2016年3月4日星期五

窩夫waffle


聖誕期間本來睇中左部三合一機, 但因太忙, 忘記左個優惠期, 所以無買到. 錯有錯著, 先發覺原本睇中個部配件做吾到我想整既食物. 係生日前俾我係網上面找到個機可以整飛碟三文治, 仲有我最想要既冬甩同窩夫.

我上次係街食過新鮮窩夫後, 對佢念念不忘, 太好味啊, 配搭又多, 水果, 朱古力漿, 牛油, 花生漿, 糖粉, 糖漿... 仲有我最喜歡既雪糕. 當早餐又得, 下午茶又得, 甜品又得, 有左這部機, 想幾時食都得啦.
試機, 整左個原味先, ok 好食, 下次試下加可可粉, 又會變做朱古力味啦! 不過窩夫要新鮮先好食, 凍左麻麻地. 下次試試個冬甩先.


低筋粉125g

泡打粉4g
鮮奶135g
鹽1g
砂糖30g
全蛋液35g
無鹽牛油20g



2016年3月1日星期二

燒味飯

好耐無整燒味食, 所以買左一隻鴨, 見要開爐, 一於焗多樣, 就整叉燒啦.

隻鴨就麻煩D, 要醃又要吹乾上色. 但出來好好食, 叉燒又正, 這個燒味飯好味道.

因係我地只切鴨胸做餸, 所以淨番個鴨殻, 上面仲有好多肉, 折左之後, 老公話今晚炒飯食. 

吾知個鴨殼仲有無用呢? 用黎煲湯? 煲粥? 請大家俾D意見我啦。:)