祝福大家花開富貴

金雞報喜, 祝福大家新年愉快, 身體健康, 日日開開心心, 花開富貴. 🌸🌺

我兩盆蘭花也分別在新年前夕開花, 好靚呀, 我今個星期仲中左hk 10元獎卷, 小小地, 拿個好彩頭, 幾好啊, 祝大家雞年行好運. 💖

茄汁燴牛尾

好想食牛尾, 終於俾我見到有靚既賣, 買左大約1kg，回家立刻整, 網上找食譜, 這個比較簡單, 改用茄汁代替番茄 (忘記買) 炆左又焗左幾個鐘, 好入味同好鬆化. 以為1kg 可以分到兩餐, 因為太美味, 兩大兩細清晒, 食力不可睇小, 哈哈. 😂

食譜: http://www.wawacookery.com/zh-hant/2013/01/30/stewed-ox-tail-with-tomato-sauce-chi/

雞蛋仔

上次講到自家製紅豆蓉, 今次用左D黎整雞蛋仔, 少少地做左兩底, 一款原味, 一款紅豆餡雞蛋仔. 可惜太耐無整, 出來比較過火, 顏色較深. 用少量紅豆蓉, 放入雞蛋仔糊中, 味道幾好食, 有下次. 💗 外型麻麻, 要整多D練習下. 😉

冷帽

最近天氣冷左, 朋友仔話可吾可以幫手鈎小禮物俾佢送禮. 個主角係一個BB女, 咁就選左容易又實用既禮物 - 冷帽啦. 這個帽子的圖樣比較簡單, 所以我加左朵花上去, 我覺得有朵花效果幾好, 其實之前都有鈎開冷帽, 不過個尺寸吾太合適, 所以現在比較小做這個款式, 這個尺寸size 係俾0-6月, 希望今次尺寸對啦. 🎁

紙黏土 DIY Air clay

哈哈, 我真係好喜歡整野, 仔仔又係一樣, 不過大家興趣不同, 我喜歡同毛冷玩遊戲, 仔仔就喜歡砌野多. 最近係網上發現原來紙黏土都可以自製, 這個星期有時間, 就同仔仔一齊動手整啦! 這個興趣好好啊, 又係一個親子活動, 難得大家鐘意又可以一起做. 仔仔越來越大, 有時會有自己不同既想法. 加上現在電子產品多, 怕佢睇得多會快帶眼鏡. 

講返紙黏土先, 其實我家都有, 不過係要放入焗爐(Polymer clay), 以前試過買風乾個款 (Air clay), 不過未用完一包已經乾晒. 這次再玩紙黏土應該有五年前既事啊. 見家中有晒材料, 跟著開工. 材料混合好, 等24小時, 就可以用得, 少少份量, 都夠我地用. 不過吾知點解乾左後, 白色既佈份( 原色)顏色有少少透明感, 可能要補番D白色顏料會好D. (因為個做法係主力做顏色球, 等我現在自己記錄在這裡, 下次留意番) 

仔仔既第一件手作, 大家估到係咩嗎? 其實係波板糖... 嘻嘻. 🍭
https://m.youtube.com/watch?v=zqZpFZ3BfU8

紅菜頭雜菜高湯

上次買左D雞肉整雞絲粉皮, 拆肉後淨番D雞骨, 記得blogger 袁太有教過可以用來做高湯, 所以就係超市買D蔬菜, 跟手見到D紅菜頭, (其實紅菜頭我都ok, 不過就好少自己煮, 人地話有益, 所以買左回來煲湯) 所以煲菜係紅紅地色, 我第一次用紅菜頭煲湯, 加蔬菜同雞骨煲左兩個鐘, 啖湯好味道, 清得黎又有D似老火湯, 放涼後入冰粒下次煮麵用. 🍜

紅豆湯

上次講到整左自家紅豆蓉, 第二日已經整左D食物, 其一就是紅豆湯啦！點解叫紅豆湯而不是紅豆沙呢？原本我係想食紅豆沙既, 但放少左紅豆蓉又加多左水, 吾夠紅豆沙濃郁, 所以只可以叫湯.

但其實味道好好, 有個小插曲, 煮反熱時忘記浸果皮, 記得以前有個廚神節目教可以用新鮮橙皮代替果皮, 咁我又試試, 出來效果又OK喎. 我喜歡食有果皮味既紅豆湯/沙, 你地呢? 😊

蝴蝶

最近假期自己都無懶, 嘗試左D新既鉤織圖樣, 今次選左簡單D既, 就係蝴蝶啦! 用上漸變色彩色毛冷, 顏色好得啊! 讚! 👍🏻之前係群組介紹這個圖様時都好想試, 可惜係外語又無英文翻譯. 今次係合兩個不同圖樣再加上自己一D想法做的, 得左! 😁

大紅大紫-紅豆蓉

祝福大家新年大紅大紫, 幸福滿滿. 新一年第一炮就係整紅豆蓉啦. 其實街上都有紅豆蓉賣, 不過我覺得甜過頭, 所以自家製, 小糖又健康D (無防腐劑), 但就吾放得耐.

這個紅豆蓉我想用來整雞蛋仔餡, 好似街上有這款味道, 不過自己未試過, 都係聽家人講. 餘下既紅豆蓉, 應該會用來既其他甜點, 我又想食紅豆包, 豆沙餅, 炸煎堆... 哈哈, 太多選擇啦, 遲D成功再報告大家.

食譜: 紅豆400g
          砂糖150g
         麥芽糖50g
         菜油兩湯匙
         澄粉一湯匙