焗豬扒飯

 我家好喜歡食焗豬扒飯, 以前時常整, 疫情後第一次再煮, 今次無焗燶芝士, 非常靚仔, 家人都好滿意😘💗

小糖餅

 見bloggers 整小糖餅, 家中有齊材料, 又試下. 做法都好簡單, 食完晚飯, 整這個做甜點, ok, 都幾好食. 😊💗 我仲想試試栗子酥添, 等遲D再試. 😘

肉包與餃子

 我地屋企真係好喜歡食餃子, 煎, 水煮一樣喜歡, 加入蔬菜, 連吾鐘意食菜既小朋友都秒清, 所以餃子係雪櫃既常客. 😍🥟💗因為每次只用半盒豬絞肉整餃子 (已經可以整到三十二隻, 一大袋) 所以淨番個半盒豬肉, 今次包左肉包, 有八個, 因為太耐無食蒸包啦, 用來做早餐剛剛好👍🏻💕

烏冬

 今次用製麵機整左烏冬, 這個係製麵機食譜, 200克中筋麵粉, 50克木薯粉, 100ml 水. 這個份量可以做到二人前. 水滾後, 煮麵六分鐘, 過冷河, 之後可以放入熱湯成湯麵. 🍜 我只係用左意大利粗麵條嘴做這款烏冬, 但出來既效果好彈牙, 同街買既烏冬一樣, 好成功啊! Yeah 🥰

Christmas cookies 聖誕曲奇餅

 聖誕節同小朋友做下D聖誕曲奇餅應下節, 先焗牛油餅乾, 再用糖霜裝飾, 好玩又好食. 我地其實焗左二十個餅乾, 不過又玩下又食下, 所以變左淨返十二個, 哈哈. 🤣💗 明天小朋友話想試下整薑餅屋 ginger bread house, 睇下又得吾得啦. 😘

Christmas cookies  食譜 🎅🏻🎁🍪💗

口袋餅 Pita bread

 之前係餐廳食過這款口袋餠, 所以找找食譜, 自己動手做. 原來好簡單, 這個份量可以做到4個中等尺寸既口袋餅, 材料有中筋麵粉187克, 120克溫水, 3.5克酵母, 一湯匙糖, 1/2 茶匙鹽, 一湯匙油 (油要等麵團搓成型才加, 即開機後五分鐘) 我用麵包機幫手, 跟這個Pita bread 食譜 方法. (不過我今次焗左8分鐘才發大) 出來好成功🥰 漲卜卜好可愛, 今次放左雞肉, 生菜, 蛋做餡料, 好味道. 家人話喜歡, 日後會整多D😘 

祝大家聖誕節愉快🎅🏻🎄🎁💗

Gnocchi 薯蓉粉團

 之前街都見過,  不過我未食過, 現在屋企有薯仔多, 就試下整, 原來都幾容易, 材料又簡單, 100克中筋麵粉, 300克薯蓉, 1/2 茶匙鹽. 第一次用叉方法做花紋, 未煮時D花紋仲見到, 一煎就吾見左. 所以第二次做在中間壓一個小孔, 出來靚仔曬. 先用滾水煮熟D粉團, 大約一分鐘, 一熟佢地就浮上水面. 之後用Pan 煎兩面金黃, 可以再加白汁就食得. 不過我第二次整時, 發覺不用汁料, 煎香兩面香脆, 已經好味道, 我會整多D放雪櫃, 我喜歡佢既煙韌, 煎左又香口. 🥰

餃子, 意大利雲吞

 這個製麵機可以做到千層寛麵, 這個功能還可以用來做餃子同意大利雲吞. 

兩款還是喜歡餃子多D.🥟🥰

羊毛氈 - 穿聖誕毛衣的小老鼠

 朋友仔見到我整過羊毛氈小老鼠, 問可以整隻比佢, 不過要求穿聖誕毛衣. 這個提議幾得意, 我仲整左本書加眼鏡俾個小老鼠🐁, 放在木板同葉到影幅相, 出黎效果都ok, 有無小劇場感覺呢. 😘👌🏻哈哈😄

提早既聖誕禮物

 多謝朋友仔的回饋🙏🙏

再一次多謝佢地的祝福, 欣賞同支持, 我好開心呀😊😊 送左這個提早既聖誕禮物, 這個製麵機, 收到已經立即用.

收到當日整左意大利麵伴蕃茄肉醬, 口感都ok. 這個製麵機有四款麵嘴選擇, 可以做通心粉, 千層寛麵 (我用左這個款整餃子同意大利雲吞), 意粉粗, 幼兩款. 

部機好好玩, 睇佢出麵好療癒, 小朋友都覺得得意😘 第二日整左自製滷水牛展伴湯麵, 好食呢. 遲D再發文個餃子同意大利雲吞🥰

羊毛氈 - 小企鵝

 朋友仔想要個羊毛氈小企鵝裝飾掛在聖誕樹上, 無問題, 加個迷你心添, 朋友仔收貨仲話得意呢, 開心🐧🎄💗

肉醬意大利粉

買在個蕃茄醬係現成玻璃瓶汁, 加免治牛肉, 再自製意大利粉, 就成左我地既晚餐啦. 🍝

羊毛氈 - 聖誕金色拉布拉多

 聖誕節還有兩個星期就到, 所以整個聖誕節小裝飾, 今次整左羊毛氈金色拉布拉多犬, 加個聖誕帽, 旁邊有聖誕樹, 都好有節日氣氛啦🎅🏻🐕🎄💗

菠菜餃子

係網上有教用菠菜汁整綠色餃子, 小朋友覺得有趣, 剛剛雪櫃又有菠菜, 所以又試試. 試左兩次, 第一次吾夠綠色, 所以再整第二次, 今次好好多. 不過麵團太軟, 所以比較難包. 仲特別整左素菜餡, 連吾喜歡食菜既細佬都話好食, 今次真係一舉兩得. 日後可以整多D. 😊💗

羊毛氈知更鳥聖誕圈 needle felted Christmas robins wreath

 聖誕節快到, 做左D羊毛氈手作品出黎, 其中一款係這個知更鳥聖誕圈, 加左個蝴蝶結同聖誕葉, 感覺幾特別架, 希望朋友仔喜歡啦. 🎅🏻🎄💗🎁

聖誕小刺蝟

 最近好忙啊, 今日見D有時間, 出篇文先, 就係我之前做既聖誕小刺蝟, 頭戴聖誕帽, 手拿小裝飾, 都幾得意架🎅🏻🦔💗😊

酥皮雞批

 見家中包酥皮快到期, 所以整左這個酥皮雞批, 焗D薯角, 炒D菜, 又一餐啦😊💗

滷肉麵

 上次整左D滷肉, 今次伴湯麵食, 好味道😘

日本丼飯

 今次因為吾夠魚生, 所以另外再煮雞肉同加蛋, 食前再放紫菜, 又好食又快趣😊👍🏻💗

蝦滑豆腐滑蛋煲

 今次用新鮮蝦仁整左個蝦滑豆腐滑蛋煲 (我無煲, 不過個食譜咁叫, 我就照跟啦), 都好味同彈牙. 送飯好食🍤🍚

萬聖節曲奇 (止步, 內有恐怖公仔)

 萬聖節快樂! 🎃👻😈 今年整吾到活動, 所以在家中焗曲奇同用糖霜畫公仔裝置, 請到大哥哥來一齊玩, 佢話要畫D貼題既公仔, 所以出效果都幾恐怖. 不過應節無所為啦, 一年一次, 哈哈🤣😂

外賣

 今餐吾自己整, 外賣燒豬排骨回家, 再自己加配菜, 焗薯角, 炒青瓜, 就係豐富既晚餐啦, 好味又方便. 😍

同麵粉玩遊戲

 家中麵粉用完, 又買左幾kg 回家玩. 今次玩水餃加炒烏冬. 個水餃係用家中種既韮菜, 加豬肉同蝦就變左三鮮水餃, 用水煮, 餃子皮滑滑又薄身, 好食💗個烏冬就仲簡單, 麵粉加水放入麵包機打成團同醒麵, 切好水煮十分鐘, 再炒雞肉, 蛋, 菜, 就可以上碟, 煙煙un un 好味道. 🥰

週末

 疫情下週末無節目, 所以係屋企整野食, 今次再整燒賣, 不過吾係魚肉燒賣, 係豬肉加蝦燒賣. 又係自制燒賣皮時間, 這次比上次好, 不過第一轉仲係厚身, 第二轉再薄身D, 出來已經好好多, 下次再整可以再薄身D. 這個燒賣皮食譜係250克中筋麵粉, 130ml 水, 可以整到48張燒賣皮 (下次試下可吾可以做到60張燒賣皮) 😊

泡芙

 這個想做好耐, 多年前做過, 今次已經忘記如何整, 所以上網找教學, 今次出來都ok. 💗

魚肉燒賣, 生菜魚肉

 這個魚肉燒賣我一早已經都試, 可惜太忙, 遲遲都無時間, 上週未終於抽時間整, 不過燒賣皮既食譜吾成功, 連續整左三次, 頭兩次都吾得, 最後一次皮太厚, 不過已經試都好累, 為有下次再試. 😆餘下既魚肉, 整左生菜魚肉, 反而這個最受歡迎, 家人都鍾意. 😘

晚餐

 這個係最近既晚餐, 白汁焗雞肉煙肉加芝士薯蓉, 仲加左D西蘭花係入面, 有D菜中和下肉類, 無咁悶. 因為要清下D薯仔, 所以整左西餐, 好食, 有現成白汁係屋企, 所以好方便. 🥘🧀🥔🐷🐔

雪耳蘋果糖水

 天氣變, 想飲番D滋潤湯水, 所以煲左雪耳蘋果紅棗南北杏糖水潤下, 飲完舒服好多. 💗用個壓力煲煲, 都有七, 八碗份量, 午餐後飲D, 晚餐後又飲D, 一日清晒啦😍

白汁芝士磨菇雞肉通粉

 之前買左包大通粉, 煮左幾次早餐火腿雞蛋湯通粉, 小朋友話吾喜歡咁樣食. 咁大包點食得哂? 所以試試改變煮法, 用白汁芝士磨菇雞肉煮通粉, 咁樣又ok喎. 用雞湯煮加白汁同芝士, 已經好夠味. 💗

蒸茄子伴長生菜炒雞肉

 今次個主角係蒸茄子, 不過單影茄子無咁好睇, 所以全部一齊影相. 其實我細個吾喜歡食茄子, 係大個最近才鐘意食, 所以今餐無小朋友份 (兩個都吾食) 😆

用蒸方法煮茄子, 軟身好食, 加生抽, 蠔油, 糖, 雞粉, 辡油拌勻, 好味又健康D不用油炸. 💗

巧克力布朗尼 Chocolate brownie

 今個星期係YouTube 見到有教整巧克力布朗尼Chocolate brownie既方法, 見好耐無食, 屋企又有整材料, 就開始啦.😊

 材料只有三種, 朱古力300克, 低筋麵粉150克, 兩隻中型雞蛋. 拌勻, 開焗爐預熱, 180度焗12-15分鐘 (我焗左13分鐘, 再停爐焗多2分鐘) 取出, 放涼就食得, 伴雪糕好味, 因為有300克朱古力, 所以都幾甜下. 送咖啡或茶都ok. ☕️

生日熊仔 Birthday bear

 這個係舊年手作品, 係羊毛氈生日熊仔, 頭戴生日帽,  有D動感所以加個糖果在底. 遲D會送出比朋友仔作禮物🐻🎉🍬🎁

餃子日+膳魔師燜燒罐710ml

 之前提過家人喜歡食餃子多D, 所以今日係餃子日, 用左500克中筋麵粉加250克熱開水, 500克豬絞肉加菠菜同生菜, 整左64隻餃子.🐷🥬🥟整好一大包, 有排食.😘

因為想家人午餐有熱食, 所以買左個膳魔師燜燒罐, 選左個大尺寸710ml, 容量好足夠 (不過原來只有470ml 才有鐡匙在內) 不過自己帶個私家鐵匙都好方便. 昨晚試左個炒麵, 中午十二點煮左, 五點鐘再食, 仲熱, 這個品牌保温真係好. 到時早上煮定午餐俾家人食, 中午就有熱食, 好過日日三文治. 😂💗👍🏻

雲吞

 最近整左迷你雲吞, 今次用左黎煮湯通粉伴生菜. D湯係浸雞整既高湯, 好欴. 😍 不過食完, 小朋友話喜歡餃子多D🤣

炒麵

上個星期用左壓麵機整左午餐 - 炒麵, 新鮮熱騰騰既炒麵好食啊😍💗

用左雞肉, 蛋同生菜, 有菜有肉, 麵質爽滑正👍🏻🥰

羊毛氈 - 傑克羅素㹴 Jack Russell terrier

 這個係我上年既練習作品, 係羊毛氈傑克羅素㹴相架, 全身細小形既羊毛氈就做過, 伴相架半身就第一次. 伸出手仔, 好似叫佢俾手手咁🐶👋🏻💗

茄汁肉丸通粉

 上次整左肉丸, 就用佢地煮個茄汁肉丸通粉, 好食又簡單. 😊 有茄汁, 酸酸甜甜, 開胃, 小朋友食得特別快趣💗

羊毛氈知更鳥 robin

 朋友仔見我整雀仔, 問我可吾可以整知更鳥, 睇睇資料, 原來這款鳥有紅色小肚. 所以做左這個出來, 難處係腳仔細, 鐵線幼, 難自己站起來, 所以加左個小木塊在底, 老公再幫我手加強多D鐵線, 咁就完成啦, 放在手在室外影相, 自然草地, 背景影出來比較舒服😊💗

叉燒包, 肉丸

 這個週末好忙, 一早起來就無停過, 做左叉燒包同肉丸, 做完這兩樣又夠鐘煮午餐. 之後又再整杯仔蛋糕同做家務, 洗衫吸塵. 等到D小朋友睡覺先有時間做自己野, 所以今日先出post 發文. 🤗

叉燒包係第二次番做, 第一次蒸完變左三角形, 無咁美觀, 所以週末再包多次, 不過用返舊方法, 所以叉燒包做吾到爆囗, 不過味道ok. 🥰 叉燒包食譜

 肉丸用左250克豬絞肉, 做左兩細盆, 22粒. 家人喜歡食, 用黎煮麵, 炒餸都好食👍🏻💗

Chicken pie 雞批

 昨晚煮左焗雞批, 炒熟雞肉, 煙肉蘑菇同白汁, 加個現成酥皮係面, 焗到個酥皮金黃色, 就完成. 好味又快趣😘

Pizza calzone 薄餠

 N 年前係法國滑雪第一次食這款薄餅 pizza calzone, 覺得好特別. 疫情前也係其他餐廳食過, 係好味道. 最近YouTube 見到有教整這款薄餅, 所以去超市買材料整. 做左6個細, 好食. 有下次👍🏻🥰