2018年2月27日星期二

羅漢齊

新年期間係YouTube 找尋食譜, 發現這個羅漢齊, 真係好多年無食過啦!記得兒時年三十晚踏入新年年初一十二時, 婆婆一定會整齊菜拜神同食齊(初一十五), 婆婆仲會炸粉絲, 大家食過未? 但人大左, 常懷念舊時, 所以決定今日煮, 回味一下. 
其實我中午個餐好少煮飯食, 多數煮麵, 三文治又一餐. 但咁巧合, 今日老公留在家, 所以用蒸爐煲左嘜米, 開始煮羅漢齊啦!
我跟張媽媽食譜煮, 但材料就無跟, 只是煮自己家有同喜歡吃的食物, 用南乳整, 食完覺得味道同我兒時食既一樣, 好開心, 原來好易煮, 以後會煮多D. 😘


2018年2月22日星期四

古法年糕

祝大家人日生日快樂, 開開心心. 🎉💗
我今年做左兩次糕點, 第一個係奶皇椰汁年糕, 係好香椰子味, 不過我麻麻地喜歡這個口味. 
所以再做多底年糕試下, 但吾想再買椰汁, 見這個食譜話只要糯米粉, 片糖同水就可以, 一於試試. 睇片教要搓, 不過我無跟, 只是將所有材料拌勻就用中火蒸一小時, 之後放涼半小時就切黎煎. 我記得細個家人教用兩個方法煎年糕, 切完放年糕就咁煎到脆面,  另一個方法就係加蛋漿煎. 因為掛住以前既回憶, 所以分別用曬兩個方法做. 
食後感, 有蛋漿係易煎D同蛋味香D。
但我反而喜歡直接煎, 脆面食法, 吾知係咪因為食譜係古法年糕, 出來效果好煙un, 我覺得好食D. 其實我仲想整其他糕點, 不過家中大爺無人同我分享, 今次底年糕我當午餐食,哈哈. 😁 吾知大家食曬D糕點未呢?
材料: 
糯米粉 175克
片糖125克
水180克

2018年2月16日星期五

恭喜發財!

祝大家狗年大旺, 花開富貴! 今早整左D發糕, 祝大家大富大貴, 恭喜發財! 🐶

2018年2月15日星期四

祝福大家新年愉快! 花開富貴!

祝福大家新年愉快, 花開富貴! 🌺
好高興蘭花係這幾天開花, 祝大家狗年旺旺! 🐶




2018年2月11日星期日

燉鮮奶

前幾日, 天氣凍, 好想食熱食, 見家中牛奶快過期, 所以試整燉鮮奶, 好快趣, 不用半小時就食得. 食完暖粒粒, 好正. 👍🏻


2018年2月8日星期四

生日樹熊

最近自己同小B都病左, 加上工作量多左, 所以小左時間寫blog 同探大家. 現在補番近期手作品, 就係羊毛氈生日樹熊. 🐨我第一次整這款動物, 仲幫佢整個生日帽同手拿汽球🎉, 用左美圖, 第一次, 自己收貨啦!哈哈🎁

2018年2月7日星期三

水餃

見bloggers 個個都整水餃食, 睇見都想食, 夜麻麻好肚餓添. 俾我發現雪櫃有一包現成水餃, 真係好似發現救星一樣, 煮左幾隻, 好滿足, 謝謝這份小碓幸. 😘

題外話: 小B最近學識用叉用匙進餐, 又大個仔啦!👍🏻而且食量仲多左, 暫時最喜歡食既食物係意粉💗 我已經好滿意, 因對比佢之前可以餐餐咩都吾食, 練仙咁, 現在由細半碗到食晒滿細碗, 做阿媽見到咁, 真係好開心.(同各位媽媽一齊加加油, 共勉之) 😊