Q版羊毛氈狗仔心口針

上次做完個草莓狗仔心囗針後, 有朋友仔問可吾可以做佢對寶貝臘腸狗🐶不過心口針咁細, 好難做細節, 所以最後大家決定做Q版公仔. 💗這兩個就是製成品啦, 主人家滿意, 希望大家喜歡😊

遊戲咭 - activities with kids ideas card games

又到星期一, 在家上課既時間又開始了. 今日玩遊戲咭, 一款係記憶遊戲(memory game) 找出相同既圖案, 找到最多咭就贏. 😊

第二款就係數學咭, 一面係加數➕, 一面係減數➖, 題目一D深, 一D淺. 淺個D加數細佬學校之前有教過, 所以難吾到佢. 👍🏻不過減數未學過, 所以用家中玩具車教佢簡單既題目, 好似5減2係幾多啊?就放5輛車係地下, 再拿走2輛, 咁就計到係3啦！這個方法又簡易, 又有得玩, 所以佢都好喜歡玩.  🔢

咖啡焦糖奶蓋 Dalgona Coffee

今日起身就整左杯咖啡焦糖奶蓋飲品, 原於昨晚俾instagram 既朋友點名做這個咖啡. 原來這個咖啡係YouTube 同網路上都好紅(可能大家在家太悶, 所以有多D時間試新野) 我自己本身對咖啡興趣不大, 無每天飲既習慣, 不過老公有飲咖啡, 所以今次湊熱鬧玩玩😘

做法, 兩茶匙即冲咖啡(吾可以有奶粉係入面,如果有會打吾起焦糖), 兩茶匙糖, 兩茶匙熱水(一定要剛煲好既熱水, 如果溫熱水又打吾起) 所有材料份量係1:1. 再用打蛋器打7-10分鐘(網路上係手打400次, 不過我用電動打蛋器, 我無力用手打😜) 打到D材料轉淡棕色同起身就ok. 再在玻璃杯中加入冰塊同牛奶(八成滿) 再加上焦糖係上面, 就完成啦, 飲時用匙拌勻. 濃濃既咖啡味, 伴凍牛奶都幾好飲架, 見到佢由粉變焦糖又幾得意喎! 😘👍🏻

Q版羊毛氈狗仔

最近除左做擬真動物, 又想做番D簡單既手作, 所以做左這個羊毛氈Q版大頭狗仔🐶

我記得讀書個時, 一次興食麥記換大頭狗仔, 自己對這些公仔興趣麻麻, 不過身邊朋友特別喜歡, 所以有食開麥記時候, 都會送俾佢地. (吾知大家記吾記得麥記公仔呢?)🍔🍟

這個羊毛氈狗仔, 做到個一臉可憐既樣子, 好可愛喔😘

自製漢堡包

上次見到bloggers 整刈包, 好想食啊！不過屋企無麵粉, 只有麵包粉同蛋糕粉, 所以轉左整漢堡包.🍔

今次用左這個食譜, 無蛋🥚無奶(用水代替), 食譜整到9個大麵包, 我就做左10個細漢堡包. 🍞前一晚用叉燒醬醃左雞扒, 早上焗包, 晚餐就食漢堡包伴麵. 個個包脹卜卜, 得意又好食💗

Ingredients for 9 pieces of bread:

bread flour 300g(2cups-pressed)

water 190g(200 ml) (2tbsp more or less depending on the type of flour)

yeast 1 1/4 tsp

milk powder 6tbsp

butter 55 g (4-5 tbsp)

salt 3/4 tsp(1/2 tsp if you use salted butter)

sugar 3tbsp

髮型屋 - activities with kids ideas role play - Hair salon

今日做咩好呢？一於玩角色扮演, 網上有這個提議, 就係開髮型屋, 做咩? 😜咪玩剪頭髮💇‍♂️同搽指甲油💅吾係用阿媽親自上陣, 係用手工去創作頭髮同手甲, 比小朋友自由創造. 😊

首先就係整個公仔同頭髮出來, 用紙碟比小朋友用顏色筆畫左個人仔先(原本計劃係畫個面, 即眼睛, 鼻同嘴, 不過細佬畫畫下, 又話要加眼鏡同手腳, 所以最後變左人仔, 不過無問題🤩)

之後再貼D頭髮上紙碟背后(我用左舊雜誌D紙, 剪成一條條, 有多紙條, 所以又加上個面具到做鬍子🧔)貼完後就可以用小鉸剪比小朋友剪D頭髮啦!😘

玩完剪頭髮, 就整甲油啦! 💅教學話用硬咭紙去做手來搽指甲油, 不過比我找到D假指甲片, 係以前買落黎玩, 買左番黎無用過, 竟然現在有用, 所以今次拿左出來比細佬玩😜

首先用筆畫個手掌印, 之後貼假指甲上去, (用番之前玩個紙碟做底, 就吾怕D指甲油搽到四圍到係) 

細佬好細心咁慢慢搽, 玩左好耐, 問佢喜歡玩邊個遊戲多D, 佢選左搽指甲油, 真係估佢吾到😂

自製彩虹 activities with kids ideas - rainbow

英國朋友媽媽介紹左D 有趣活動同小朋友一起做, 這次係自製彩虹, 我地玩左兩次, 星期一用家中有既手作材料做左個不織布彩虹. 我找到D不織布布碎, 剪剪貼貼, 圖案不規則吾重要, 最重要小朋友玩得開心, 學下剪貼, 顏色, 數目. 🌈

今日又再玩, 找番D衫鈕出來(幸運自己好喜歡玩手作同玩過好多興趣手工製作, 所以家中咩到有D, 這裡只係冰山一角😂👍🏻🧵📿🧶) 等細佬學下分類吾同既顏色, 形狀, 做完好有成功感呢! 💗😘

做完小朋友継續玩衫鈕, 話佢地似蘑菇, 所以又扮農夫收割蘑菇喎, 咁又玩一餐啦! 🍄

停課孩子活動 - activities with kids ideas P.E with Joe

學校停課, 小朋友在家如何放電好呢? 朋友介紹我係you tube 同小朋友一起上P.E 堂做運動. 🏃🏼‍♂️這個YouTube 頻道叫P.E with Joe, 由星期一開始至星期五, 我們昨日開始一齊做, Joe 既原意係比小朋友家中動下身, 我地大人都有一齊參加, 由熱身到完成半個小時就ok, 我都有跟住做, 做完都一身汗, 減肥好適合呢, 哈哈. 😂 現在無得出街, 會改係屋企拉筋同修身運動, 下次再同大家介紹下有乜活動可做. 💗

羊毛氈Q版兔仔與花心口針

上次做完隻羊毛氈兔仔與花心口針, 有朋友仔問可吾可以做隻同佢寵物兔仔既心口針. 其實我仲未掌握到做羊毛氈兔仔, 所以問佢可吾可以做隻Q版, 佢話ok, 所以就跟相做左這個兔仔心口針啦. 🐇💐💗我比七十分相似度, 現在小朋友停學, 做手作既時間留番D小朋友睡覺後才開始, 好彩老公最近幫我整好個桌燈, 現在晚上做都吾怕傷眼啦🤩

慳家菜- 炸雞火腿白汁意粉

上星期六買左桶炸雞食, 但食淨幾件, 如果用焗爐整熱返又比較乾身, 無咁好食, 所以拆左肉後, 用雪櫃淨番既火腿, 煮左意粉, 用白汁芝士一齊煮, 就完成這個炸雞火腿白汁意粉啦. 因為有芝士白汁, 所以D雞肉無齊食咁乾身. 我地好少食炸雞架, 因為細佬食完會咳, 所以好多個月無食過, 下次可能又要等暑假先有機會食呢🍗😜

蘭花近況

我家中兩盆蘭花, 一盆休養中, 一盆正在長花芽呢, 一黎仲要兩個, 好開心啊, 小確幸💗

羊毛氈草莓臘腸狗心口針

生果中我最喜歡食草莓🍓所以想到新設計, 就係加上可愛既小狗仔, 一同做這個心口針. 🐶 因為臘腸狗Q版比較容易做, 所以今次既主角就係佢啦！💗 

羊毛氈兔仔與花心口針

俾大家睇下我之前既手作品, 係羊毛氈兔仔與花既心口針, 花束係自己用不織布做的. 見到這個小兔子, 好想快D復活節. 🐇💐💗🌸

慳家菜, 一雞兩食 chicken drumsticks

每次買雞槌回家, 一定可以整到兩餐晚餐. 首先將雞槌用盬醃一晚, 第二日煲熱水, 放雞槌(用中大火)煮二十分鐘, 之後再熄火焗多十五分鐘, 等D雞熟就食得. 🍗老公同大仔每人食兩隻, 我同細佬每人一隻, 加菜加飯, 就夠一碟碟頭飯既份量🍛每次我地都會買大約九, 十隻雞槌回來整浸雞, 淨番個D熟雞槌, 會拆骨切肉粒來炒飯.🍚 好似今次咁, 用西蘭花莖🥦加半份紅蘿蔔🥕(這兩個蔬菜又係兩食, 西蘭花D花用黎炒肉又一餐, 另外半份紅蘿蔔用黎做免治牛肉飯🐮🥘)

打完這篇文, 覺得自己好c9, 但無法啦, 非常時期, 慳得就慳, 希望疫情快D好番. 

低醣牛油果蛋卷餅+牛油果保存法 low carb almond flour, avocado with egg wrap

最近同朋友仔傾開減肥, 佢用食療法(即由食物入手) 今次試低醣Low carb. 我見食譜都好簡易, 加上屋企有食材, 今日試左做牛油果蛋卷餅. (卷餅材料係杏仁粉38g, 熱水55g, 一湯匙麵粉, baking powder 1/4 茶匙,拌勻之後放煎Pan 上, 烘熟就ok)

之後再加半個牛油果同煎蛋皮(蛋皮我只用左一半份量, 其他俾家人食) 三樣食物卷起一齊就食得😘味道俾我想像中好食, 雖然個杏仁卷賣相麻麻, 但好飽肚. 🌮💗下次可以用1／4個牛油果都應該ok. 🥑

題外話, 原來切開左既牛油果除左用檸🍋汁保存, 切開有核個面反轉放入清水入面同入食物盒, 再放入雪櫃(蔬菜個層), 第二日食都無變黑曬, 這個方法好適合我呢, 因家吾係常常有檸🍋汁(圖中個牛油果黑色部分係太熟, 我放太耐先開黎食, 所以有少少黑左, 不過食感無問題) 等我再找多D食譜再試試, 希望夏天前減到個豬腩肉🐷🤣

無蛋班戟 crepe egg free

小朋友下午茶想食班戟, 但屋企無蛋, 俾我發現YouTube 有無蛋班戟教學, 又試試. 材料拌勻, 等30分鐘才開始煎, 味道我覺得同用蛋一樣, 不過我今次只試左半份份量. 大約做到六個. 這個食譜好好, 會再整. 👍🏻💗😊
Ingredients: 500 ml milk of your choice 2 tbsp butter or milk free margarine 200 grams plain flour (gluten free if you so desire) 50 grams sugar ½ tsp bicarbonate of soda/baking soda Pinch salt

小雀仔

最近工作比較忙, 所以抽空做D簡單既羊毛氈手作. 這個小雀仔非常簡單, 一邊睇電視一邊做, 好快就完成. 放係樹上影張相, 幾得意呢！有自然生態背景影相, 感覺生動D.🐦💗

約瑟爹利，Yorkshire Terrier

早前朋友仔叫我做佢對寶貝狗狗, 因為未試過做這款品種既羊毛氈狗仔手作, 所以膽粗粗試下, 佢地品種係約瑟爹利, Yorkshire Terrier, 真狗就見得多, 不過今次寶貝毛色不同, 所以花左好多時間才完成, 而且做底層時, 做得太大, 所以整隻狗比例跟原本計劃有出入,幸好朋友反而喜歡尺寸大D. 完成後放上草地影相, 特別放個玻璃瓶係旁邊, 可以對比番狗狗既尺寸,  感覺幾特別呢, 好喜歡草地個張相, 好似兩個小寶貝係到一齊玩咁🐕🐾🐶💗

茄汁芝士豬扒焗飯

今日整左小朋友仔喜歡食既茄汁芝士豬扒焗飯, 太耐無整啦, 芝士焗過左火少少, 不過味道一樣好食. 細佬平時食飯要好耐先食完 (因為佢吾太喜歡食飯, 反而意粉佢仲食得快D) 但今日佢食得好快, 又大碗飯. (晚餐前仲食左一個肉鬆麵包添) 真係估佢吾到. (可能D飯甜甜酸酸開胃掛) 😋

Welsh cakes 威爾斯小蛋糕

係Facebook 見到 Mrs. P’s kitchen 整這個小點心, 未食過同未聽過, 不過見材料簡單, 就星期六同小朋友一齊玩下. 原食譜係俾5-6人份, 不過吾知味道係點, 所以試左跟半份份量先. 出來感覺同鬆餅 scone 差不多, 不過矮身, 都ok, 暖食囗感比較好. 😃如果喜歡鬆餅既朋友仔可以試試🍪 我會再整, 因為大仔喜歡食, 不過細佬只係食左一個, 下次都係做半份, 同大仔分黎食.💗
https://cook1cook.com/recipe/48406?fbclid=IwAR3ellYjjMPiZP7LnX2F9ynjjz-3Fu4v6DnYRcA06S-1LFOYsyUTE1hukcw