經忘記如何織. 好彩現在YouTube 上網教學非常方便, 我昨晚用牙籤織左少少冷, 又ok 喎. ☺️🧶 這個細冷針係用來做我下一件羊毛氈手作, 十分期待完成品, 吾知得吾得呢! 😉💗

卡邦尼意粉 Carbonara

 今晚簡簡單單煮左卡邦尼意粉, 做法簡單又好味. 🥰只需要材料有意粉, 煙肉, 蛋同芝士. 十五分鐘已經完成. 🍝

可麗餅 crepes

 今日整左可麗餅 Crepes, 做咸點, 用芝士, 火腿同磨菇, 好食, 不過這個份量太少, 下次再整, 要加倍個份量. (咁就可以整咸, 甜兩款啦) 🥰食譜 這個份量可以做到六個半餅.

炸兩

 因為想食炸兩伴粥, 所以跟張媽媽學做油炸鬼 (油炸鬼食譜) 吾想用太多油炸, 所以D油炸鬼細細條. 見要做炸兩出面既腸粉, 所以做左多碟港式腸粉, 加芝麻醬 (即花生醬伴熟油), 甜醬, 甜豉油, 好美味.🥰 再加瘦肉粥同雞包仔, 食到個肚仔脹卜卜呢！！😁🤣 

這個食譜可以做到四條炸兩 (每一次整腸粉, 一開二, 即一個腸粉皮可以做到兩條炸兩), 加五條朱腸粉. 💗

腸粉食譜: 腸粉做法

115g 粘米粉

1.5 湯匙粟粉

1 湯匙 生粉

2 茶匙油

500ml 清水

班戟日 Pancake Day

 今天係英國既班戟日Pancake Day, 所以我地又湊熱鬧整左pancakes, 跟傳統加檸檬汁同糖或糖漿做餡, 薄薄一層, 好食. 🥞💗今次仲整得又圓又薄, 成功🥰👍🏻 下次想做大班戟crepe, 試下整咸點磨菇, 火腿, 芝士, 係出面食過這款, 好味道, 自己整應該到吾係太難.😉 今次跟這個食譜 

叉燒腸粉

 上次蒸左雞包仔, 仲整左叉燒腸粉, (新年晚餐時, 特別留起一個叉燒做腸粉) 今次用通少既食譜做法, 出來效果好滑又易整, 非常方便. 👍🏻😍 

我仲煎左蘿蔔糕, 餃子同炒麵做午餐, 好味道又滿足. 🥰

新年第一爐, 雞肉香菇包

 今日整左新年第一爐, 就係蒸雞肉香菇包 (即雞包仔啦!) 小時候上茶樓飲茶家人時常會叫, 現在太耐無飲茶, 所以自己在家整包點, 好食, 小朋友同家人都喜歡, 今次跟這個雞包仔食譜, 可以做到十個中型包點. 蒸好熱辣辣非常美味.🥰

恭喜發財! 喜慶新春🧨

恭喜發財! 祝福大家喜慶新春, 福貴滿堂, 大吉大利, 牛年行好運🧨🐮💗

今年我整左好多賀年食物, 有蘿蔔糕, 古法年糕, 煎堆仔同紅糖發糕, 盆年花蘭花都開得好靚🥰

希望大家身體健康, 笑口常開, 開開心心💗

我今次用這個煎堆食譜, 好成功, 下次要跟足這個食譜做全份, 太好食, 剛炸好食吾停口呢! 祝賀大家煎堆碌碌, 金銀滿屋😍

叉燒

 今日整左焗叉燒, 好耐無整, 最近買到叉燒醬, 所以快快手焗一次, 味道一致認為好食, 留起小部分, 遲D整叉燒包. 

蘿蔔糕

 新年快到, 昨日首先整左蘿蔔糕. 用左大約1200克蘿蔔, 整左一底7吋大, 一底長餅同一碗蘿蔔糕 (這細碗因為多左, 所以另外蒸起, 蒸完即食) 😊

今日午餐切左同煎左半底試味, 好正呀！🥰家人都好喜歡食, 這個很重要, 有人喜歡食先有動力再整😍今次我用這個食譜, 不過另外加雞粉代替胡椒粉, 㳄粉用粟粉代替. 我將個食譜乘二(二倍份量, 因我今次用左1200g 蘿蔔絲). 食譜同做法 

冬瓜湯飯

 好耐無食過湯飯, 所以昨晚整左冬瓜湯飯, 有豬肉片, 薑, 瑤柱, 蝦乾, 咸蛋同冬瓜. 冬瓜湯食譜

好味道, 食完暖粒粒🥰

羊毛氈-浣熊心口針

 最近做左D心口針, 這是其中一款, 係羊毛氈小浣熊, 想有D春天氣息, 幫佢加番朵小花係頭上邊, 立刻女仔晒呢, 哈哈😄

小紀錄

 

今次，係想俾個紀錄自己, 等下次再做時可以知道點做. 😉

話說我用阿麵時, 佢又再次發出錯誤鍵 ‘E1’, 我上次以為係麵粉水份不足, 原來係個機身關合不正確 (無關好) 所以就會出 ‘E1’. 

食譜: 200g 粘米粉 (rice flour), 60g 木薯粉 (tapioca starch) 1 茶匙鹽, 1 茶匙菜油, 150g 熱滾水 (boiled water), 75g 薯粉 (potato starch) 可以做到5餅麵條

而今次整米線/ 檬粉時, 佢既做法比較特別. 煮左2:30 分鐘. (檬粉口感) 煮3分鐘 (米線口感) 煮完要過冷河🍜 我係用9孔麵模

1. 先上油在模嘴上, (防黏)

2. 將全部材料用叉混合 (除薯粉potato starch 不要放入粉團中)

3. 混合後才再放薯粉 potato starch 再用叉混合一起

4. 放粉團入制麵機中, 攪打三分鐘後, 停機

5. 用保鮮膜封起入水孔，避免太乾,  靜止粉團30 分鐘 (醒粉, 這個部分好重要, 無醒粉D麵就出吾到黎)

6.  再重跑一次15min的自動模式, 等麵條全部跑出來 

7. 將全部麵條放入碗中, 再入微波爐1:30分鐘 (記得要加蓋)

8. 放入機器，再重跑一次15min的自動模式。

9. 自動出麵後, 完成.