沙薑雞腿

今日買左雞腿, 所以晚餐整左沙薑蒸雞腿, 好食又簡單, 起左骨, 啖啖肉. 😊🍗💗

蔥油餅

昨晚開機整左蔥油餅, 今早煎兩面金黃就食得. 就成左今日既早餐啦！😊

餃子午餐

星期二買左免治豬肉, 所以就開工整餃子. 謝謝EE 教路, 今次餃子皮終將成型易包 (方法係中筋麵粉250克, 用熱水122克開糊) 可以做到24隻餃子.

我整左一半煎餃 (豬肉餡), 一半水餃 (冬菇豬肉餡), 昨日午餐煮左小部份, 加個瘦肉粥同蒸熱D菜肉包, 就成左我地既午餐啦. 😊🥟💗

上海餡餅

細個家人常帶我地去唯一上海食店食水餃, 湯麵. 其中一款喜歡食就係餡餅啦！大大一個, 韮菜加上豬肉, 煎得香脆既餅皮, 非常好食. 已經好多年無食過. 見家中年前種既韮菜長出嫩葉, 所以就做左這個上海餡餅啦！味道非常相似, 等下一轉再長出韮菜, 試下做大個D既餡餅先得. 😍💗

羊毛氈樹懶

朋友幾個月前找我幫手做份生日禮物俾佢囡囡, 我地選好款式後, 就俾我自由發揮樹葉同花, 重點係不要太亮色系就可以, 所以最後花朵選左淺粉紅色. 

其實我之前都做過另一款樹懶掛飾, 不過這款只可以做一個, 我應該吾會返做, 三角設計要木工幫手才對位, 比較費時費力. 都係用圓形比較易做.

麵包機之烏冬

今日用麵包機做左烏冬面, 200克中筋麵粉加100ml 水同鹽2 茶匙, 整好一大碟炒烏冬. 我喜歡這個口感, 煙煙un un, 幾好食. 😘

做法：
1. 將麵粉、鹽、水放入內鍋中；
2. 選擇麵團程式，按下開始鍵；
3. 15mins後，麵糰完成，關掉電源；靜置30mins醒麵糰；
4. 工作台撒少許手粉，放上麵糰，用刮刀切片2等份, 用刀子切成條狀, 切好用手拿起抖落多餘的粉
5. 鍋中放入大量的水煮沸，將(4)完成的麵條甩去多餘粉末後，放入鍋內煮10mins，用篩網撈起，放入冷水中。
6. 完成

蘭花開花啦！

家中兩盆蘭花前後一齊開花, 有白色又有紫色, 幾靚架. 🌸💗兩盆今年第二次開花呢, 感恩😘

新麵包機

我之前講過我部二手麵包機因疫情長期運作加已經用左五年, 上個星期終於退休啦. 所以我今個星期買左部新麵包機, 已經係我擁有既第三部麵包機, 前兩個都係二手, 其實我今次都想找二手平機, 不過之前D舊機用既壽命吾係太長, 加上我用量多, 所以決定買新機, 而且新機有保養, 優點多多. 
昨日送左貨, 今日就同佢剪彩啦! 先試做四個麵包, 不過份量太少, (個內膽容量係900克, 我今次個粉只有135克) 所以要用人幫手將D粉成團. 今次做左椰絲包. 🥐
下午又試機整水餃餃同煎餃, 今次做生菜雞肉餃, 好耐無食水餃啦, 不過我個人喜歡食水煮多D, 我自己一個人食十隻都ok. 🤣 今次用左250克中筋麵粉加122克水, 做左20隻水餃. 🥟下次會整中式包, 想食雞包仔啊🐔同貝果，bagel 呢！ 🥯

芝士通心粉 macaroni cheese pasta

這個芝士通心粉, 家中既小朋友由細到大都好喜歡食, 不過我自己整就第一次, 終於買到這款通心粉, macaroni cheese pasta食譜跟這個. 我仲加左火腿絲同粟米粒, 口感豐富D. 家人都滿意, 好快會再整. 🤩😍💗

咖哩雞飯與印度烤餅

見到bloggers 整咖哩, 都好想食, 所以用家中有既咖哩磚加紅蘿蔔, 薯仔用雞肉整左咖哩雞飯, 我仲想食印度烤餠黎點汁. 雪櫃剛好有乳酪, 一於試試這個食譜, 可以做到4個細烤餅, 做法跟這個, 小火每邊煎三分鐘. 有乳酪麵團好柔軟同香. 剛做好外脆內軟, 好食. 💗
食譜: 
中筋麵粉150g
冰鮮奶85g
乳酪15g
橄欖油7.5g
酵母1g
鹽1g

自製熱狗包Hot dog bun

今日食熱狗🌭️所以試左個新麵包食譜, 這個份量可以做到八個中size 熱狗包. 家人話加D生菜絲好食D, 中間有芝士, 茄汁, 食完好滿足💗今次個個包大細差不多, 做得比上次還好😘
食譜: 
中筋麵粉 300g
水180ml
糖 15g
酵母1 湯匙
鹽 3g
油 4 茶匙

  

羊毛氈有腳小鳥

早前已經做左對羊毛氈小鳥, 終於決心幫佢地整對腳. 🦜🐦上網找尋方法, 原來好簡單, 用鐡線就可以. 完成後見今日有時間, 快快手影張相💗

燒雞

終於買左雞, 今次決定整燒雞, 我跟這個燒雞食譜, 今次隻雞1.7kg 重, 焗前一個半小時放室溫, 用風吹乾表皮, 另其脆身. 🐔預熱焗爐, 先用180度焗30分鐘, 之後左右轉雞再焗20分鐘, 150度焗多10分鐘, 轉120度 抺蜜糖焗多十分鐘, 停火關門焗多十分鐘. 醃料加多左鹽焗雞粉, 醃左一日, 所以好入味.😍
今次自己斬雞, 其實只係分開雞脾, 雞翼同雞胸切件, 怕有骨碎, 所以無斬脾, 原隻上. D雞汁伴飯好好味. 四個人食吾曬全雞, 有淨明天午餐. 🍗

涼拌青瓜伴雞絲

天氣熱, 這個餸夠清爽, 就係涼拌青瓜伴雞絲啦, 出街食這個又貴, 又少. 自己整都好簡單, 雪櫃有熟雞絲, 雪凍食好味道😊

Ingredients

• 300 chicken
• coriander 

Dressing

• 1 tbsp minced garlic 
• 1/2 tbsp minced ginger 
• 1 tsp sugar
• 2 tbsp soy sauce
• 1 tbsp sesame oil 
• 3 tbsp Chinese vinegar
• chilli oil, to taste

墨西哥芝士卷

上次整完墨西哥雞肉卷, 仲淨番兩張餅皮, 剛剛好用黎整墨西哥芝士卷, 炒飯底加BBQ醬同芝士, 入焗爐焗溶芝士就食得, 香口又滋味😍

墨西哥雞肉卷

午餐想有D新鮮感, 就食墨西哥雞肉卷啦！有雞肉, 生菜,青瓜, 芝士, bbq 醬, 卷在一起就食得, 仲好快手, 夏天食幾好, 方便又好食. 💗🌯

羊毛氈貓咪

又黎做練習啦, 今次係羊毛氈貓咪, 她睡著我手, 做型可愛呢！🐱💗😴

早午餐

這個星期日遲左起身, 所以整左咸豬肉煲粥, 又自整肉包, 就完成這個早午餐啦! 用壓力煲煲粥, 方便又快趣, 個包前一天醃好肉, 用中筋麵粉整麵團, 已經做過幾次, 現在變得好容易, 不過外觀無咁靚, 但味道ok, 下次可以加多個炒麵, 咁就似出面快餐店套餐啦. 🍜

朱古力曲奇🍪

今日終於可以整到我心目中想要既朱古力曲奇🍪 原來既小提示就係低溫焗曲奇🍪, 上次用180度太熱, 所以D曲奇吾平身. 今次用160度焗13分鐘, 出來效果好好多👍🏻, 用這個食譜可以做到16個中size曲奇, 下次可以再減糖, 我還是覺得太甜🍬

• 1/2 cup unsalted butter (16 Tbsp), softened
• 1 cup light brown sugartightly packed (下次1/2cup sugar)
• 1 large eggs room temperature
• 1 tsp vanilla extract
• 1 1/2 cups all-purpose flour measured correctly*
• 1/2 tsp baking soda sifted
• 1/2 tsp salt
• 1 cups semi-sweet chocolate chips (12 oz), divided reserving 1/4 cup for the top
• 
  

漢堡伴粒粒薯仔

這個星期做左漢堡包, 係出面食過粒粒薯仔, 幾好食. 所以又試下, 都好容易做, 變左粒粒有D新意呢. 🍔🥔