之前係出面買左份薄餅麵包回家, 今日終於記得食, 見原來用三文治麵包整, 屋企有齊材料, 一於老反個出黎. 材料簡單, 脆底, 所以個個都like. 可以下次大食會整都應該受歡迎. 👍🏻
材料: 芝士, 辡肉腸, 蕃茄醬, 三文治麵包.
做法: 麵包一開二, (可以整兩份) 加蕃茄醬, 肉腸, 芝士係麵包上, 焗180度16分鐘就食得🍕
我一家好喜歡食西蘭花, 所以時常都會買黎食. 🥦 最近係you tube 見到有伴炒班塊既食譜, 記得細個家庭聚會, D 叔叔阿姨好喜歡叫這個菜, 估吾到我自己都整到, 味道都好似. 真係好開心, 最重要連大仔都喜歡食. 🐟 雖然個賣相麻麻, 但味道吾錯, 會有下次. 👍🏻
食譜連結西蘭花炒班塊
老公終於幫我整好個網頁, 現在我又可以繼續去大家blog 到留下腳印啦！！😊謝謝大家支持同關心💗
等我分享最近手作品, 現在都快5月, 才介紹情人節, 我手腳真慢, 希望可以趕工, 出多D發文. 🤩
這個係羊毛氈大熊, 🐻手抱心心❤️旁邊仲有一個籃子, 入面放滿情信. 💌📮
個籃係用毛冷鈎出來, 個冷鈎完用左膠水定型, 情信也是我一手一腳做出來.係咪好有愛意呢！哈哈😄
其實我好喜歡食牛, 不過自己煮藝未精, 時常煮得麻麻地, 所以自家餸菜好少有牛肉出現. 😆不過見到街D牛尾好靚仔, 買多份牛展回家, 用個壓力煲煮西式牛肉 伴白飯.🍚 真係無買錯個壓力煲, 又快煮好, 肉質又淋, 一次過煮一大鍋, 夠我地分三餐食. 👍🏻
今日係一個特別日子, 所以買左盆風信子回家, 熱烈歡迎新成員風信子到家. 💗🎉😍
其實我四, 五年前都有種過風信子, 高峰期有五, 六盆. 喜歡佢香味, 顏色, 外形又靚, 而且又易種, 花期又長, 優點多多呢！！😘期待佢開花時侯, 吾知今次係咩顏色呢？？🌸
