雲吞

 最近整左迷你雲吞, 今次用左黎煮湯通粉伴生菜. D湯係浸雞整既高湯, 好欴. 😍 不過食完, 小朋友話喜歡餃子多D🤣

炒麵

上個星期用左壓麵機整左午餐 - 炒麵, 新鮮熱騰騰既炒麵好食啊😍💗

用左雞肉, 蛋同生菜, 有菜有肉, 麵質爽滑正👍🏻🥰

羊毛氈 - 傑克羅素㹴 Jack Russell terrier

 這個係我上年既練習作品, 係羊毛氈傑克羅素㹴相架, 全身細小形既羊毛氈就做過, 伴相架半身就第一次. 伸出手仔, 好似叫佢俾手手咁🐶👋🏻💗

茄汁肉丸通粉

 上次整左肉丸, 就用佢地煮個茄汁肉丸通粉, 好食又簡單. 😊 有茄汁, 酸酸甜甜, 開胃, 小朋友食得特別快趣💗

羊毛氈知更鳥 robin

 朋友仔見我整雀仔, 問我可吾可以整知更鳥, 睇睇資料, 原來這款鳥有紅色小肚. 所以做左這個出來, 難處係腳仔細, 鐵線幼, 難自己站起來, 所以加左個小木塊在底, 老公再幫我手加強多D鐵線, 咁就完成啦, 放在手在室外影相, 自然草地, 背景影出來比較舒服😊💗

叉燒包, 肉丸

 這個週末好忙, 一早起來就無停過, 做左叉燒包同肉丸, 做完這兩樣又夠鐘煮午餐. 之後又再整杯仔蛋糕同做家務, 洗衫吸塵. 等到D小朋友睡覺先有時間做自己野, 所以今日先出post 發文. 🤗

叉燒包係第二次番做, 第一次蒸完變左三角形, 無咁美觀, 所以週末再包多次, 不過用返舊方法, 所以叉燒包做吾到爆囗, 不過味道ok. 🥰 叉燒包食譜

 肉丸用左250克豬絞肉, 做左兩細盆, 22粒. 家人喜歡食, 用黎煮麵, 炒餸都好食👍🏻💗

Chicken pie 雞批

 昨晚煮左焗雞批, 炒熟雞肉, 煙肉蘑菇同白汁, 加個現成酥皮係面, 焗到個酥皮金黃色, 就完成. 好味又快趣😘

Pizza calzone 薄餠

 N 年前係法國滑雪第一次食這款薄餅 pizza calzone, 覺得好特別. 疫情前也係其他餐廳食過, 係好味道. 最近YouTube 見到有教整這款薄餅, 所以去超市買材料整. 做左6個細, 好食. 有下次👍🏻🥰

燒肉伴蘑菇生菜冰豆腐

 上次整燒肉食吾哂, 所以今次用黎燒肉伴磨菇生菜冰豆腐. 第一次食冰豆腐, 感覺有D似豆乾味道, 小朋友吾喜歡食, 所以加左D長生菜入去. 🐷🍄🥬都係新鮮豆腐比較合我家口味💗

菜肉包

 小朋友喜愛食包點, 今次又整菜肉包, 早餐茶點都ok. 💗 整左十二個, 用左500克中筋麵粉, 下次試試只用300克麵粉.😘

雙拼飯

見週末多D時間, 所以整左燒肉叉燒雙拼飯, 好耐無食燒肉, (因為今次吾係大舊五花腩咁燒, 所以個皮吾夠脆身) 叉燒又係好耐無整, 水準一致. 家人都好開心有雙拼飯食, 明天燒多轉叉燒, 黎整叉燒包😍

肉丸

 想食肉丸, 所以就自己試試動手做. 以前都係放入熱開水定型, 再滾水煮熟, 今次第一次用蒸既方法整, 都好彈牙, 又容易.🥰 (不過外型無咁圓) 做法, 參考這個肉丸

食譜: (可制成32個肉丸)

豬絞肉 500克 

醃料: 鹽 8克, 糖7克, 胡椒粉1.5克, baking powder 3.5克, 豉油20ml, 生粉35克, 冰水50ml, 1 湯匙燒酒, 薑粉3克, 蠔油1茶匙 (所有醃料同冰水拌勻後, 同絞肉加入攪拌機打成肉漿)

壓麵機- 餃子皮

 上次睇YouTube 找如何做燒賣皮時, 發現可以用壓麵機整餃子皮, 其實我一向用手加擀麵棒擀皮成圓形, 但手法不足, 出來既餃子皮比較厚身, 吾似街買既皮薄身. (自己比較喜歡薄身多D) 所以又試試壓麵機這個方法, 出來效果好得.😍

 我用180克中筋麵粉加90克熱開水, 330克菜肉餡, (可以做到23隻大小不一既餃子, 如果下次再用同一個食譜, 應該可以做到多幾隻相同尺寸既餃子) 下次再試過. 🤗💗 壓麵機由最大9度開始到2度最小( 每度擀麵皮二次) 這個厚薄度最似街買既餃子皮👍🏻

羊毛氈狼狗作品

最近手作品做左這個羊毛氈狼狗, 朋友仔只要求做頭部, 狗仔紋路比較多, 比較複雜, 幸好完成時間不用太耐. 🐶💗

甜甜圈 Donut

 好耐之前食過街邊新鮮炸好既甜甜圈, 好食. 但因疫情關係無得買, 所以決定自己整. 🍩

我不是炸, 係用焗既方法, 出爐新鮮, 一樣好食, 我同家人喜歡加糖在甜甜圈上面. 😍下次想試下加吉士醬入甜甜圈中間, 好期待啊🥰

壓麵機 - 湯麵篇

 

今次用左兩個方法整湯麵, 一個立刻切完煮五十秒, 過冷河再加油拌麵, 變成油麵. 💕

另一個切完麵後, 立刻放入袋, 放雪櫃普通格, 另外一日食才先麵. 💗

兩款麵都成功, 條條分明. 不過我自己喜歡食才煮, 好似彈牙D. 😍

午餐, 晚餐

 

週末遲左起身, 所以早午餐一齊食, 煮左粟米火腿蛋通粉, 晚餐煮左焗薯角伴雞批. (係上次燒雞淨番既肉, 所以炒番熱, 加D燒汁, 就放入酥皮, 焗二十五分鐘就食得, 方便又好味. 🐔🥧💗

彩虹毛冷球

 上網見到這個幾得意, 屋企有齊手作材料, 又試試玩, 完成這個彩虹毛冷球啦, 又易整, 幾好玩. 🤩

壓麵機- 炒麵篇

 今日試左D麵作炒麵玩下, 頭一款伴磨菇炒, D麵係昨晚切完, 立刻入保鮮袋, 放入雪櫃普通格. 今日午餐時, 開滾水煮左50秒, 之後過冷河, 再炒麵. (食後感, 彈牙, 條條分明)😍

另一款伴生菜炒, D麵係昨晚切完, 立刻用滾水煮50秒, 過冷河後, 加油拌麵, 好似油麵咁, 又係放入雪櫃普通格. 今日再同餸一齊炒 (食後感, 麵質比較軟身, 可能炒得太耐, 不過麵條都是條條分明)🥰

兩款都是無糊, 證明今次係成功既. 家人比較喜歡後者, 麵質軟身, 我比較喜歡前者, 弾牙, 囗感似出街買回來既麵質地. 👍🏻💗

下次再試湯麵篇, 如果成功, 我會做多D放雪櫃當午餐, 好期待啊, 哈哈😄🍜

新玩具

 

這個星期收到個新玩具, 就係壓麵機啦. 昨晚清潔完後就立刻開工. 做左六份麵條, 過程好好玩又新鮮. 🥰我昨晚切完(寛麵條)再用滾水煮左二分半鐘. 再拌勻油. 放入雪櫃普通格. 今日拿來炒麵, 不過就碎晒. 家人話可能用滾水煮麵時間太耐, 所以再炒時碎左. 😝

所以今日再努力試試, (切幼麵條)今次用左兩個方法, 一個切完, 立刻放入雪櫃普通格 (無煮熟佢)

一個切完, 用滾水煮五十秒, 之後加油拌麵, 再放入雪櫃普通格

明天再煮再報告😘

炒飯

 見雪櫃有咩就加咩入炒飯中, 有雞肉, 西蘭花莖, 磨菇, 粟米, 樣樣少少, 但到足夠我地一家食. 😊