泰式芒果椰汁糯米飯

整左啦! 整左啦! 時日甜品, 泰式芒果椰汁飯.

話說見到谷友包糭, 終於買左包糯米回家, 但未有動力包住. 上次煮左綠咖哩淨番半罐椰奶, 於是第二日去超市買個新鮮芒果, 整左這款甜品. 

這個份量係一杯糯米, 用電飯煲煮熟, 椰奶加糖, 小小鹽煮勻, 放椰漿落糯米, 拌勻, 切好芒果伴碟, 完成.

食後感: 係好味道, 不過好難消化. 這個係二人份量, 但最後我地都食淨半碟. 可能年紀大左, 以前可以早餐食大X活巨型糯米雞都無事. 講開糯米雞, 應該係下次挑戰既項目啦!