2014年8月31日星期日

今日晚餐

今日整左咸酸菜肉片炒扁麵做晚餐, 又想飲湯水, 所以用紫菜滾肉片湯, 但我已經跟足食譜做法肉有醃, 滾後加盬同魚露, 但出來既效果還是差一點, 於是最後加了一粒濃湯寶, 味道好些, 但老公還是覺得差些味道, 請問你地如何煮紫菜湯呢? 



2014年8月29日星期五

奇華蛋黃奶皇

就快中秋節, 所以家人送些月餅給我們, 其中一款就係奇華既蛋黃奶皇月餅, 這個月餅細細個, 但好好味, 建議食法, 放入微波爐20秒, 好香啊. 連吾喜歡食月餅既仔仔都喜歡食, 就係因為這個原因, 我今日訂左月餅模, 希望趕得到中秋前完成我第一次酥皮奶黃月餅啦. ^^ 


好多謝家人仲送左包花膠螺片湯包, 湯味濃郁, 餘下既湯料如花膠, 螺頭切片, 我加入冬茹同豬脷一同炆, 又有一碟餸加料啦. :)

2014年8月26日星期二

章魚小丸子之cake pop maker

上次提到cake pop maker 除了可以做棒棒蛋糕外, 仲有這個, 當我見到部機時立刻有這個問號, 可以用來做章魚小丸子嗎? 原來真係得架. 好開心, 因為出來既效果好似同好好食. 仔仔第一次食, 佢都好鐘意, 一次食左六粒添. 等老公回來, 今晚既晚餐就係章魚燒伴雞肉炒烏冬同西洋菜湯. 我地食完晚飯後, 覺得吾夠口, 一於再整過, 又食多十二粒, 飽飽啦!

麵粉食譜:


  • 低筋麵粉200g
  • 全蛋1顆
  • 300cc
  • 1細匙
  • 1大匙
  • 白胡椒少許


可以加入其他食材, 如章魚, 腸仔, 魚蛋, 椰菜, 葱, 栗米, 芝士...

http://youtu.be/nFWPxbwsiL8

這個係用cake pop maker 做法既短片, 我都係跟佢做的, 但最後既時間我改左至1-2分鐘才轉小丸子一次, 令其顏色金黃D.

最初我只做了六粒試下個效果, 第一次, 一般, 再做就越來越好啦.




2014年8月24日星期日

蘭花

係近新年時影過盆蘭花, 好耐無同佢地影相, 兩盆蘭花已經由花蕊到現在開花啦! 兩盆蘭花都是同色紫色, 同樣這兩盆蘭花也是第二次開花, 所以見到佢地盛放, 睇見到好開心啊. 一盆有六朵花, 另一盆有九朵花. 少花個盆其實原先有更多花, 但上次放出去吹風時, 風太大而拆斷了, 好可惜. 蘭花既花期很長又美, 新年都現在還仲有花觀賞, 只係每個月掉些花兒. 上個月有一盆仲不斷生花蕊, 我想到聖誕還有花兒盛開. 感恩. ❤️



2014年8月23日星期六

飛碟三文治加壽司

這個星期中, 問仔仔想要食什麼做早餐, 仔仔話要食三角型多士, 諗左一陣, 原來仔仔係想食飛碟三文治, 於是把三文治機係櫃底找回來. 屋企無什麼材料, 一於用車打芝士碎加麵包. 熱力令芝士融化, 非常美味. 這部多士機我在N年前買回來的, 香港咖啡店會有好多口味, 有呑拿魚, 火腿, 芝士等等, 我喜歡加蕃茄仔同芝士一起食. 

下午有時間, 一於整仔仔鐘意既壽司做下午茶. 上星期仔仔話要食佢最愛既三文魚壽司. 出街食饀料又少, 自己整就大食夾抵啦, 包同切都吾係咁靚, 有待改進, 但自己食就不怕啦, 嘻嘻. 


2014年8月22日星期五

簡單兩味家常菜

今日整左兩個簡單家常菜作晚餐, 因為昨晚出左街食, 但又融左一餐雞肉同午餐食餘半舊义燒, 原本想整福建炒飯, 但見到bloggers煮雞肉照燒汁好吸引, 所以跟隨做了這個餸. 但食譜要有味啉同甜豉油, 兩樣也沒有, 所以用生抽, 老抽加黃糖整成汁料, 都好好味, 跟手加個洋蔥一起煮. 而义燒就用雞蛋炒, 變成滑蛋炒义燒, 今餐有肉有菜又有蛋, 半個鐘頭就完成兩味餸, 易煮食. :)

個雞肉照燒汁睇相好似好深色, 可能我今次用老抽重手左, 下次會留意番.



2014年8月21日星期四

Cake pop maker 棒棒蛋糕製作機

這個就是我的cake pop maker 棒棒蛋糕製作機既真身啦. 見其他bloggers係用baby cakes maker, 其實兩款也一樣的, 我喜歡白色, 跟我的多士爐同色, 而baby cakes 係紫色. 而且兩款maker 也是12個蛋糕一次, 做蛋糕既時間也差不多的.

其實除左cake pop maker 蛋糕製作機可以做棒棒蛋糕, cake pop mould 棒棒蛋糕模也一樣得, 不過我睇過評論麻麻地, 同平時焗cupcake 杯仔蛋糕既時間一樣, 但就做吾到蛋糕機既其他功能啦, 好似鬆餅pancake, 糖冬甩doughnuts等. 而且蛋糕機只要4至5分鐘就可以, 省時好多. 

部機焗出來係一個個小球, 大小就跟據你下多少粉團而定, 不過大約放八成滿, 多數蛋糕也會一樣大細. 

2014年8月20日星期三

Cake pop 棒棒蛋糕

暑假多時間, 所以有時間同仔仔一齊做下蛋糕, Cake pop 棒棒蛋糕係香港好多人識, 但我自己首次接觸係在一個公益活動第一次食. Cake pop 細細個, 有D仲整公仔樣, 真係好吸引. 之後我上網睇食譜, 焗左個蛋糕, 弄碎佢之後再加icing cream, 但出來既作品好甜, 不合口味, 之後就再無試做啦. 係烘焗店見到有cake pop 既蛋糕模賣, 心思思想買, 不過review 評論一般, 心大心細, 所以無帶回家. 

好多謝家人送左個cake pop 機俾我, 今日第一次用, 好喜歡, 又易用又快, 原來部機仲可以有其他用途, 等我下次再介紹. 部機首先要預熱4 分鐘, 掃油之後放蛋糕料, 不要太滿, 再焗多4分鐘就可以. 煮融左朱古力後, 加朱古力做裝飾, 今次做型麻麻地, 不過好好玩, 仔仔都話要再玩! ^^


2014年8月18日星期一

吾淑吾食之檸檬雞

其實這個餸大家好耐之前已經知道, 係其他bloggers中也有煮過, 但我是近來才重睇這個節目才跟著做, 真係好易又特別. 檸檬雞, 我地一家一向係炸雞伴檸檬汁煮實, 而不是用新鮮檸檬的. 風味又不一樣, 吾知配其他肉類又得吾得呢?

有了之後, 好喜歡飲湯水, 所以一有時間就煲, 上次係青紅蘿蔔伴排骨湯, 想飲蕃茄湯, 又買左兩個蕃茄配薯仔豬骨湯, 原來用豬骨煲湯係濃郁好多, 好好味, 下次都用豬骨煲湯至得. ^^

食譜 :

雞肉, 檸檬 1個, 生抽, 老抽, 蠔油各一湯匙, 片糖 1.5片

做法:

1) 雞肉略醃, 炒至變色巳可以

2) 加入汁料, 將檸檬切頭尾, 切成三片加入鑊中, 再加入片糖

3) 煮好加入雞肉反炒, 完成.



2014年8月14日星期四

麵包機製烏冬之上海粗炒

 最近見到bloggers同Facebook 用麵包機整烏冬, 又幾得意喎, 所以一於試下, 其實之前未有麵包機都用手整過. 不過今次出來既效果好D, 所以同大家分享一下. 麵條因上次既經驗已經切幼左, 但煮入水後, 依然變粗麵條, 所以今次用來整上海粗炒啦. 自家製烏冬口感出來比較紮實同彈力,  同一般福字牌烏冬不同. 

材料:

高粉 200g

水 100cc/ml

鹽 2 tsp

做法:
1. 將麵粉、鹽、水放入內鍋中;
2. 選擇麵團程式,按下開始鍵;
3. 15mins後,麵糰完成,關掉電源;靜置30mins醒麵糰;
4. 工作台撒少許手粉,放上麵糰,用刮刀切片2等份, 用刀子切成條狀, 切好用手拿起抖落多餘的粉

5. 鍋中放入大量的水煮沸,將(4)完成的麵條甩去多餘粉末後,放入鍋內煮10mins,用篩網撈起,放入冷水中。
6. 完成




2014年8月6日星期三

吾淑吾食之鮮奶燉蛋



正用跟youtube找尋食譜, 俾我見到吾淑吾食既鮮奶燉蛋, 好多人都讚這個節目好睇, 平時我冇睇, 今日睇YouTube 發現好易做, 出來既效果仲好似街買一樣, 所以同大家分享下 :)

食譜 :
4隻 蛋
4 湯匙糖
4杯奶

做法:
1)將雞蛋, 糖, 奶拌勻
2) 將碗同水一齊煮滾, 水滾後, 用洒將蛋液隔起,
3) 中火蒸2分鐘, 之後離火焗20分鐘, 完成.

出來又滑又好味.