開心事就係我盆蘭花有新B啦, 又出新芽. (老公前日話我知, 不過我仲估估下, 覺得似根多, 今早證實係芽）🎉🎉
第二件開心事, 從有小B既出世以後, 對自己既打扮已經接近放棄, 素顏加亂頭, 日日如事, 好悶又無精神咁. 今早起身, 同自己講要打扮下(週末愉快 happy weekend) 所以襯小B睡覺時, 化個妝, 個頭整個髻，個人立即精神晒。😁
出街同大仔買新衫, 等佢試衫時, 見到對面女裝鞋幾靚喎, 睇中左對短靴. (家中無短靴, 自己一向對短靴印象麻麻地）今次一試, 仔仔同我都覺得吾錯, 價錢仲ok, 大約hk 70元. 仔仔話對新鞋同今日個髮型好襯啊, 哈哈, 女人真係心情好又買鞋, 咩時候都買鞋. 💗
影左張全身相俾大家睇, 請跳過個大肚腩 (並不是有喜, 只是未修身姐, 嘩哈哈😂)
買到啱心水嘢特別開心,不過唔知你係咪寫錯價錢，冇可能咁平喎。
回覆刪除同時你個肚腩唔算突出，身形唔錯。
謝謝你EE, 你真好人. 價錢對啊, 我係Primark買架. 😊
刪除你呃人！邊有肚腩喎。。。你好瘦就真
回覆刪除哎呀, 哈哈, 謝謝你😂
刪除祗係企的角度，你錯覺有小小肚仔啫，其實身形好好呀，我年青時好鐘意梳髻的，覺得好有女人味，嘻嘻！
回覆刪除謝謝小月, 我都喜歡梳髻, 感覺吾同D, 話你知, 我第一次梳髻咋, 日後要整多D, 仔仔都話好睇呢, 聽到我幾開心啊.. 哈哈😉💗
刪除能買到自己喜歡的東西而且仲咁抵，真係正。
回覆刪除記得忙裡偷閒，做d令自己開心的事，好好對自己。
謝謝你Jose, 我地一齊加油! 💪🏻💪🏻
刪除生活快樂事多多~ 太好啦!
回覆刪除謝謝小桃, 要開心些牙, 嘻嘻. 😉
刪除