煎肉餅

原本想整豬肉包, 不過個麵包機未能正常運作, 所以將一半豬肉碎加100克西蘭花做左煎肉餅. 這個餸有菜有肉, 幾好. 不過如果下次再整, 要加個汁醬可能會好食D. 😊

三文治與沙律

天氣熱, 所以選左食三文治, 仲整左薯仔蘋果蛋沙律, 這個真係好耐無食啦. 以前細個學校大食會, 時常都有這個沙律, 可惜家中小朋友吾喜歡, 所以好耐無整過. 現在食這個沙律涼爽爽, 好食呢. 😍

羊毛氈儗真貓咪

這個手作用左好多時間才完成, 由底部, 植毛, 配色, 塑型, 花左好多心機. 因只可以用家中有既存貨羊毛材料製作, (供應商無個隻顏色貨, 所以製作要好小心, 無得返做第二隻)
好彩朋友仔都滿意, 不過我想儗真貓咪要停停休息下, 好花眼力, 心力, 由其這些花紋貓, 我第一次跟相中做花紋貓, 做時好想放棄, 幸好最後都完成, 鬆一口氣💗
這個完成品 

塑型前

中筋麵粉麵包三文治

疫情發生後, 我個麵包機一個星期最少工作四天, 真係未試過長時間工作咁耐, 因這個是二手機, 加上已經買/用多年, 希望佢無事啦！💗
講番正題, 今日又用麵包機做麵團來整三文治, 我一起身, 第一樣要做, 就係開機量麵粉, 做完發酵, 做型及焗麵包後. 再放煙肉, 蛋, 意大利腸, 芝士入麵包, 時間剛剛好到午餐. 🥪 天氣熱, D包又發大左, 不過都好食, 家人同我都喜歡食自製麵包, 現在熱天, 午餐想食D清新食物, 三文治真係一個幾好既選擇🤩👍🏻

Chocolate brownie 朱古力布朗尼

見到朋友仔係網上整左朱古力布朗尼🍫, 原來自己都好耐無食, 所以最近又整, 太耐無整, 出來好乾身, 為有伴雪糕食. 下次焗既時間要再短D先得. 🤓

All Day breakfast 英式早餐

好掛住英式早餐, 其實在家煮都好容易又經濟. 今次只用左腸仔, 煙肉, 磨菇, 炒蛋, 自製薯餅, 因為太多食物, 所以無加焗豆同吐司, 好味又滿足😍

羊毛氈Q 版西施狗仔 shih Tzu

我一早整好個綠色圓型底部, 今日用左一個上午完成左羊毛氈Q版西施狗, 加D花花在頭上, 等我做多幾隻出黎先得, 因為簡易版, 所以不用太多時間完成. 🐶🌸💚

白汁芝士煙肉雞扒長通意粉

昨晚整左個白汁芝士煙肉雞扒長通意粉, 快趣又簡單, 最重要家人喜歡食呢, 細佬食得好快🥰💗今次D芝士無焗過籠, 無燶, 剛剛溶化, 好食👍🏻

World Bee Day 世界蜜蜂日

原來今日係世界蜜蜂日, 咁我又湊熱鬧發個羊毛氈蜜蜂文啦！🐝 這個小蜜蜂係上年前既手作品, 一早已經係草地影左相, 不過我又忘記左佢, 細細粒, 幾得意架. 🌸💗😊

再嘗試

昨日整左麵包後, 做左西多士, 已經食晒全條麵包. 所以今日再嘗試, 這次無發酵過籠, 不過就吾高身, 我好喜歡食自家麵包, 有咬口, 有D似食硬豬咁, 切片後立刻搽花生醬好味道, 明天早餐又有得食. Good 👍🏻😊🍞

西多士

我昨日整左麵包, 又係用中筋麵粉, 今次整全條麵包, 因為未做過, 所以只用250克份量試試.  吾知係咪天氣熱, 又個模太細, 個麵團發過籠, 我未試過咁樣, 吾理, 照焗左先 (用180度焗30分鐘), 涼左再切片, 不過切得太厚身, 所以做左今日早餐既西多士. 🍞 味道都ok, 下次要用返個大模先得😊
250g 中筋麵粉
30g 糖
3g 鹽
180g 牛奶
3g 酵母
20g 牛油

日本壽司丼

其實我吾知這個飯叫什麼名字, 不過D餸同整壽司一樣, 所以我叫佢壽司丼. 材料有煙三文魚, 雞蛋, 呑拿魚同火腿絲, 伴一匙豉油, 好味道呢, 這個天氣熱食正呀! 🤩💗🍣

羊毛氈浣熊小鑰匙圈

今次做左個羊毛氈浣熊, 用來做小鑰匙圈, 有實際用途. 細細個好快完成, 手抱萍果🦝🍎加鈎織花邊. 😊💗

中筋麵粉麵包 all purpose flour bread

其實我一向都係用高筋麵粉整西式麵包, 今次第一次用中筋麵粉做麵包, 反而今次做既麵包發到好高同大, 仲好過用高筋麵粉, 下次用曬D高筋麵粉, 可以轉用另一款代替. 👍🏻😊
今次午餐整左魚柳包伴薯條🍟好味道💗
食譜4個中size 漢堡包份量: 
250g 中筋麵粉
30g 糖
3g 鹽
180g 牛奶
3g 酵母
20g 牛油

墨西哥芝士卷 BBQ sauce with cheese wraps

今次用左炒飯㡳加雞肉做左這個墨西哥芝士卷, 上面有BBQ汁, D卷焗到脆身, 好食又簡單. 🌯 四個人分, 份量剛剛好😊

羊毛氈之練習 小獵犬Beagle

上次做完隻羊毛氈拉布拉多犬 chocolate Labrador 後, 朋友仔追加多隻小獵犬Beagle. 這隻不用跟照片做, 只要自由發揮就可以, 所以比較快完成. 🐶 又係手掌大小😊

Chicken pie with dirty mashed potatoes 雞批與薯蓉

昨晚整左雞批, 用現成酥皮做批, 大個既係老公, 我同大仔分黎食, 迷你版俾細仔食. 🐔🥧 伴薯蓉做配菜. 今次老公整特別野, 煎脆左D意大利腸, 切碎放上薯蓉上, 囗感比較特別(係之前在餐廳食過, 覺得好食, 所以自己又跟住整, 不過人地用煙肉, 兩個一樣好食)😍

羊毛氈之拉布拉多犬 Chocolate Labrador

上個月朋友仔想要一隻羊毛氈狗仔心口針做生日禮物送人🐶🎁 所以我又有機會練習下羊毛氈擬真寵物. 💗 今次既品種係拉布拉多犬, 顏色係朱古力色, 所以影相有難度, 好彩整理個光暗燈光後, 都可以從相片睇到角度, 線條, 朋友仔滿意. 😘 所以追加多一隻, 現在進行中, 完成再話俾大家知🤩

Warm cookies and cold ice cream 曲奇與雪糕

好幾年前, 有次係街食到這個暖曲奇加凍雪糕, 好好味呀! 所以見有食譜可以自製雪糕🍦, 立刻試試. 做左拖肥口味同朱古力口味, 兩個都好食, 加上暖暖既曲奇, (特別焗盆新曲奇一齊食🍪)有興趣既, 大家可以試試💗

烘焙日

今日係烘焙日, 又焗左麵包🍞🥖 (芝士蒜蓉包同迷你墨西哥包) 見開爐, 仲焗左個海綿蛋糕🍰, 今次用左預伴粉, 只要加水同蛋就ok, 幾方便, 出來個完成品發得好高好靚. 口感又好鬆軟😍

羊毛氈甜品系列之馬卡龍

這兩隻羊毛氈公仔 (分別係狐狸🦊同鹿🦌) 特別之處係下面有個不織布馬卡龍, 係甜品系列公仔. 見到這個馬卡龍, 夜馬馬都想找D甜點呢😊💗🍮

羊毛氈愛麗絲夢遊仙境之白兔🐰

出左咁多動物, 要到我喜歡既小兔出場啦! 😊 今次係羊毛氈愛麗絲夢遊仙境系列中既白兔🐰這個小白兔時常都好忙碌, 東走西走, 所以佢身上有個陀鐘⏱穿梭在仙境與花園中. 我放左鈎織蘑菇與花一齊影相, 希望可以透過從相片中帶出故事內容🍄🌸

蛋撻

我又買左雞蛋, 所以今次整左蛋撻仔, 賣相麻麻, 不過味道ok. 下次再努力過💪🏻💗

羊毛氈貓貓心口針

做左咁多狗仔心口針, 今次到羊毛氈貓咪出埸啦! 🐱這個白色小貓咪戴眼鏡, 小淘氣呢！！🤓 

Sunday roast chicken 烤雞

今日整左Sunday Roast Chicken 烤雞, 除左肉仲有配菜, 粟米, 薯角, 紅蘿蔔同Yorkshire puddings 約克郡布甸. 試過D Yorkshire puddings, 又幾好食, 今次隻雞焗得剛剛熟, 連D雞胸肉都吾乾, 大成功. 👍🏻😍

約克郡布甸 Yorkshire pudding

因為今日買左隻雞準備明天星期日Sunday Roast Chicken 烤雞, 但忘記買約克郡布甸(食譜)Yorkshire pudding , 所以剛剛烤幾個, 預備明天食. 我第一次自己整, 都吾係好難, 尺寸同街買個D差不多大小, 少少地試食譜半份, 二隻細蛋, 加麵粉, 牛奶, 可以做到6個細, 味道係點就吾知, 明天食時再話你知😉

墨西哥包, 腸仔包

今日做左墨西哥包同腸仔包, 一甜一咸, 兩個都好食, 我用左小份量既餡黎整個墨西哥包, 焗完一樣咁多料, 家人喜歡食墨西哥包多D🍞每人每款一個, 下次要整多D先得💗