小企鵝心扣針

聖誕假期後, 做左D應節公仔, 🎁 就係做左個羊毛氈小企鵝扣針. 🐧 這個小企鵝係平面2D, 不像我之前做的立體公仔3D. 以為平面會容易D, 反而平面仲多功夫, 不過出來效果都ok, 已經送出給朋友仔, 祝大家佳節愉快. 🎉

鉤針手套

天氣凍, 做手作最好做D 實用既野, 頸巾就吾想鉤啦, 如果想鉤花式, 做既時間又長, 怕自己無咁好心機, 簡單又無怕無聊, 所以最後選擇鉤手套. 用有變色毛冷, 另平平無其的手套, 變得豐富起來. 選左紫色同白色花紋圖案. 用這個鉤圖出來既手套, D手指可以𤫊活活動, 又同時間保暖, 最合適一邊用手機既朋友仔啦！💜❄️😘

羊毛氈聖誕熊貓

聖誕佳節有無食聖誕大餐同折禮物啊？🎄🎁🎅🏻🎉 我就同這隻羊毛氈熊貓一樣懶洋洋. 🐼今年家人送左份好得意既禮物俾老公, 就係大瓶爆谷花, 見到旁邊既玩具就知道幾大份啦, 係一份有趣既禮物... 哈哈😂

聖誕節快樂!

⭐️祝大家聖誕節快樂! ⭐️
好耐無發文啊, 過幾天會得閒D, 再分享其他生活日誌, 祝大家有個愉快假期. 🎅🏻🎉🎄
現放上手作羊毛氈小企鵝, 希望大家喜歡...ho ho ho 🐧

聖誕小老鼠

大家好嗎？每年十月份對我黎講係忙碌既時間, 工作繁忙, 私人方面又係忙忙忙, 又週年紀念又萬聖節, 所以今日抽小小時間打咭.😊
下個月就聖誕節啦！所以今次講我做的羊毛氈手作, 就係聖誕襪小老鼠, 用鉤針織左隻小襪子, 之後放隻羊毛氈小老鼠係入面, 我覺得好有聖誕節氣氛呢！🎅🏻🐭❄️

焗烤雞

今日整左焗烤雞, 係跟網上食譜的. 我老公煮焗烤雞好得, 所以一煮這個餸多數係大廚出馬既時候. 不過見到個食譜好似好簡單, 同個汁好似好味道咁, 所以膽粗粗買左隻雞試試. 
出黎個雞好靚仔, 金黃色, 加上個汁用番烤雞既油, 係比用現成烤肉汁好味, 不過功夫比較多, 我諗下次都係請大廚出山算😁

奇亞籽

昨日有包奇亞籽到手, 這個大名聽就聽得多, 不過未食過, 所以對佢好奇. 
用水發左一湯匙試試, 四個小時後, 發脹左, 好似有層泡泡包住D奇亞籽, 因為用水發, 所以無味, 我麻麻地喜歡.
 所以上網睇食譜, 昨晚試左個橙汁朱古力味, 即係有兩湯匙朱古力粉同一湯匙橙汁, 加一湯匙蜜糖 (我只係加左半湯匙), 同牛奶拌勻, 中午整好, 晚餐後食當甜點. 味道係可以的, 但因蜜糖太小, 感覺有少少奇怪. 
今日又試另外一個食譜, 先加兩湯匙奇亞籽, 加一湯匙楓糖 同三分一杯牛奶拌勻 (做底), 等四小時, 之後加入超市買的蜜瓜打蓉, 放入杯中, 味道非常好, 水果清甜, 奇亞籽卜卜脆, 下次只要改變水果的選擇, 又有新口味, 幾好, 希望可以繼續食, 對健康有幫助！😘

又黎龍貓！

又黎多個龍貓系列! 今次用鈎針同毛冷做左個小袋仔, 無圖, 只係自己天馬行空既創作(可惜我忘記一邊做一邊寫低個圖樣. 其實個袋係好易做, 只係個肚比較複雜, 我諗如果我再做, 會用不織布代替比較方便)
我縫針比較弱項, 所以這個鉤袋係無內袋的! 暫時吾可以送給人, 為有自賞當興趣. 😉

羊毛氈- 龍貓

大家好, 最近比較忙, 所以少左時間在這裡, 今日有D鬆動位,等我快D出文先. 😊
這個羊毛氈龍貓係最新手作, 好細隻架, 只有拇指大小. 好喜歡這個尺寸size, 細細隻, 容易做, 一晚就完成, 佢係一個小禮物, 送俾朋友仔的, 希望佢收到喜歡啦！(因為朋友仔有儲開龍貓系列) 做完個主角, 心思思想做藍色同白色個兩隻(忘記叫咩名😜, 有無blog友仔知道叫咩啊? ) 不過無合適既藍色, 等我再找找先🤗

咸豬肉豆腐生菜煲

這個餸叫煲, 但其實家中無瓦煲, 不過加個煲字好聽D姐... 哈哈. 😁
最近好忙, 所以無更新個blog, 就快生草啦. 見昨日去街市買到硬豆腐, 一於整這個餸啦, 可惜無燒腩肉, 如果吾係可以整豆腐火腩飯. 脆脆地用咸豬肉一樣好味！
這個硬豆腐先煎左面, 之後再用蠔油炆, 吸晒D汁, 好好送餸呢！😘

迷你冬甩

今日整左D迷你冬甩, 話說我地上次整左D窩芙, 發現原來跟機仲有個整迷你冬甩版, 所以今日又試試. 這個食譜我只跟左一半分量, 已經可以做到三十個. 而且如果下次再做, 糖份可以再減少D, 我覺得比較甜左D. 大仔就喜歡, 反而小B就麻麻地, 真奇怪. 😁

• 125g plain flour
• 150g caster sugar
• 1 tablespoon baking powder
• 1 egg
• 120ml milk
• 1/2 teaspoon vanilla extract
• 4 tablespoons vegetable oil

淮山杞子花膠湯 <智能高速煲>

忙左一個星期, 終於有時間煲湯, 今日煲淮山杞子花膠, 用上次係西貢買既花膠仔加雞肉同瘦肉煲這個湯. 個湯好味道, 其實我以前好少食湯渣, 不過生完兩個後, 個人又吾同左. 今次加左紅蘿蔔, 個湯又甜D. 早上放料, 中午食飯就飲得, 小B仲坐定定等飲湯添.😘
材料: 杞子, 淮山, 蜜棗, 花膠, 紅蘿蔔, 雞肉, 瘦肉

法國斗牛犬 <羊毛氈 French bulldog >

上次講到的全身羊毛氈狗狗, 就係朋友仔睇左我隻斗牛犬狗狗, 所以找我幫手. 這個斗牛犬係我第一次跟相整真狗, 這隻狗狗好可愛架, 但我未做過狗狗, 所以要求只做個頭熱熱身, 好彩只做頭, 有顏色全身狗難道好高, 自己真係未勝任. 好彩完成品都ok, 第一次做自己都滿意. 🤗 

木瓜雪耳無花果瘦肉湯 <智能高速煲>

見到街市木瓜幾靚又買番個黎煲湯, 木瓜我喜歡伴雪耳, 想熱飲, 所以加左瘦肉同無花果, 仲有南北杏. 用高速煲, 快靚正, 足足有兩公升湯水, 好味. 😋
我最近因為新高速煲, 所以一個星期都煲三, 四次湯水, 發現我家有個小粉絲. 就係小B啦. 佢好撐場喔, 煲左咁多次湯只有一次吾飲 (因為個次D芫茜味太重, 大仔都吾飲, 明白既, 我細個都吾喜歡芫茜味) 其他湯水小B次次飯後都飲一碗架, 連碗底D湯渣都吾怕, 次次清乾淨. 
現在有個湯腳, 我可以有動力継續一星期三, 四日有靚湯飲啦! 😁

焗雞Roast Chicken <智能高速煲>

上個週末係超市買左隻雞, 因為高速煲中有個食譜話可以焗全隻雞, 所以買左隻大約1 kg既細中雞試試. 個高速煲得三公升, 隻雞差不多放吾入, 好彩最後都ok焗到. (加左400ml雞湯同煮) 隻雞係熟既, 不過雞胸比較乾, 可能煮時間太長, (我今次煮左25分鐘) 下次試下用春雞, 同時間再短D, 可能效果好D. 
隻雞太大, 我地分左幾餐, 第一餐食西餐, 之後煮意粉, 整三文治, 今晚食炒飯, 終於清晒隻雞. 我地好少買咁大隻雞, 通常買雞扒多, 少功夫又啖啖肉嘛. 😁

黑色拉布拉多犬 Black Lab dog

最近的羊毛氈手作, 係一隻黑色的拉布拉多犬. Q版動物就做得多, 全身真狗真係第一次. 其實係朋友仔見到我做的一件手作品, 之後再找我問我可否幫佢隻拉布拉多犬做一隻羊毛氈
( 因為佢隻狗已經十二歲多, 而且身體有毛病, 朋友仔吾知狗狗可以支持幾耐. 佢囡囡又在外面讀書, 時時掛心住狗狗, 所以朋友仔想有隻羊毛氈狗陪伴囡囡身邊)
因為未做過全身狗, 加上係黑色, 對我黎講真係難度挑戰, 用左好多時間同參考, 眼珠塗上棕色及光油, 俾朋友仔過目, 佢話嘴邊要白色, 所以再補充同加上口及舌頭, 終於完成. 可惜羊毛氈狗狗係黑色, 好難用相機影到, 真身靚過相好多. 現在已經寄出給朋友仔, 希望佢喜歡啦！😘

芫茜魚片湯

記得細個牙肉痛時, 媽咪就會煲芫茜皮蛋魚片湯, 因為下火, 對牙肉腫痛, 清熱氣有幫助. 覺得起身牙肉吾係咁舒服, 所以走去買左芫茜同魚片, 諗住煲湯. 回家先醒起無皮蛋, 所以打電話問媽咪點煲這個湯, 太耐無飲 ( 細個飲得多, 自己煲都係第一次) 飲完真係幫到手, 舒服好多呢！

臘腸蒸雞飯 <智能高速煲>

老公話想食蒸飯, 咁不如試試個新高速煲做吾做到先?
一於整簡單D, 就臘腸蒸雞啦！放D餸係生米上面一齊煮, 飯好食得, 方便又快趣, D飯仲吸收晒D雞汁, 好味道呀! 吾知下次整咩蒸飯好呢？心思思想食排骨飯同窩蛋牛肉飯呢！😍

蜜瓜雪耳豬肉湯 <智能高速煲>

有新高速煲玩, 所以日日試新野, 今日煲左蜜瓜雪耳豬肉湯. 走左去超市買過細蜜瓜, 我都係第一次用蜜瓜煲湯, 聽就聽得多. 用左個高速煲, 一個小時多D完成. 好香喔！我好喜歡食雪耳架, 不過個高速煲細, 得三公升, 所以只係放左半個雪耳. 試味後, 個湯好清甜啊！我吾放鹽都ok, 飲完好舒服啊, D蜜瓜仲好食添, 有下次. 🤗
材料 : 蜜瓜 , 紅蘿蔔 , 雪耳 , 豬肉, 果皮 (預先浸軟, 去囊） , 鹽 , 蜜棗 , 南北杏 , 薑, 水 1.5公升

西洋菜羅漢果豬肉湯 <智能高速煲>

仔仔們病左, 今日連我都有D咳, 快快趣煲番D湯水飲先, 家中有羅漢果, 就煲西洋菜羅漢果豬肉湯.  今次用高速煲整, 好方便呀, 上午放料, 下午回來已經煲好. 好意外, 小B好喜歡飲, 以為佢會怕黑麻麻, 會吾飲添. 小B仲飲左一碗, 叻叻. 👍🏻

現在寫低個食譜, 下次可以再煲過, 這個份量煲完連湯料剛剛有2 公升, 足夠我地一家四囗, 兩大兩細飲. 煲完, 再開蓋再煲多十分鐘, 完成 😘

材料:

• 西洋菜 85克 
• 果皮
• 豬肉 一個
• 紅蘿蔔（去皮切塊）1個 
• 羅漢果 ½ 個 
• 清水 1.5 公升 
• 南杏（12克）1湯匙 
• 北杏（5克） 1茶匙 
• 蜜棗 2粒 
• 薑 2至 3片

老火湯<智能高速煲>

我本身好喜歡飲湯, 但大細老闆麻麻地, 次次都要我包尾. 而且用明火煲時間長又收乾好多水份, 所以我地家煲湯既次數好小. 😅
但現在有左這個智能高速煲就吾同啦, 因為真係好快同好方便. 今早去超市買左D豬展, 紅蘿蔔, 粟米同蘋果, 加左D百合, 南北杏, 陳皮,煲左個老火湯. 
以前煲湯大約三小時, 現在由放料到排氣, 都係一個小時十五分鐘就完成, 而且只流失少量水份,  這次煲湯水份完成後還有2 公升湯咁多. 
Bloggers 教排氣後再開蓋滾多十五分鐘, 等D湯濃郁些, 出來就似用明火一樣. 正!👍🏻
咁好用, 早知早D買啦! 😁

智能高速煲

我地這個星期買左個智能高速煲, 其實係年頭已經想買, 不過個心十五十六, 因為有壓力煲功能, 怕危險, 所以遲遲未買. 原來這個智能高速煲有好多功能, 煲湯, 電飯煲, 魚, 肉, 意粉, 慢煮, 保溫. 時間設定, 可以上午出街, 下午回家有得食.
今日試左煲飯, 真係好快趣, 按飯鈕, 選六分鐘, 預熱加排氣只需要十五分鐘, 飯粒分明, 我自己覺得比電飯煲煮還好食.
食完晚飯再試下煲糖水, 試左薏米腐竹糖水(因家中有齊材料, 而且時間最短)
先放水 1L, 下20克薏米煲三分鐘, 再排氣. 下放腐竹用冰糖, 再煲二十分鐘. 完成 (其實食譜話煲三十至四十五分鐘會比較好, 不過今次D腐竹吾溶晒, 下次煲耐D試試)
個糖水好好味呀！如果用煤氣煲糖水一定最小一個小時, 好開心啊, 這個好好用, 明天再整其他野試試先. 😉

翠玉瓜意粉 Courgett spaghetti

這個翠玉瓜意粉係外國網站已經有好多人介紹, 因為這是健康食品, 用蔬菜來代替澱粉質. 係呀, 我又要減肥了, 暫時未做運動, 所以想從飲食著手. 知道這個食品好耐, 今次係朋友介紹下試左煮這個. 我用水煮左一分鐘, 去水後再炒多4分鐘, 食前加蕃茄醬. 

其實網上教用水煮一分鐘已經可以食, 但我試味後覺得草腥味好勁, 所以再炒多4分鐘. 食後感, 又真係有少少似意粉, 因佢切到一條條, 我喜歡蕃茄醬拌勻一同食,  比較好食D, 無咁草味. 

有下次, 不過會自己買翠玉瓜切絲. 佢卡路里比較低, 100克只係20卡路里, 這個一大碟有250克, 即50卡路里, 飽肚, 自我感覺良好D.  😁

小松鼠

最近做手作, 用毛冷鉤了隻小松鼠, 其實我原本想用羊毛氈做一隻小松鼠, 可惜太複雜, 為有下次啦. 這個好易鉤, 等小B午睡時先做, 所以用左幾日時間. 只跟圖做但用細一號的鉤針, 因不想太大隻. 尾巴就用羊毛氈, 方便又快趣. 👍🏻

曲奇餅

同仔仔無野做, 最好既節目當然係整野食啦! 今日選左簡單既食物, 就係整曲奇餅啦! 😘
這個食譜係用來做聖誕曲奇既, 不過因為這個食譜簡單, 所以我常用的. 今次仔仔選左圓形模, 我就選左星型. 大約焗左9分鐘就完成, 放涼五分鐘等佢硬身, 再轉鐵架放涼. 
仔仔放左白朱古力上面做装飾, 不過可能火力太大, 燶左. 😝
其實我想玩玻璃曲奇, 不過家中無這款糖, 為有下次啦! 
這個曲奇餅好食, 我地食完一個又一個. 等我再找找櫃其他曲奇模再玩先. 😉

http://www.bbc.co.uk/food/recipes/christmasbiscuits_93733

• 100g/3½oz unsalted butter, softened at room temperature
• 100g/3½oz caster sugar
• 1 free-range egg, lightly beaten
• 1 tsp vanilla extract
• 275g/10oz plain flour
• To decorate

薯仔日

上次去超市入手左一大袋薯仔, 因做跟特價, (平時都係一個個咁買, 薯仔我地好少自己煮, 反而焗薯條就家中常有, 有時煮西餐吾食飯, 焗薯條當伴菜)
第一晩煮左兩個薯仔燜豬腩, 跟住午餐整薯仔蛋沙律. 今晚大仔去朋友仔生日會, 煮左blogger 雀后既焗薯角, 食譜自己再加蒜粉, 仲香口D. 小B食煎烤薯餅, 都好味道. 
仲有兩大個薯仔係廚房, 有無提議煮咩好啊? 😘

有機蛋

昨日去超市買蛋, 發現我平時買開個款蛋無貨, 得返好細隻個款同細盒有機蛋, 我個日急用蛋整麵包, 所以買左盒貴少少既有機蛋回家. 整麵包都吾發現, (因麵包拌入其他材料, 所以睇吾出有分別)
今日小B又吾食午餐, 所以煎左D班戟俾佢, 開糊時已經發現吾同, 個糊顏色好黃, 煎出來食好香蛋味啊! 貴價貨係吾同D既, 不過應該好少買, 因為一盒六個, 價格等於我平時買開個款一盒十二隻. 😁

炸雞扒滑蛋飯

上次去超市買左D雞扒, 醃左後今日先醒起, 咁今晚就花少少心思整炸雞扒啦( 有半年無炸野食啦) 原本想整咖哩雞扒飯, 不過仔仔吾想, 所以轉左炸雞扒滑蛋飯, 感覺好日式啊! 加左味琳, 甜甜地, 好味道呢！🐔

一口乳酪麵包

今日跟bloggers整這個一口乳酪麵包, 這個食譜比較特別, 因為無牛奶, 水同蛋而用乳酪代替. 乳酪班戟就試過, 整麵包就第一次聽, 所以想試下. 我買左原味乳酪, 食譜話可以加一湯匙蜜糖, 除左豐富味道, 原來蜜糖對麵包係一個好天然既麵包柔軟劑. (不過我食吾出蜜糖味道, 可能下次要再加多D. ) 細細個, 出爐後試味, 真係好柔軟, 同我以前整既麵包好吾同, 我幾喜歡, 不過大仔就吾喜歡個乳酪味道, 反而小B大愛, 食左好多個. 這個食譜仲加左芝士, 下次會再加多D, 可能放上面仲靚仔D. 😉
240g 高筋麵粉
3g 酵母
35g 糖
2g 鹽
20g 芝士
150g 乳酪
35g 牛油

Tsum Tsum 小刺蝟

時常係街見到Tsum Tsum 好可愛, 咁不如自己試下整D出黎啦！自己想特別D, 一於整羊毛氈小刺蝟, 又可以用我新買的公仔布, 加個迷你蘋果係頭, 再鈎多兩個蘋果仔, 影張相出來放閃先, 哈哈.😁

叉燒包

我見雪櫃有舊叉燒, 問仔仔想食叉燒餐包還是中式點心叉燒包? 佢話喜歡點心個果多D. 所以今日食過午餐就跟手放材料入麵包機, 現在蒸好D叉燒包啦！個樣真係麻麻地, 不過味道還不錯, 自己食吾怕啦! 我地去飲茶, 每次都叫蘢叉燒包, 現在識整, 今次整左十二個, 淨番個D入雪櫃, 幾時食蒸番熱就ok, 真係好方便. 

食譜:

• 中筋麵粉.                        300 克
  砂糖	30克
  鹽	少許
  鮮奶	180毫升
  酵母	5克

• 中筋麵粉可用低筋麵粉200克+高筋麵粉100克代替。
• 
  

又黎啦！

又黎啦！話說上次整個隻小倉鼠俾朋友仔領養左後, 佢問我可吾可以幫手整多兩隻出黎, 因為佢俾左隻小倉鼠家人睇, 佢妹妹都想要番隻. 所以上個星期就開動再做羊毛氈手作. 不過因為自己手藝未精, 吾可以做到同一個樣. 好彩出來朋友仔都收貨, 真高興有朋友仔喜歡, 好似打左支大大既強心針俾我一樣, 我會再努力D啦, 謝謝你地既鼓勵! 😊 這對小倉鼠, 一隻灰色同深棕色, 不過自己都係鐘情灰色個隻, 因為仔仔同我都覺得肥肥地可愛D呢, 哈哈. 😘

愛麗斯夢遊仙境

大家應該聽過愛麗斯夢遊仙境? 之前同朋友仔湊熱鬧, 一齊鉤左D公仔, 因為自己喜歡這個角色, 所以自己嘗試鉤一個愛麗斯出來, 無圖, 只有自己貪得意左硑又砌出來的. 全個公仔最難的部分就係頭髮, 用左好多方法先滿意, 努力無白費, 自己幾喜歡, 不過短期應該吾會再做多個, 因為要用一個月時間完成, 而且自己手頭上有好多靈感放在羊毛氈手作上, 下次又分享我近期做D咩... 嘻嘻, 下次再續. 😊

小倉鼠 Little hamster

天氣一好, 立刻帶隻新手作, 羊毛氈小倉鼠出去草地影番D相先, 細細隻, 加上個迷你蘋果係手中, 好得意架! 其實原本想整兔仔, 不過個公仔頭做得太大, 為有轉陣, 所以變左小倉鼠... 哈哈！我之前幫朋友既一對小倉鼠做過羊毛氈公仔, 不過新手上路, 做得麻麻, 現在這個好好多, 一出相, 已經有朋友仔話要收養佢啦, 話佢似自己家中領養個隻小可愛呢！💗

小刺蝟!

大家好嗎? 好耐無見啦！公私兩忙, 仲要個網絡帳戶因電腦問題開吾返, 所以現在才用到!
天氣一熱, 小B d 濕疹又返發, 今次仲勁D, 所以醫生開左藥膏, 現在已經好番好多.
大仔學校成績幾好, 又其數學科, 要加油喔!
最近迷醉羊毛氈, 好療癒, 好開心有人喜歡, 謝謝blogger Sa咪, 送出羊毛氈材料包, 等我加入這個大家庭, 真係好好玩架, 誠意推薦俾大家玩.
今次出文係一隻小刺蝟, 手中有一個迷你小蘋果, 只有手掌大小, 已經送出了, 下次再同大家分享小手作. 🍎

好開心呀！

今日我行過, 俾我見到盆蘭花出新花蕊, 仲吾只一個係三個添. 原來佢還出新葉同新芽(花菖)添, 哎呀! 我咁大頭蝦吾知道, 難怪佢D葉掉落( D營養俾晒D花同芽), 立刻準備支花肥 (肥仔水)俾佢補一補先. 🌸🌺🌼

DIY 面膜

其實我做女時, 對護膚產品, 化妝保養品都用好多. 但當小朋友出世後, 真係對自己D皮膚無咩保養, 有時都會化下妝做面膜. 但生兩第二個小B之後, 發覺吾可以再俾自己懶落去, 最近已經開始化妝同搽cream 面霜. 這個星期有谷友介紹DIY 面膜, 材料好簡單, 
香蕉 1/4 隻
原味乳酪 1/4 杯
蜜糖 1 茶匙

拌勻之後搽上面等十分鐘, 之後可以清洗, 然後再搽面霜. 

用後感: 大約過左七, 八分鐘, 已經覺得個面緊緻D. 清洗後再加面霜感覺皮膚軟熟, 乾爽幾舒服, 材料簡單又平, 可以試多幾次, 睇睇個效果先. 💗

壽司加富貴竹

新年期間買左盆細細地既富貴竹, 最近發現佢兩面都出新芽, 葉子也長高了, 好開心. 因為以前也試過種富貴竹, 可惜新手, 對植物知識又吾了解, 所以好快變黃同枯掉. 今次細心照料, 應該會比上次更佳, 希望成功啦！

上個星期整左D壽司比老公同大仔做茶點, 不過份量太小, 食得吾夠喉. 所以週末無去街, 留在家整壽司. 我原本想整多飯少餸, 不過想食多幾款餡料, 所以飯份量變少, 卷卷下變左咁多條, 但切好都係一大碟, 以為好少, 其實已經兩杯米㗎啦. 餡料有炸魚, 炸雞塊, 蛋, 同煙三文魚, 小食所以覺得幾好食, 下個星期再整先.