扎肉撈檬粉

 

因為知道制麵機可以製作米線類麵條, 所以一做準備好哂材料, 想食扎肉, 所以自己整左扎肉做法食譜 連個汁都自製, 非常有誠意. 💗出來效果好似呀, 我以前好喜歡小巴黎越南食店既檬粉, 好美味, 可惜已經無經營, 好耐無食過. 現在可以自己家中食到, 好開心😃🥰 不過整米線/ 檬粉既過程有D小插曲, 明天再講. 😉

汁料食譜: 

3瓣 蒜頭 (我無, 用左一茶匙蒜粉)

3條 細紅辣椒 (我無, 用左一茶匙辣椒油)

1個 青檸檬

3湯匙 魚露 

1cup 暖水

1湯匙 蜜糖

Sunday roast dinner 燒雞晚餐

 

今晚晚餐比較豐富, 有雞🐔西蘭花🥦紅蘿蔔🥕菠菜🥬薯角🥔Yorkshire pudding, 食完整左朱古力粟米片做甜點, 好滿足. 🥰

約克郡布甸 Yorkshire pudding

因為今晚想食烤雞 (Sunday roast chicken) 配菜方面有西蘭花🥦紅蘿蔔🥕焗薯角🥔 但忘記左買約克郡布甸 Yorkshire pudding, 所以今早勍自己開爐整左四個, 好耐無整, 都好成功, 個個都高大. 🥰這個是食譜: 做法

50ml 牛奶, 50ml 蛋(1隻大蛋), 50ml 中筋麵粉, 少許鹽

煮麥皮, 蒜蓉包

上個星期係YouTube 有人介紹用壓力煲煮麥皮, 我有興趣想試 (因為家中有一大包麥皮未食, 次次要用爐火煮先有得食比較麻煩, 加上我份量少, 一人前, 所以真係好少食)🥣

這個方法係1 cup 麥皮, 1 cup 清水,  1/2 cup 牛奶, 2 湯匙糖 (我比較喜歡食甜, 所以份量比較多)

將全部材料加入壓力煲, 選4分鐘功能, 煲自動排氣後就食得. 有餘可以留返下一日食.

今日仲整左蒜蓉包, 好食 🥖💗 

成麵團後, 先搓圓同平, 用叉穿小孔, 再放入焗爐焗十分鐘 (餅底成型後, 才放蒜蓉牛油同芝士上麵包) 再入焗爐焗十分鐘就食得 (目的係要令芝士溶化)

食譜: (可以做到四個中型蒜蓉包)

300g 中筋麵粉, 200g 溫水, 10g 酵母, 1 湯匙糖, 1 茶匙鹽, 1 湯匙油 (麵包機開機後, 成團五分鐘才落) 蒜蓉, 牛油

羊毛氈 - 大型老鼠

 朋友仔問我可吾可以做隻大型既羊毛氈老鼠, 佢要求做6寸高, (不過我最後因為製作過程有D問題, 所以只做左5.5寸高, 好彩朋友仔都ok 👌🏻) 佢想有D冬季氣氛, 所以我加左冷頸巾俾隻老鼠🐁🧣

俾大家對比下我之前既作品, 就知道今次隻老鼠有幾大隻啦, 哈哈. 🥰🐭

菜肉包同杯仔蛋糕

 今日又到左蒸包日, 因為想食菜肉包, 所以買左盒豬肉碎返黎, 例牌半盒肉整餃子, 半盒肉整菜肉包. (今日做左菜肉包先) 用左250g 中筋麵粉, 135g 溫水, 一湯匙酵母, 一湯匙糖, 做左八個中型包點. 💗

見發酵中, 有時間, 整左杯仔蛋糕, 這個食譜可以做到十二個 (不過我地一出爐已經食左半份, 因為真係好鬆軟)😍 🧁 杯仔蛋糕食譜 

阿麵

同阿麵 (制麵機) 一齊左幾個月, 今次係第二次出現問題鍵 (error, 停機 ) 原因係水份吾夠, 麵團做吾成型. (佢這款機份量一定要準確, 小一點, 多一點都不成) 吾知係咪隻麵粉吸收水份性能吾同, 個食譜只有180ml 水份, (最後要加多20ml才ok). 好彩可以由頭再做過, 不用浪費麵粉, 下次我都係跟這個食譜做, 會比較成功👍🏻💗 可以做到六份大加一個細麵餅🍜

中筋麵粉       500g

鹽              6g

水             200ml 

揚州炒飯

 今日食揚州炒飯, 不過伴左青瓜, 所以D飯淋左, 都ok 好食, 下次要記得吾好放青瓜 (出水呢) 😅

牛肉餃子

 另外個半盒牛肉碎, 就係做左牛肉生菜餃子啦！🥟 牛肉餡真係第一次整, 今次用左另外一個手法包, 估吾到小朋友好細心, 知道今次個包法細粒D (仲以為佢地齊食, 吾知吾一樣添, 哈哈😂) 

點解要做另一款包法, 係因為我這個星期已經包左一大袋豬肉餃子, 怕包法一樣, 吾次邊款打邊款. (這個新包法仲可以包多D) 同一個餃子皮食譜, 可以包到40隻細餃子. 💗 我好喜歡這個新包法, 應該下次都會咁包. 整好後, 水煮牛肉生菜餃子, 味道都ok, 下次要試試牛肉餡餅. 🥰

• 200g 中筋麵粉, 105g 熱開水(皮)
  
  
  
• 
  
  

牛肉丸

 因為家中有包牛肉碎, 所以用左一半整左牛肉丸, 好彈牙, 吾知係咪油份夠 (脂肪多), 蒸完試食, 感覺似食山竹牛肉😍, 下次想食點心可以試試. 250g 蒸左兩盆牛丸, 不過煮完已經食左一盆, 太好味, 我地一家, 食下又一個, 下次要份量加倍先得👍🏻💗

晚餐

 今晚整左墨西哥辡雞腿伴薯條作晚餐, 這份係大人食, 小朋友食鹽焗雞腿, 各有各精彩, 哈哈😄

羊毛氈 - 貓咪心口針

 上次做完狗仔羊毛氈, 今次做下Q 版貓咪心口針, 加個蝴蝶結🐱🎀💗都幾得意架😊

羊毛氈練習- 狗仔

 朋友仔聖誕節期間想我跟相做佢寶貝小狗留念, 所以我又有練習機會. 今次只做頭部, 面部既顏色吾複雜, 所以都好快完成. 🐶💗

炒麵

 其實我湯麵, 炒麵兩款都喜歡, 不過有時想食D香口野, 就會煮炒麵. 今次先炒好伴菜, 又係自製麵條, 水煮三分鐘, 過冷河. 再反炒熱D麵同伴菜 (大約一分鐘) 就食得😊🍜💗 

今次係煎餃再加豬肉丸同甜豆, 好味道. 🥰

新年大餐

 今晚煮左新年大餐, 有燒汁豬肋骨, 薯角同粟米. 簡單又好味, 希望新一年大家都健健康康, 開開心心🥰