木瓜雪耳無花果瘦肉湯 <智能高速煲>

見到街市木瓜幾靚又買番個黎煲湯, 木瓜我喜歡伴雪耳, 想熱飲, 所以加左瘦肉同無花果, 仲有南北杏. 用高速煲, 快靚正, 足足有兩公升湯水, 好味. 😋
我最近因為新高速煲, 所以一個星期都煲三, 四次湯水, 發現我家有個小粉絲. 就係小B啦. 佢好撐場喔, 煲左咁多次湯只有一次吾飲 (因為個次D芫茜味太重, 大仔都吾飲, 明白既, 我細個都吾喜歡芫茜味) 其他湯水小B次次飯後都飲一碗架, 連碗底D湯渣都吾怕, 次次清乾淨. 
現在有個湯腳, 我可以有動力継續一星期三, 四日有靚湯飲啦! 😁