紙包蛋糕

以前D麵包店有好多奶油蛋糕 (西餅), 鬆化曲奇, 小杯仔蛋糕, 仲有我最喜愛既紙包蛋糕. 細果如果默書有一百分, 父母就會帶我地去麵包店買蛋糕食. 

現在吾知仲有冇麵包店賣這些兒時回憶, 我都想俾仔仔們試試這個美食, 所以找尋食譜, 俾我係谷中找到這個. 不過份量我減左糖, 所以只用左40克糖 (食譜70克), 用左2隻大鷄蛋, 蛋味好香. 

大仔話好食, 想留番個返學校小息食. 一整完, 餵左一個細既俾小B 食, ok 啊少甜, 佢都喜歡, 食完仲追我俾多D佢. (其實我都想買街外既蛋糕, 但怕太甜) 自己整可以控制糖份, 減肥既我都啱食呢! 

蛋白5隻 砂糖40g
蛋黃5隻 砂糖30g
低筋麵粉 80g
粟粉 10g
牛油 50g(溶液)

生日飯

生日飯! 今年又大一歲啦! 吾想同人迫, 所以選左家中與家人慶祝, 今次選火煱. 仲自己整左炸嚮鈴, 不過整得太大舊, 第一次食, 不過都ok, 幾好食. 我仲煲左茅根竹庶湯水, 咁就吾怕熱氣啦.

今次整兩個爐, 一中碼, 一細碼. (原本想用個大煲, 但只可以食一個湯底, 所以最後都係用兩個煲) 一個沙爹湯底, 一個蕃茄蘿蔔湯底. 食物有豬肉片, 雞肉, 豬頸肉,蟹柳, 午餐肉, 魚蛋, 魚肉, 雲呑, 水餃, 菜, 金菇, 豆卜同嚮鈴, 最後仲有烏冬, 完美既生日飯, 食到肚仔脹卜卜呢!

生日禮物有老公自製到萍果TV... 哈哈, 開玩笑姐. 其實老公真係送左盒萍果牌電視盒, (Apple TV)可以直接將網上睇既節目放上電視機到睇, 方便又大D. 老公話用電腦上網煲劇傷眼, 放上電視睇好D啊! 嘻嘻, 謝謝老公! ❤️

迷你糖不甩

祝大家元宵節快樂! 

新年家人俾左包迷你湯圓俾我, 見今日係元宵節, 整左迷你版既糖不甩. (上次做角仔淨左花生碎, 糖同椰絲餡) 迷你湯圓煮兩分鐘, 伴花生碎料上面, 食得.

細細粒, 好QQ呢! (可能你地會問, 咁少既? 叻叻, 這個是一人份量, 因為家中大爺全部都對湯圓麻麻, 所以煮咁少. 這個湯圓仲有兩包 (一包分三包份量, 每次一人前), 應該這個月會清左佢, 因要多D位放我打邊爐餸呢! 

饅頭, 臘腸卷

多謝大家既新年祝福, 前排比較忙, 所以未更新網絡. 今日有時間, 整理下D相薄, 原本仲有幾篇未出場, 現在post 返先.

這次係整饅頭, 不過份量原來好多, 所以做左一半饅頭, 一半臘腸卷. 不過吾知點解個饅頭做型好扁, 好彩臘腸卷仲可以, 仔仔好俾面, 臘腸卷好受歡迎.

今次蒸點心, 我用左谷友大力推介既蒸爐, 好好用, 我都想整蒸海鮮粥, 因為只有兩層做吾到. 不過已經好好, 我用佢黎蒸點心, 幾好架. 我新年時自己整左兩底蘿蔔糕, 用長盆蒸蘿蔔糕, 好正. (因為我以前蒸蘿蔔糕用大煱, 倒汗水會入糕面, 時間又長, 所以今次覚得非常方便, 讚! )

新年愉快!

祝大家猴年行大運! 恭喜發財! 身體健康! 工作順利如意! 蜜運成功! 心想事成! 笑口常開! 花開富貴! 

 今年我盆蘭花都生長得好靚, 仲係新年前開花, 非常高興!