時間過得真快, 轉眼間BB已經過左6個月大, 可以食副食品. 因BB係早產子, 所以姑娘建議遲少少才開始. 因此在BB 6個半月大嘗試俾小小米糊, 但BB 還小, 仲未識吞, 同一食米糊就哭, 所以停左一個星期再試, 這兩日又食得幾好.
於是就找嬰兒食譜, 其實之前有試做冰粒, 但BB全部都吾俾面, 只食有甜味既香蕉. 同朋友傾, 話要找些咸點俾BB, 如果吾係大D只食甜.
找到這個食譜好易做, 材料有一個紅蘿蔔, 100g椰菜花, 2茶匙米糊, 同少量芝士同適量水(我用蒸蔬菜餘下既水作高湯) 我試過味, 不是甜的, 有少少咸味, 因為有芝士.
好期待啊, 終於到試食既時間啦. 解凍左一粒. 初初放入口, BB 俾左個好得意既樣, 因為試新野, 第一啖吾知咩黎, 好可愛. 今日食食下, 又ok喎, 食左半份, 10ml. 哈哈, 我就好開心啦, 自己整到BB既副食物, 健康D, 平D, 仲好有成功感呢!
仔仔放暑假, 準備答謝老師辛苦教導, 所以買左盆家樂花同自製張心意卡俾老師. 自己用羊毛氈做左個蘋果心口針, 又用新買既英文字印仔做封面, 好好玩啊, 希望老師會喜歡啦!
又shopping 啦, 現在真係好方便, 不用出街, 在家上網舒舒服服也可以買到野.
今次買左英文字母印仔, 原本只係想印英文大楷, 點知睇睇下, 這套加多hk$20元, 就包括細楷同數字. 咁抵一於買曬佢啦.
個果都幾靚, 有D復古感覺, 等我遲D試試效果點先!
上次見blogger整紅豆沙, 好想食啊, 見到雪櫃有包紅豆, (上次整紅豆餅餘下的)所以今日食完午餐, 就用左個燜燒杯整左紅豆沙啦, 燜左兩個半鍾頭, 食得啦, 又少甜, 幾好喎. 下次試試綠豆沙先.
終於到左朋友結婚既好日子啦! 新郎哥係個電視迷, 所以場地都有好多電視裝飾, 有好多紙版道具, 座位名單仲用左好多英國, 美國既電視戲名開玩笑. 而且新娘子精通法文, 鍾情法國, 所以結婚蛋糕用上英國名劇集Dr. who內公仔放在蛋糕上, 而外圍就用上主題顏色藍同粉紅色. 場地好靚啊, 睇得出兩人都花盡心思. 天公造美, 天氣好好, 婚禮也很完滿, 祝福佢地白頭到老, 永結同心. ❤️
