小碗豆

等我同大家介紹我地家既小碗豆, sweet peas. 佢地只有手掌大, 細細粒, 好可愛呢! 我用左幾日時間完成, 好開心啊! 用來做情人節禮物都ok 架! 我想钩個大D當咕臣, 等我遲D試試先! 

自製烏冬麵

上次買左包烏冬諗住炒個面食, 點知試未發覺有酸味, 吾知係咪變左, 但個日期又未過期, 最後都無食到, 煮過其他野食. (因食完怕肚痛) 

記得以前用麵包機可以自製麵條, 找回個食譜, 今日有時間, 自己整左個炒烏冬當午餐, 又彈牙又好味, 好滿足呢! 

這個份量係一人前: 

材料:

高粉 100g

水 50cc/ml

鹽 1 tsp

朱古力米卜餅 chocolate Rice Krispie

上個月係超市買左盒米卜俾仔仔做早餐, 點知仔仔話現在吾鐘意食這個做早餐. 點算? 咁大盒好耐先食得晒, 上網睇睇, 原來用這個米卜加朱古力可以做這個米卜餅.

材料只要用溶左既朱古力加米卜拌勻, 放入蛋糕杯中, 之後放入雪櫃定型, 快趣又易做既甜點就完成啦! 

這個當茶點食又得, 開派對party 又得. 仔仔話咁樣食仲好過只伴牛奶作早餐, 當然啦, 有朱古力嘛, 實好味啦. 哈哈. XD

燒骨蠔䜴粥

上次食咸豬手時, 起左肉後, 留返條骨, 昨日用左黎煲粥. 加左D蠔豉, 同兩隻蛋入去, 出來好滑滑濃郁呀! 咁就成為我地既晚餐啦, 肥媽都有教用燒骨煲粥, 這個好味又下火, 大家都試試啦。

網上購物

哈哈, 又買野啦! 今次網上購物shopping, 買左包日本隱形塑眼貼線超自然雙眼皮貼膠條纖維條, 第一次聽, 原來這產品係日本已經有第三代. (女人我最大既Kevin 老師推薦的) 睇介紹短片, 覺
得好自然, 所以上網買包試試, 同一間店仲見到收納盒, 所以又買左. 今日兩個貨到左, 立刻睇睇先. ^^

 

第一次用雙眼皮貼吾成功, 要第三次才得, 仲要打孖兩條先得 (可能我眼皮厚), 出來既效果ok, 好自然. (影相雙眼個張我只係貼了右眼, 但整睇好難分辨, 那隻係加工), 試左半日, 無紅同腫. 想除下, 要用落妝油幫手, 都好容易, 我想用多幾次, 手摯會好好多.同埸仲有收納盒, 細細個用來放襪, 仲要係粉紅色, 心心眼呀!

魚麵筋

謝謝blogger 自家製介紹同分享食譜, 這個魚麵筋好食啊, 又容易整. 今次我做左一半份量, 因個攪拌機只可以放500克魚柳.

昨晚仔仔們睡晒就開始炸, 新鮮真係好好味, 我同老公一齊試味, 停吾到口呢. 不過都留左D今日午餐放湯食, 諗諗地, 似食魚腐. Yeah! 日後食湯麵又有多個選擇啦! 

魚批 Fish Pie

上次買左包魚柳, 一半做左糖醋魚, 淨番半包. 見家中有兩個薯仔, 今晚一於整英式食物 - 魚批 Fish Pie.
其實材料好簡單, 魚柳, 薯仔, 雜豆, 牛奶, 芝士, 同調味就完成, 大約四十五分鐘就有得食. 家中有焗爐真係好方便, 天氣凍, 食這個都暖粒粒架. :)

糖醋魚

係blogger EE到見到佢地食糖醋魚, 好想食啊!以前係街食得多, 自己就未整過, (魚柳我多數做粟米斑塊多) 所以今日解凍左雪櫃包魚柳, 做左今晚既晚餐. 好好味啊, 仔仔大讚, 仲要求加餸加飯, 見佢咁鐘意食, 分左我個份既四份一俾佢. 仔仔平時吾係食咁多架, 又食得慢. 今日二十分鐘食晒, 我叫佢記住這餸名, 日後想再食就記得叫媽咪整啦!

雙天鵝

因為家中既中國茶包茉莉味用完, 所以上次聖誕買左盒茶, 以為係茶包, 點知原來係碎茶葉. (買時大頭蝦無睇清楚, 仲買在包大盒 >.< ) 咁點算好呢?

其實我係有個大茶壼, 但太大, 我得自己一個人飲, D茶浸耐左太濃, 吾太喜歡. 所以又俾個藉口買野啦. 其實之前係街見過D得意茶隔, 好似人仔咁又有, 海豚又有, 不過都小小貴. 所以上網站睇睇先再購買, 嘩! 好平啊! 又多款, 價錢大約hk12到. 

原本選左隻心型銀匙, 不過睇睇下俾我發現這個天鵝款, 鵝身放茶葉, 鵝頭可以掛住在杯邊. 小巧又可愛, 這個外型好優雅, 真係一見傾心, 有兩個顏色, 一黑一白, 加多hk5, 可以有兩個 (仲好, 兩個色都喜歡, 一於買晒佢) 個網站仲要免郵費, 真係覺得好抵, 又靚靚, yeah! 

其他靚靚茶隔 茶隔

Https://blogof.francescomugnai.com/2013/08/creative-and-fun-tea-infuser-designs-for-the-tea-lover/

夀司飯

有次出街食日本野, 餐牌有個定食飯 (忘記叫咩名), 有三文魚魚生, 熟吞拿魚, 蟹柳, 伴壽司米. 見材料簡單, 所以自己在家試下, ok 喎, 又易整, 又好食. 因為熟吞拿魚伴沙津醬, 蟹柳伴海鮮醬, 所以加少少豉油已經好好食。如果吾知煮咩食, 有時食這個都幾好, 又快又簡單, very nice. 

小小兵蘋果套 Minion apple cosy

仔仔係小小兵既粉絲, 所以上次學校整左曲奇都係用這個主題, 上個星期見到bloggers 分享整蘋果套apple cosy.

(作用係保護個蘋果, 就算掉落地下, 都吾怕個生果撞瘀, 哈哈, 聽落好似好無聊, 不過仔仔睇到話幾得意, 好啦, 就整個試試. ^^)

吾整吾知, 原來D小小兵有分別架, 有單眼, 雙眼, 有頭髮, 光頭, 黃色, 紫色. 仔仔選左好耐, 決定做這款, 佢有名架. (不過我吾記得左... 嘻嘻)

完成, 又ok 喎, 幾個鐘就整好. 快手作品, 無時間但又手痕, 做這個幾好架. 吾放生果都得, 可以放朱古力. 細細地都幾得意架. :)

羊腩煲

冬天有幾樣野我係特別鐘意食, 好似火煱, 煲仔飯... 其中一樣就係羊腩煲.

之前出街食得多, 自己整原來都好易, 仲平好多添. 這個羊腩煲我已經煮第三次, 因為家人同自己都好喜歡食, 食完暖粒粒.

材料又簡單, 我無支竹, 如果加左仲正. 當然仲有長生菜, 羊腩煲必食, 現在我睇番相都想再食呢! 我好喜歡食京葱, 所以加左好多落去, 仔仔平時吾食, 今次都食晒D蔬菜, 叻叻. :)

星星毛氈 crochet star blanket

整理電腦相薄先發現原來未介紹我鉤既星星毛氈 crochet star blanket. 其實係2015年既手作, 用左三個多星期完成. 

自己第一次鉤星星形毛氈, 跟YouTube 學, 但第一次個中心星形鉤錯左, 要拆過再黎個. 有經驗之後, 第二次順好多, 鉤法只要重複, 每行加多兩針就得, 很易做.

選家中最多又少用既顏色作毛氈, 出奇地顏色好配, 自己又喜歡. 用黎做左BB 出街用既毛氈. 都好大張下, 有43吋. 顏色係米白, 水手藍, 同淺藍色, 好男仔呢! Boy style...嘻嘻. 吾知大家記吾記得我之前鉤既另一張毛氈, (下圖)個張氈出到街好多人話BB 係女仔喎, 所以今次用返藍色應該會好D.

鉤彩虹煲墊

放假無野做, 所以多左時間鉤野. 這個彩虹煲墊又係用左星期六, 日時間整出黎. 其實個圖係整隔熱墊, 不過我覺得做煲墊靚D. ^^ 第一眼見個圖pattern, 已經心心眼. 因為D顏色好靚啊, 好似彩虹咁, 個人望落都開心D. 剛好屋企有齊所以顏色, 立刻開工, 整完個人都開朗D, new start, new hope. 新年新希望. :) 

http://colorncream.blogspot.nl/2013/01/tutorial-vintage-flower-potholder.html

2016年第一件作品

Hello, happy 2016! 大家好嗎? 新年快樂!

今日完成左2016 新年第一件作品, 就係鉤頸巾啦, 用左黑色加閃毛冷, 兩日時間已經完成, 好快手.

係跟這個pattern圖案. 這個叫mindless scarf, 鉤法同名字一樣, 不太多鉤法, 只要重複相同鉤法就可, 所以做起上來好輕鬆. 我一邊煲劇一邊做. 

用左5.5mm 鉤針同起25針, 用左100克毛冷, 我特別整長D, 可以圍多D條頸, 感覺暖D呢! 

http://www.ravelry.com/patterns/library/mindless-scarf