小刺蝟

早前買左D刺蝟毛, 一路都好忙, 無整到. 今早扚起心肝試下整, 放入毛氈中影番張相, 可愛嗎？？🦔💗佢好似捲入暖粒粒既毛氈中, 伸頭出來say ‘Hi!’ 呢! 😊🥰 我朋友仔家中養左隻小刺蝟, 非常可愛呢, 不過我怕養佢地, 因為要餵食真蟲, 仲要動來動去個隻細蟲蟲, 怕怕呢😜

朋友狗狗

大家好嗎？好耐無出文啦！一入學工作就變得好忙, 但我喜歡這樣忙碌, 好充實呢！！💖👍🏻
謝謝大家愛護, 朋友仔叫我整左佢隻狗狗俾佢媽咪做聖誕禮物🐕🐾🎁🎅🏻 因為已經做過幾隻全身狗, 有個底知道大約如何整, 不過這品種未做過, 所以都做左小小功課先, 好彩出黎朋友仔都收課, 仲叫我做隻狗狗心愛既公仔出來成一對🐏🐶
遲D再出多D發文有關我的羊毛氈手作. 😘

自製餃子皮, 冬菇紅蘿蔔雞肉餃子

好想食煎餃子, 但家中既專用餃子粉用完, 俾我係YouTube 找到自己可以用中筋麵粉整, (plain flour) 一於試下. 教學用手搓, 我懶, 所以全程用麵包機搓同發粉, 好方便仲個麵團好靚仔👍🏻
昨晚整左餃子皮, 用佢既方法做薄皮, 跟著用杯印圓形, 做左兩包餃子皮. 今早起身後, 就將冬菇, 紅蘿蔔用攪拌機先切碎, 再原機放雞胸肉同調味料, 等一小時後就包. 原來自整既餃子皮比較軟身不好包. 所以包完第一轉就用個N 年前買既餃子夾同細仔一齊整, 外型靚D, 仲可以包多D餡. 其實我想食豬肉白菜餃, 不過家中只有雞胸肉同冬菇紅蘿蔔, 反而錯有錯著, 細仔食左蔬菜都吾知, 仲食左5隻午餐時, 大成功呢！！😍 
之前都做過餃子皮係偏厚身用粉, 今次用這個方法搓皮係薄身好多, 而且口味仲好食過現成餃子皮, 難怪人地話自家製特別好食, 我今次真係非常同意, 等開學後再整多次先😊
餃子皮食譜同做法: https://m.youtube.com/watch?v=KahAeVHOx-k&t=19s
雞肉調味同做法: https://m.youtube.com/watch?v=kg6dm8535TI&t=3s

青瓜炒肉片伴煎蛋

事源見到其他bloggers 介紹韓國美食, 所以今日午餐就整左個青瓜炒肉片碟頭飯, 煎多隻蛋放上面, 食時伴勻佢, 好似出面韓國餐廳扮下伴飯, 如果加上泡菜仲正, 下次要買番D係屋企先. 😊

迷你糭

見大家都包粽子, 我又玩下. 今年包左迷你粽, 其實我原本想包三角粽, 不過吾夠葉, 加上包裝時怕鬆, 所以只包左七隻, 味道係好食, 我同老公每人食左兩隻做宵夜, 明年再努力🥰

杰克羅素梗 Needle felt Jack Russell Dog

見有時間, 做隻小狗仔練習一下羊毛氈手作, 這隻size 尺寸細細地, 只有手掌大小. 慢慢跟著做, 出來又ok 喎。🐶(其實我吾識這隻狗仔個名架, 係學做狗仔時上網睇到咋)🐕 這隻無植毛, 所以好快完成, 下次又做咩動物好呢？？🦜🐨🐘

雞皮串燒, 鹽焗雞腿飯

好耐之前同老公食過一間日本餐廳既雞皮串燒, 覺得好正.😍 最近係you tube, 有bloggers 教整, 立即買雞回家試試. 美味幾好, 家人都喜歡, 不過真係少食好D, 好多油呢！！😜
上次用完D四季鹽焗雞粉, 去雜貨店找吾到, 居然俾我找到一大包黃薑粉, 嗅上去好似同四季粉一樣味道, 所以買左回家. 打開包粉先知中伏, 原來入邊無混入鹽架, 純薑粉, 咁點算好呢？好彩朋友仔教我加鹽同薑粉入罐混合, 就變左四季粉架啦！
我一家好喜歡食鹽焗雞, 今次用蒸方法, 連細佬都可以自己食曬一隻雞腿加一碗飯, 我諗D粉都可以好快清曬. 😂

羊毛氈沙鼠 needle felt Gerbil

除左兔仔同倉鼠, 有毛既小動物, 我既認識真係吾多. 早排居然有朋友仔問我可吾可以整隻沙鼠俾佢家人(小寵物剛剛去左彩虹橋) 🌈
跟住佢俾左D相俾我, 仲問我可吾可以做隻真尺寸羊毛氈手作. 咁我就話試試啦！
 我收左相後就立刻找資料, 真沙鼠大約四英吋長 (還未計算尾巴) 短毛沙鼠.🐀
這次對我來講係一個大挑戰同第一次, 因為我未做過真動物尺寸比例一樣既羊毛氈作品, 同這次要用上特別技術, 植毛. (植毛手作一早已經想試好耐)練習下.

從底層到一小段羊毛慢慢製作, 滿足感好大啊！鍾意玩羊毛氈既朋友仔一定明白, 由一舊毛到一件手作品, 用左好多心機, 好佩服整大作品既手作人, 希望我日後都可以. (發夢中🥰)

河粉

自從細仔食過河粉後, 佢好喜歡食 (不是乾貨果款, 係新鮮個隻, 但吾係時時買到) 做阿媽難得D仔囡肯食飯, 一定盡量煮多D俾佢地食. (細佬吾喜歡粉麵, 只愛意粉,飯都麻麻地, 所以每次食飯好頭痛)😫
係屋企找到包粉, 係專門整腸粉用的 (已經放左櫃好耐, 係時候用左佢) 
河粉原來同腸粉一樣, 之前已經做過腸粉, 所以今次都好快完成. 😊
見到仔仔們食曬晚餐, 今次用河粉煮左菜遠肉片炒河, 多功夫都值得. 💗

芝士辡肉腸薄餅麵包

之前係出面買左份薄餅麵包回家, 今日終於記得食, 見原來用三文治麵包整, 屋企有齊材料, 一於老反個出黎. 材料簡單, 脆底, 所以個個都like. 可以下次大食會整都應該受歡迎. 👍🏻
材料: 芝士, 辡肉腸, 蕃茄醬, 三文治麵包. 
做法: 麵包一開二, (可以整兩份) 加蕃茄醬, 肉腸, 芝士係麵包上, 焗180度16分鐘就食得🍕

西蘭花炒班塊

我一家好喜歡食西蘭花, 所以時常都會買黎食. 🥦 最近係you tube 見到有伴炒班塊既食譜, 記得細個家庭聚會, D 叔叔阿姨好喜歡叫這個菜, 估吾到我自己都整到, 味道都好似. 真係好開心, 最重要連大仔都喜歡食. 🐟 雖然個賣相麻麻, 但味道吾錯, 會有下次. 👍🏻
食譜連結西蘭花炒班塊

情人節之熊與愛

老公終於幫我整好個網頁, 現在我又可以繼續去大家blog 到留下腳印啦！！😊謝謝大家支持同關心💗
等我分享最近手作品, 現在都快5月, 才介紹情人節, 我手腳真慢, 希望可以趕工, 出多D發文. 🤩
這個係羊毛氈大熊, 🐻手抱心心❤️旁邊仲有一個籃子, 入面放滿情信. 💌📮
個籃係用毛冷鈎出來, 個冷鈎完用左膠水定型, 情信也是我一手一腳做出來.係咪好有愛意呢！哈哈😄

新網址 Kwan mini blog

大家好! 因Kwannmickey 第一個blogspot 在留言簿上發生問題, 無法正常書寫, 所以開左第二個blog (Kwan mini blog), 希望日後可以同步進行, 謝謝😊
 這個是新網址地點: https://kwanmini.blogspot.com/

牛魔王

其實我好喜歡食牛, 不過自己煮藝未精, 時常煮得麻麻地, 所以自家餸菜好少有牛肉出現. 😆不過見到街D牛尾好靚仔, 買多份牛展回家, 用個壓力煲煮西式牛肉 伴白飯.🍚 真係無買錯個壓力煲, 又快煮好, 肉質又淋, 一次過煮一大鍋, 夠我地分三餐食. 👍🏻

新成員

今日係一個特別日子, 所以買左盆風信子回家, 熱烈歡迎新成員風信子到家. 💗🎉😍
其實我四, 五年前都有種過風信子, 高峰期有五, 六盆. 喜歡佢香味, 顏色, 外形又靚, 而且又易種, 花期又長, 優點多多呢！！😘期待佢開花時侯, 吾知今次係咩顏色呢？？🌸

梅菜扣肉

好耐無食過這個家常菜, 其實以前吾喜歡食咁肥既食物, 最多打風時開罐罐頭食少少. 但人大左, 口味真係會改變. 最近見bloggers 整, 立刻去超市買五花腩. (本來想買整燒肉咁大塊豬肉連皮, 好彩無買咁大快, 因為放吾落入壓力煲) 買一盒盒細份size 剛剛好. 😘
我係整這個食譜做梅菜扣肉食譜
不過我忘記要炸個豬皮先才切加醃肉, 所以個皮顏色無咁靚仔. 不過都無問題, 味道一樣好食. 
真係食這個要煲多D飯, D汁仲好好味. 😍

菜肉包, 素包

最近好想食菜肉包, 原本諗住懶, 買現成回家蒸返熱算, 不過記得之前買過味道麻麻, 費時浪費食物, 一於自己動手做. 😊

一係吾做, 一做就做三款口味, 有白菜蝦仁豬肉包🦐, 紹菜豬肉包🐷同磨菇什菜素包🍄🥦
小提示: 蒸好後, 關火等5分鐘才開蓋, D包就會靚仔D, 無荳皮啦！😉

食譜跟這個.

 Ingredients for the dough（enough to make 16 buns）

- 500 grams of all-purpose flour - 250 grams of warm water - 3 grams (1 tsp) of yeast - 1 tbsp of suga

家人喜歡白菜蝦仁豬肉包, 連一向少食中式點心既大仔都喜歡. 自己就覺得素包好清新, 食多個都吾怕. 😍

葱油餅

記得以前細個屋企附近有間上海食舖, 每逢週六我父母就會買上海早餐如粢飯, 咸豆漿...最記得就係厚厚葱油餅伴熱豆漿. 真係兒時＂童年回憶＂😍可惜現在家人大小無人喜歡食葱, 所以見今日有時間, 就試整葱油餅啦！早餐就吾夠時間, 因要醒粉, 所以做左我既午餐, 特別買左豆漿回家一同伴食, 好味道啊！！😘

葱油餅做法
食譜: 份量一大個餅

中筋麵粉1杯(大約250ml)
溫水 半杯
酵母粉1/4茶匙
糖 1/4茶匙
葱花 半杯
鹽 少許
五香粉 少許