森林系列之羊毛氈狸貓

其實這個手作係好耐之前既作品, 靈感來自宮崎駿既作品 Pom Poke (平成狸合戰) 細細個已經喜歡這電影, 片中既狸貓也非常可愛, 今次背景加左D花花 同手抱迷你萍果🍎 出來效果幾有趣😘

羊毛氈練習之芝娃娃

昨晚完成在手頭上既練習作品, 其實吾係做這個芝娃娃狗頭先🐶, 不過舊手作遲遲提不起勁來完成佢, 為有先放置一旁, 到有心機才再做佢. 😅
這個係朋友仔家中既小狗 (佢家有5隻小狗🐕)隻隻都好可愛, 今次選左芝娃娃款做, 因為這個狗品種未做過, 所以想試試😘 吾太難, 都ok. 下次應該做貓貓 🐱還是狗仔🐶好呢？

漢堡包同蛋糕🍔🧁

今日午餐食漢堡包加薯條🍔🍟無得同小朋友食麥記, 一於在家自製. 一早起身用麵包機做包, 今次跟這個麵包食譜(只用一半份量, 如下)

30g boiling water

50g cold milk

5gsugar

3gyeast

125g flour

10g butter

1 salt 

用左雞扒同素漢堡扒做漢堡包. 個包吾知係咪份量小(只焗4個) 所以變左脆豬囗感. 😂

見開爐, 仲焗左杯仔蛋糕食譜, 我第一次用打蛋器整蛋糕，吾知係咪咁既原因, 所以這個好鬆軟. 🧁

肉包, 鍋貼

今天午餐食中式餐點, 就係肉包同鍋貼啦. D肉餡昨晚已經醃左, 所以今早用麵包機搓團就可以開始. 肉包係豬肉, 洋蔥同菜餡(跟這個肉包食譜做左12個大包), 鍋貼係排骨醬伴豬肉餡(跟這個鍋貼食譜做左43個細餃子, 我用左1 1/2份量材料, 同包得細隻, 所以包左咁多) 🥟

今日要另外加竹蒸爐, 先可以一次過蒸晒肉包, 個個都發到好大個. 我地一次過食吾晒, 所以有淨個D放入雪櫃, 下次蒸返熱又食得👍🏻。

冷麵

我今天整左D麵條, 由麵包機做團加醒粉, 之後滾平再切幼條(我已經切到好幼, 但煮麵時就澎脹左好多) 只係煮左1分鐘就熟, 伴上花生芝麻醬同配料, 天氣熱時食好清爽😊現在多時間, 又可以完成一項我想煮既食物-麵條🍜明天整中式肉包同鍋貼. 🥟

熱狗麵包三明治, 朱古力曲奇 hot dog bun sandwich and chocolate cookie

因為家中無晒麵包, 想食三明治做午餐, 又吾想出街買, 所以今日一起身就用麵包機整麵包.  整左熱狗包, 這個熱狗包食譜既份量可以做到8個包, 我造型麻麻, 所以D麵包一大一細, 不過出來好鬆軟, 新鮮出爐伴芝士, 火腿, 煙肉, 好好食呀！🥪

下午再試整朱古力軟身曲奇, 用另外一個食譜, 今次用160度焗15分鐘, 終於成功左. 我試玩, 所以只做左一半份量, 有9個, 今次我減左糖既份量, 質地都係我想要既軟身曲奇, 自己整可以少糖,我好快會再整. 🍪🤩

大阪燒

煮飯要D新煮意, 所以整左大阪燒, 跟這個食譜大阪燒, 好味道, 又可以食多D菜. 醬汁用左蠔油, 一樣ok. 😘

雞尾包, 菠蘿包, 曲奇

今日終於焗左麵包, 分別係雞尾包同菠蘿包, 早早已經想整, 不過一係忙一係懶, 所以遲遲未做. 現在有時間, 快快趣整. 🍞小朋友都比較喜歡菠蘿包, 我食時仲加左牛油係中間, 好正😍

因為反正開焗爐, 所以整左曲奇, 三款食物一齊焗🍪就係因為一齊焗, 所以最後我D曲奇焗完變左石頭咁硬(因我用180度焗麵包, 食譜係用160度焗曲奇, 高手教路話温度太高, 令到D曲奇太早熟, 要分開麵包還麵包焗, 吾好貪快一齊焗) 我又長知識了, 下次會改善下.😊

無蛋意粉

我昨日做左個無蛋意粉, 材料只有中筋麵粉的plain flour (284g) , 油(1 湯匙) 同水(115ml, 如果太乾身可以再放少少水, 但個麵團吾可以太濕) 這個係四人份量. 👨‍👩‍👦‍👦 食譜無蛋意粉

早上用麵包機做團, 之後放入雪櫃(蔬菜隔)雪30分鐘, 就滾平同切幼條, 我整好后放在桌上等意粉乾身, 食前才用滾水煮意粉2分鐘.  晚上就煮左白汁蒜香煙肉芝士伴意粉. 🍝

食后感, 伴白汁係好味既, 不過下次再做可以不用等意粉乾身, 應該一切完立刻放入袋子裝住就放入雪櫃(蔬菜隔) 食前二十分鐘再拿出來室温才煮. (咁樣可以防止D意粉煮時碎掉) 😅

煙肉芝士酥皮卷, 芝士條 bacon and cheese puffs and cheese puffs

這個星期買左包現成酥皮, 整左煙肉芝士酥皮卷, 因只有6片煙肉, 所以多左既酥皮就整芝士條啦! 新鮮整好好食, 又易做, 這個係做法 煙肉芝士酥皮卷 我無最後搽蛋液, 只搽生油, 一樣焗到好靚仔😍

羊毛氈練習之貓

最近做羊毛氈多數做狗, 比我係櫃找到以前做貓既底部, 所以又練習下做貓. 其實我覺得貓比狗難製作, 因植毛貓既花紋比較複雜, 所以之前做左個貓底部就放棄左無個做, 難得現在多時間, 所以今次挑戰自己做橘黃色貓咪🐱, 幾日後就完成,自己不是太滿意, 不過玩下, 打發時間係ok. 日後再練習多D貓咪先得😊💗

自製薄餅 Homemade Pizza

日日食/煮飯, 煮到好悶, 一於整下其他野, 今次係自製薄餅. 做法好簡單, 放晒D材料入麵包機, 等佢做團同做第一次發酵, 就可以將麵團滾平, 滾到鐵板大小, 再用叉刺滿小孔, (鐡板先搽油在上面, 才放麵團上去) 放入預熱左既焗爐焗十二分鐘, (180 度) 等個皮㡳熟透, 再放茄醬, 芝士, 意式香腸, 再焗多十二分鐘, 就完成了🍕 這個薄餅細佬有份一齊做, 真係又得玩又有得食, 幾好架, 俾多個活動小朋友在家做, 可以打發時間, 佢晚餐又食晒, 自己整仲可以加自己喜歡既伴料. 💗👍🏻

鉤針椅子腳襪子 crochet sock for chair legs

悶悶地, 見到這個幾得意, 所以又試下玩. 出來幾可愛, 我家就無咩用, 不過當裝飾下D椅子腳又幾好玩既. 這個襪子係仿貓仔腳仔, 不過細佬話似老虎多D🐯網上無腳仔鉤圖, 所以自己加減其他圖樣鉤出來的.😻

羊毛氈史納莎狗仔心囗針

又到練習時間, 今次整羊毛氈史納莎心口針, 同之前做既狗仔吾同, 就係加左個頸位俾佢(之前只係單個頭部份) 這個都比較簡易, 所以製作時間比較短. 🐶😊💗

一雞數食

今個星期去超市買左一隻雞回家, 用鹽醃左一晚,  第二日就焗雞, 先將隻雞放室溫半小時, 就將薯仔切角, 用油拌勻, 開焗爐放薯仔在下層, 加紅蘿蔔一齊焗. 之後放雞在焗爐中層, 溫度165度. 半小時雞左右反轉, 薯仔反下佢, 等佢兩面受熱. 紅蘿蔔搽上蜜糖, 継續焗多半小時. 合共焗左一個小時雞後, 就完成了.切雞後,  加左粟米同剛焗好既配菜就食得🍗🥕🌽🥔

因隻雞我地四個人只係食左兩個腿同一個雞胸肉, 其餘既就拆骨起肉, 整左個火腿雞絲白汁意粉🍝！

今晚晚餐煮左煙肉雞絲芝士墨西哥卷🌯, 食左一半先記得影相, 哈哈😜

今次我焗雞成功, 雞剛剛熟, 又無血水, 所以要寫低佢, 等我下次記得點做. (因為我次次都一係太乾, 一係吾熟)

我覺得個要點就係隻雞放左室溫先焗, 我第一次放室溫(食譜教) 次次我都係雞立即由雪櫃放入焗爐焗, 食譜話放一陣室溫, 可以令雞焗得平均D. 😊

羊毛氈刺蝟🦔

今次用第二個方法做羊毛氈刺蝟🦔今次題材係星星, 所以小刺蝟身上有顆小流星🌠抱佢上手㔀張相先, 細細隻, 幾得意架😊💗

森林系列之羊毛氈浣熊 raccoon 🦝

上個星期做左隻羊毛氈浣熊出黎, 加個迷你心心🦝❤️ 見天氣好, 係草地影張相. ☀️
這個浣熊只有手掌大小, 放上Facebook, 好多朋友仔喜歡, 仲問我可以幫佢變心口針, 應該無問題 💕 這次係我第三次做浣熊, 遲D再放相俾大家睇我其他森林系列的羊毛氈手作. 😊

福建炒飯

最近煮飯煮到好悶, 來來去去都係菜炒肉, 所以今次煮左D新野, 就係福建炒飯啦. 蛋炒飯底加豬肉同冬菇, 生菜, 西蘭花莖一齊炒, 好味又快趣. 有汁送飯, D小朋友食得好快呢！😊 

羊毛氈松鼠心口針

最近係網上見到D羊毛氈作品好靚, 所以自己又試下整, 都好容易下, 幾個小時就完成. 今次做羊毛氈松鼠心口針, 比較喜歡做這些小型作品, 快趣又體型細小, 好適合現在這個時候用黎打發時間. 🐿💗

印度咖哩與薄餅

上次整左葱油餅時, 俾左D老公試食, 佢話吾加葱似印度薄餅, 所以上個星期午餐, 就煮左咖哩伴薄餅, 可能好耐無食過咖哩, 一煮, 整間屋都係咖哩香味, 令在房間內工作中既老公發現我煮左咖哩(其實我原本想俾個驚喜佢架, 因為我兩都喜歡食, 不過多數街食, 自己屋企反而少煮)🤩

食後感係好食, 雖然外形吾太似, 但味道係ok 既, 下次要再煮多D咖哩, 一細碗真係吾夠喉💗🤣

羊毛氈復活兔寶寶

今日係復活節, 所以我發文這個兔女寶寶應下節, 係之前做落, 因為係女寶寶, 所以加左個花係頭上同口水巾在身上. 🌸🐇💗祝大家復活節快樂🐣

羊毛氈禮物

朋友仔隻寶貝狗最近生日, 所以想送份特別禮物俾佢地. 所以做左羊毛氈寵物相架. 🎉🎂🎁🐶

朋友選左做相架, 因為狗狗係斑點狗, 如果做全身比較複雜. 

左邊張照片係初期做底部時影, 比較大隻, 鬆身同吾似狗狗(我覺得似豬豬多D, 哈哈🤣🤣) 

右邊張照片係完成品, 幸好朋友仔收貨, 我仲特別整個紅色蝴蝶結襯番狗狗🎀。 

羊毛氈曲架狗 Cavalier King Charles Spaniel

又練習羊毛氈, 這個係我一直想做既狗仔品種, 上兩個星期俾我係網上找尋到有關曲架狗羊毛氈既相片, 所以又試試. 原來影靚相都係一種高學問既關鍵. 做完狗仔, 但影左十幾張相, 都捉吾到佢既神髓, 最後要老公出手教我, 先發現原來用錯角度影相. 🤩👍🏻又係迷你版, 放隻手係旁邊, 等你地知道個尺寸🐕

特別做狗仔雙眼咁樣, 感覺好像頭貼地, 眼睛向上聆聽你說話咁. 🐶💗

羊毛氈貴賓狗心口針

上次做左個羊毛氈松鼠狗心口針練習後, 又再黎練習狗仔作品, 今次係貴賓狗🐩因為我無卷曲既羊毛材料, 上網搜尋發現可以自己用羊毛線來代替. 羊毛線家中有好多(因本身玩開鈎織, 所以咩色都有D) 找尋左自己喜歡既顔色之後, 就做底同植毛, 植毛前真係一D都吾似狗狗, 但完成整個植毛再修剪後, 形象就出來啦！好想做下其他顏色既貴賓狗, 不過要拆羊毛線再植毛比較花時間, 等我做完手頭上既手作再決定先🤩🐕

蔥油餅

見bloggers 整蔥油餅, 所以自己又玩, 材料簡單, 不過因要發酵, 吾夠時間, 所以只可以當午餐, 這個份量可以做到2個餅. 😊

中筋麵粉1杯(大約250ml)
溫水 半杯
酵母粉1/4茶匙
糖 1/4茶匙
葱花 半杯
鹽 少許
五香粉 少許

挑戰羊毛氈舊作品

我昨晚完成左個新手作品, 事原我最近整理個工作櫃時, 找到上年制造既羊毛氈松鼠狗頭, 不過自己吾係太滿意這個手作, 所以決定反做多個新既出黎練習一下. 因為家中材料吾夠, 所以做左迷你版. 🐶上圖係做左個底加半植毛相片, 下圖係全植毛加耳朵. 我覺得新既迷你做出黎細節位足夠, 所以似擬真狗狗多D. 你地又喜歡大隻還是迷你版呢? 😊

照燒雞扒刈包

終於我地買到麵粉, 立刻買雞肉回來做這個照燒雞扒刈包啦! 我只用鹽醃左雞扒, D麵團用麵包機整, 搓成團後, 取出后分成8份搓圓, 蓋上濕布醒十分鐘. 將麵團碌至橢圓形, 再把油掃上表面, 然後對摺放於牛油紙上.最後發酵20分鐘, 放入鑊中隔水蒸20分鐘就完成, 雞扒簡單D用現成照燒汁煮就ok. 

我同家人都覺得味道ok💗, 不過細佬就吾喜歡個刈包, 只食雞扒. 😜

刈包材料食譜: 可以做到8個刈包

麵粉200克, 牛奶120ml (我用水代替), 酵母2克, 菜油4克, 糖10克

嬌小天竺鼠

因為疫情, 自己家中既原材料(純羊毛)不足, 又吾想出街買, 所以決定做迷你版羊毛氈練習下, 打發時間. 第一個手作品就係這個嬌小Q版天竺鼠, 佢好細隻咋, 我放隻手係旁邊就知佢幾迷你. 🤩不過我覺得迷你版仲可愛D, 所以我整左個小紅蘿蔔係佢面前, 個畫面好似餵佢食野咁, 幾得意架. 🐹🥕

科學堂 - activities with kids ideas Science

今日同小朋友上科學堂, 第一個科學實驗係水中煙花fireworks in a jar with oil and water, 先倒3/4杯暖水入玻璃杯中, 用另一個碟放油同食用色素(食用色素顏色要一點點放在油上) 最後將所有油用顏料倒入杯中, 就會變到好似圖中既情形, 好靚, 不過好快就玩完. 😜

之後玩第二個實驗, 就係用磁鐵同嚮鈴, 先找個紙碟, 放嚮鈴在碟上, 碟底用手控制磁鐡方向, D嚮鈴因為係鐡, 所以會俾磁石吸住而另到佢地動起來, 好似D鈴識跳舞咁, 好有趣既玩意🤗好特別既活動呢！💗