班戟日 Pancake Day

今日係英國既班戟日, 我又黎湊熱鬧中午同小B食班戟作午餐.
吾知大家有無食過鷹嘴豆蓉呢? 有BB既朋友仔介紹我買這些豆蓉俾小朋友, 健康又方便. 今次個班戟加左豆蓉, 蛋同兩湯匙麵粉, 班戟好香蛋味, 小B好快就食晒, 食落好似M記鬆餅早餐, 厚身既. 

大仔放學回來整左薄身班戟, 佢喜歡加糖漿食. 個食譜係做十二份, 不過我吾夠蛋, 所以只做了食譜既一半份量. 不過我估大仔應該只食一, 兩件, 但佢回來後就一口氣食左三件, 仲話想再食多D, 我見遲少少就食飯, 而且麵糊吾夠, 所以同佢講週末早餐再整俾佢食啦. 

素脆鱔

以前去上海菜館好喜歡食鱔糊, 最近係谷友到見到在家也可以整素脆鱔, 原來食材係用冬菇做, 家中剛剛好有罐頭冬菇, 所以又試試. 做法簡單, 味道吾錯, 外形都似似地鱔, 但我未食過素脆鱔, 所以吾知似吾似, 不過這個脆脆地, 當小食都幾好. 

https://m.youtube.com/watch?v=TN_NQJ8TW5o

大仔的午餐

大仔最近返學話吾想食飯堂午餐, 問我可以整D午餐俾佢帶回學校. 但之前試過帶熱飯餸或麵條都麻麻地, 三文治又吾喜歡食. 所以這幾天上網找找食譜, 原來外國既媽媽午餐盒好多變化架, 又易整, 試左兩個食物, 第一個係芝士烤通粉酥皮杯. (Macaroni cheese cup) 仔仔最愛食芝士烤通粉, 但我吾識整, 所以買現成盒裝, 加包酥皮放底, 入烤爐焗到通粉同酥皮熟透就食得.

第二款係薄餅仔 (pizza bites) 用麵包機做粉團, 用杯切個圓形, 加茄汁同喜歡既材料 (今次加磨菇, 青椒同意式香腸) 包到半圓形, 加芝士在上面, 焗十五分鐘, 完成.

兩樣都好美味又吾洗次次食三文治咁悶, 仲可以整定D放雪櫃, 要幾多個分開一包包裝, 方便又快趣.

風琴焗薯 Hasselback potatoes

上次買左三個薯仔諗住整咖哩食, 不過個個都病左, 放左幾日, 怕D薯仔出芽, 一於昨晚焗左佢. 
其實這個煮法之前都見過, 不過未行動, 今次有材料, 所以找尋食譜, 比我找到個中文版, 晚飯一於攪攪新意思. 

http://casacookery.blogspot.co.uk/2012/10/blog-post.html

今次用左隻木匙幫手切薯仔, 咁就吾怕切斷啦.

味道好好食, 連吾喜歡食焗薯既大仔都食完一整個, 會再安哥. 😉

黃金卷 hotdog pancake roll

這個其實叫熱狗班戟卷, 不過整完後覺得金金黃黃咁( D芝士效果)所以叫佢做黃金卷, 哈哈. 不過我媽話同腸仔包差不多. 😉
最近小B食飯好頭痛呢! 白飯同菜肉要分開放, 加汁入白飯就吾食. 現在只食白飯, 其他咩都吾要, 仲要用手抓飯入口, 叉匙全部掉落地. 為有整D佢自己可以拿上手既食物啦.

今次這個小B食都ok, 我自己試過, 好味, 細細件容易食啦. 用班戟粉做外皮, 加芝士係中間, 半熟後放腸仔卷好, 煎到外面小小脆皮就完成, 好易又簡單.  🌭

人人生日

祝福大家人人生日愉快, 我地家也整左杯仔蛋糕慶祝. 今次用新方法, 蛋白抽起發打至企身, 糖同牛油先拌勻, 之後加入牛奶, 蛋黃拌勻, 最後分數次拌入蛋白, 拌勻後就可以放入杯仔中焗15-20分鐘 ,杯子蛋糕表面成金黃色或牙籤叉入無黏在牙籤上即可😊🍰
試食後: 好鬆吾係實心, 可能係蛋白打企關係, 下次再試試. 💗