薑餅屋

哈哈, 第一次自己同仔仔整薑餅屋, 個樣就麻麻地, 不過仔仔都收貨啦, 原

來自己做起上來都有一定難道架, 我買左一個有齊糖霜, 薑餅, 同公仔既現

成薑餅屋, 但係做落發覺D糖霜吾係好貼到, D餅乾又碎左, 所以第一個係

吾成功既, 好彩早日買左盒薑餅, 就用佢加做蛋糕既糖霜來貼個間新屋, 今

次Ok啦, 加D朱古力同糖, 大功告成啦. ^^

好消息.

吾好意思啊, 好耐無寫同回覆你地既回應, 因為進入12月係一個好忙碌既

日子. 要去買聖誕禮物, 準備禮物, 佈置聖誕裝飾, 参加市集, 寄聖誕咭, 整

杯仔蛋糕幫仔仔學校義賣, 哈哈, 好開心, 所有蛋糕賣曬, 真係要多謝各位

既支持. :)

講番好消息先, 就係我盆蘭花啦, 同一盆, 第二次出芽啊, 仲係一個驚喜來

添, 因為我見佢個花期準備完, 想剪支再生. 但原來盆蘭花靜靜咁生左支新

芽, 可能近日天氣涼左, 我放左係客廳, 晚上就開熱爐, 所以令到佢出芽. 

昨晚蝦子餅已經同我用繩弄直新芽, 應該係中國新年時會開花啦. ^^

鉤織心型小枕頭

這個心型小枕頭, 可以用來做針包, 我就放左D乾既薰衣草係裡邊, 咁就可

以放入衣櫃做臭丸啦, 薰衣草仲有天然驅蟲作用, 除了驅蟲, 仲可以把衣服

薰到香香的.這個心型小枕頭, 用白色閃毛冷, 加上秋天紅色花花, 好有聖

誕節氣氛啊. 會鉤多幾個用來做小禮物. 

西檸鴨食譜

上個星期好忙碌, 因為蝦子餅放假, 萬聖節, 裝收間睡房, 好多野都一時進

行, 所以見雪櫃有鴨, 就整左簡單又好食既西檸鴨啦. 炸好鴨肉, 加西檸汁

, 要記低個食譜先, 就係這個啦.

水 、 豆 粉 、 檸 檬 汁 、 胡 椒 粉 、 鹽 、 麻 油 和 蜜 糖 製 作 醬 汁

白汁魚柳飯

係電視見到有白汁魚柳做餸, 所以今晚既晚餐就做這個啦, 魚用五香粉醃

, 上栗粉在魚柳上, 半煎炸, 煮好白汁, 加炒菜, 就完成這個又好味又健康

既食物啦. ^^

洋蔥磨菇雞批伴薯仔

係超市買左D雞脾, 煮熟後折肉, 見雪櫃仲有酥皮, 於是用洋蔥磨菇加在一

起, 整左個好美味既雞批. 個汁係用現成買回來的, 所以今次整得好快趣

, 買左D薯仔, 加油一同焗, Yummy. ^^

布朗尼 chocolate brownie

好想食布朗尼, 係街買個來食, 但係太甜同太多朱古力係底, 所以今日試下

自己整, 蝦子餅覺得好濕潤, 不過我覺得外圍比較乾身d, 不過加cream都

好食, 今次合格啦. ^^

材料: 

朱古力 200克

牛油  100克

雞蛋 4隻

砂糖 80 克

紅糖 30克

雲利拿油 1茶匙

中筋粉 (Plain flour) 50克

泡打粉 1茶匙

可可粉15克

鹽 1/8茶匙

做法: 

1) 預熱焗爐170度

2) 朱古力加牛油放入大盤中, 坐溶在熱水上. (朱古力同牛油不可接觸到水) 拌勻, 離火. 

3) 用電動拌器把雞蛋, 糖, 雲利拿油拌打, 約2-3分鐘, 直至轉淡白色, 用手動把朱古力混合物拌入. 加入麵粉, 可可粉, 泡打粉, 鹽, 輕輕拌勻.

4) 倒入焗盤中, 放入焗爐, 焗25-30分鐘. 

英式傳統食物-Fish pie

最近比較忙, 所以今晚做左個簡易晚餐, 就係傳統既英式食物- Fish pie啦

, 好易做, 仔仔又可以食多d魚同菜, 所以今餐仔仔食得好快....嘻嘻. 將魚

柳加牛奶一同煮熟, 加鹽同胡椒粉, 我仲加五香粉, (個人喜歡姐 ^^), 魚熟

了, 煮薯仔, 薯仔變薯蓉後, 放上魚肉面, 焗200度, 薯蓉變少少脆就ok 啦. :)

無花果

無花果, 這個名係好多Bloggers到聽到過, 有益又好食, 不過自己就未試

過, 星期六係街到見到有得買, 所以就買小小試下. 吾識點食, 係Bloggers

既指點後, 原來可以整個連皮一齊食, 食一個試下, 好食喎, 甜甜地, 種子

又卜卜脆, 所以今日又再買多少少, 聽Bloggers講這個時候係食無花果季

節, 所以買到的無花果都係靚既, 好彩姐, 因我吾識睇邊個靚同吾靚, 今次

買到的都ok...嘻嘻. 

包點心

見屋企既存貨就食曬, 所以又買雲吞皮回來自己整D點心啦. 今次用左大蝦同菜做餡, 以前用大蝦加白菜仔做水餃, 但今次買吾到水餃皮, 所以用雲吞皮代替, 四角對合, 又得意, 又好食.

最近做d咩?

最近我做d咩? 哈哈, 第一樣係要清潔屋企啦, 仔仔放暑假, 我又懶打掃間屋, 所以要整番好.
第二樣就係鉤個d mini 貓頭鷹啦, 好好玩, 我想用來做key rings 或者公仔都得. 我喜歡 sleeping beauty多d.

第三樣係昨晚發生既, 話說係超市見到有魚柳平, 所以買左包回來, 準備整魚蛋, 點知吾成功, 所以蝦子餅就諗諗計, 係網上發現可以用來整fish pie, 所以就買左薯仔同蝦回來整啦, 好好食啊, 蝦子餅煮飯真係得, 要多d煮啦. 

Mini 貓頭鷹

仔仔返左學, 又吾係好識用個新blog, 所以遲左update, 其實最近整跟mini 貓頭鷹, 佢地得2 吋高咋, 所以叫佢地做mini, 一次過整左好多隻, 因為好易整, 又得意. 不過做這些貓頭鷹, 就用曬d黑色細鈕來做眼, 所以有2個係sleeping owl, 不過都ok喎, 有d特別, 幾好...哈哈. 

日式照燒雞飯

上個星期整左日式照燒雞飯, 係一個好簡單又好食既飯. 

材料有雞肉, 洋蔥, 同照燒汁, 半個小時就整好啦. :)

Mickey

大家好, 等我來介紹這個兔仔, 佢就係我地家的Mickey啦. 5月7日回到我地家的, 係一隻男仔的賓尼兔, 現在大約二個半月大. 

今日第一次出來玩, 好活躍, 好開心, 四維跳同叫佢個名, 會走來你身邊, 好聰明. 等蝦子餅放工後, 再同佢影多d相俾大家睇. 

兔仔角

這個角落, 係Mickey最喜歡既地方, 曬太陽又係這裡, 睡覺又係這裡, 所以可以話係兔仔角. 

日本雞蛋模

昨日仔仔學校旅行, 所以整左便當俾仔仔. 用左係日本城買既雞蛋模. 其實係Blog到見到其他bloggers整便當時, 都想要個模, 現在終於俾我買到啦, 好開心呢. 係$12店, 見到有星星圖案, 不過鐘意公仔圖案多d, 所以買左這款. 這個包裝, 有2款公仔, 一個係兔仔, 一個係熊仔. 

做法好簡單, 首先煮熟左隻蛋, 隻蛋仲暖, 將蛋放入模, 再將蛋模放入冰水, 10分鐘. (我放左30分鐘) 便完成這個咁可愛既公仔蛋啦. : ) 選蛋方便, 吾好用太大隻既蛋, 如果吾係好易難, 整吾到個圖形啦. 

如果你想特別d, 可以加上食用色素, 或者用豉油, 咁個隻蛋個樣就會特出d, 清楚d啦. ^^

午睡

好耐無update Mickey啦, 暖暖既陽光, 最好做什麼, 便是午睡啦. 真係好

想同Mickey一齊睡呢.

小記: 今日我又見到Mickey咁樣睡覺啦, 於是走個去照相, 但俾佢發現

左, 仲立刻跳起身添, 所以影到這張相係好難得架. 

焗西米布丁

好耐無食過焗西米布丁啦, 記得以前細個去酒樓, 家人會叫西米布丁俾

我食, 其實自己以前吾係咁鐘意食架. 不過上次見到bloggers整, 自己又

想試下俾仔仔食, 吾知仔仔會吾會喜歡這些傳統中國甜品呢. 

材料:

1) 西米    30g

2) 吉士粉   30g + 栗粉   10g + 50ml 水開勻

3) 牛油   30g,  糖 60-80g ( 我只落50g), 水份 200ml (可以加水/ 奶/椰汁)

4)  蛋黃 1個 (蓮蓉適量)

做法：

1) 滾水放入西米，轉最細火煲5分鐘，熄火，焗至半透明、過冷河，隔水備用
2) 吉士粉+粟粉用50ml水開勻
3) 材料(3)加入加熱至牛油同糖溶化
4) 逐少加入(2)吉士粉水，邊煮邊快手攪勻，免結成小塊，再加入西米攪至杰身
5) 熄火加入蛋黃(4)攪勻，入模

*倒一層薄的布丁漿入模，加入蓮蓉，再倒入一層較厚的布丁漿, (我無落蓮蓉)
*放入已預熱200度上火(高架位) 焗至面層起焦便可, 大約20分鐘

老婆餅

香港有好多好美味既食物, 其中一款就係老婆餅啦. 見新年有糖冬瓜賣

, 所以就買左半斤回來整. 吾講吾知, 原來老婆餅既餡係用糖冬瓜同糕粉

做架. 

今次第一次整, 個皮厚左D, 下次可以改善下, 一整好, 立刻食, 真係好

似架. ^^

這個食譜可以做12個老婆餅餡. 

糖冬瓜(蓉)                      40g

砂糖                                32g

香油                                2滴

糕粉                                40g

清水                                48g

植物油                            8g

Vanilla Kisses 雲利拿之吻

係Bloggers到見到這個甜餅, 一見傾心, 個名好好聽, 叫Vanilla kisses. 好好食啊, 又易做, 同大家分享這個食譜.

125g 牛油

110g 糖 (caster sugar)

1隻蛋

50g 麵粉 (plain flour)

35g 自發粉 (self-raising flour)

100g 栗粉 (cornflour)

30g 吉士粉 (custard powder)

雲利拿餡:

60g 牛油

1 茶匙 雲利拿油

120g 糖霜 (icing sugar)

2 茶匙 牛奶


做法:

1) 將牛油, 糖, 蛋拌勻

2)加入其他麵粉一同拌勻, 變成麵團.

3)放麵團入吱袋, 吱出餅乾型, 放入雪櫃30分鐘.

4) 預熱焗爐180度, 焗10分鐘, 要留意火爐, 因好易過焗.

5) 放涼後加入雲利拿餡在中間. 完成.

去骨海南雞飯

天氣炎熱, 胃口無咁好, 所以想食D特別野. 以前食過一間餐廳既海南雞

飯, 去骨雞肉, 加油雞飯, 好好食, 試過三日午餐都去個間餐廳食海南雞

飯. 一於自己又試下整, 好食啊, 煮雞既水用來煮菜, 有啖湯飲添, 湯好甜

, 雞又滑, 飯又香, 一個字, 正. 哈哈. 

西多士

西多士好多人都食過, 我細個時, 都好喜歡食, 去茶餐廳食下午茶, 我時

時都會叫, 所以今日又自己試下, 仔仔又食一份, 佢都好喜歡, 仲食左半

份我個d添... 哈哈. 好易整, 我用煎既方法整, 食時加牛油同糖. (因家

無糖漿, 所以用左糖代替.)

食譜:

方包 4片

蛋    1隻

牛奶  20ml

糖     1茶匙

花生醬  適量

做法:

1) 將方包去皮, 加入花生醬, 2片方包放在一起

2) 蛋拌勻, 加入糖, 牛奶.

3) 方包放入已拌勻既蛋入面.

4)用一湯匙油, 煎到方包金黃色就可以啦, (用中大火就ok啦, 如果吾係方包會好快燶)

鉤針手套

又鉤手套啦, 今次係淺藍色, 短身手套. 頭尾都鉤上貝殼針法, 簡單易做

, 所以今次鉤得好快趣. 
仔仔放假中, 所以只有晚上同毛冷玩 遊戲, 有時睇住電視鉤野, 時間過得

好快啊, 現在已經係8月中啦, 好快又到萬聖節, 吾知到時又去邊到玩啦.

蒜泥白肉

係酒樓時我鐘意點d小菜, 其中一樣就係蒜泥白肉啦, 原來自己整好簡單

咋, 咁下次係家中都可以嚐到這款美食啦. 材料好簡單, 只要五花腩, 同

汁料.

材料:

五花腩  

汁料: 醋, 糖, 生抽, 麻油, 蒜粉, 水, 五香粉, (我自己加左五香粉, 因為想

再香d,可以吾加都得)

做法:

1) 滾水下五花腩, 水過滿五花腩, 中火煮35分鐘, (肉太大舊, 要耐d時間)

2)之後關火, 浸40分鐘, (又一樣, 肉大舊, 要浸耐d時間)

3) 汁枓一同煮熱, 涼後備用

4) 取出五花腩放涼後, 切片, 加上汁料, 食得啦. 

開花啦!

開花啦, 開花啦, 經過1個多月時間, 左邊既蘭花已由花蕊, 到花朵啦, 左

邊現在開左8朵花, 仲有兩個花蕊未開, 而右邊到生左5個花蕊, 我想下

個月應該會開啦. 這盆蘭花真係一個驚喜, 原本以為要等半年, 現在只

係幾個月時間, 已經開到好多花, 真係好開心啊.  蘭花的花期係好

長的, 大約有2-3個月時間, 花形又美, 所以很受歡迎.

鉤織小品

今日學到新野, 就係鉤小花啦, 好易整咋, 15分鐘就完成一個, 我睇左2次

教學就記得, 大家有興趣, 可以試下玩. 下次有冷頭冷尾, 可以做這個小花. 

http://www.youtube.com/watch?v=rmnUpaSqDLQ

細細粒士多啤利

testing

上星期係街買左d新鮮士多啤利, 細細粒, 好好食. 

搬家啦!

Mickey 小兔日誌會由yahoo blog 搬到來pixnet 同blogspot兩個不同網址, 希望大家可以係這些新平台保持聯絡, keep住寫日誌, 分享生活點滴. :)

blogspot: http://kwannmickey.blogspot.com

pixnet: http://kwannmickey.pixnet.net/blog