午餐

午餐我地通常會食三文治同漢堡多, 今次將麵包團整成漢堡包圓形狀, 加芝士, 火腿, 蛋, 蕃茄, 簡單又方便.🍔🧀🍅🍳

早餐卷 breakfast wrap

 好耐之前係一間餐廳食過這個早餐卷, 好好食, 見屋企有齊材料, 又自己整黎食. 其實早餐卷入面材料同英式早餐差不多, 有煙肉, 蛋, 腸仔, 薯餅, BBQ醬, 芝士, 全部卷入墨西哥餅皮中, 再烘熱餅皮就食得. 好味又簡單💗🍳🥓🌯

夏之戀

 用羊毛氈做左個題材, 係夏季, 就做左這個 “夏之戀”掛環啦! ☀️💗用羊毛氈作平面設計, 加上繡花在鳥頭上作花環, 成品簡易又不花費力, 細細個, 掛牆或放桌上做裝飾都得🤩

蝦仁炒蛋

 我好喜歡食蝦, 上次超市買左兩包, 今日用左一包整這個蝦仁炒蛋, 跟這個食譜 簡單又好味. 🍤🍳 蛋滑, 蝦爽.💗

燒雞腿焗薯角

 因為要清雪櫃, 所以煮左這個燒雞腿焗薯角, 又快趣, 全部野放曬入焗爐, 好方便又好食😘

湯麵

 上次做手工麵, 特別做多一份 (一人份)既份量, 放左入雪櫃一夜, 第二日先食. 用左黎放湯, 發現無糊, 仲好爽滑, 家人仲話似出面街買個D麵添. 🍜又得左啦! 😍下次可以做同樣方法, 省時又方便💗

菜肉包, 餃子

我買左D豬肉碎, 每盒500克, 所以現在每次一整餃子, 就一同整菜肉包. (每様用半盒絞肉). 

先用250克中筋麵粉加125克熱開水搓餃子皮, 這個份量可以包到二十二隻餃子🥟 今次係冬菇生菜豬肉餡 🐷🥬🍄

之後另外個半盒肉做菜肉包, 375克中筋麵粉加203克涼水做包子皮, 這個份量可以做到十個肉包

 (不過下次要整500克中筋麵粉加270克水才對, 這個份量可以做到十二個肉包, 今次做完十個肉包, 還有餡料淨番) 

D餃子整好放入冰箱, 幾時食都得. 菜肉包大大個, 做早餐一流💗

炒麵

 昨日成功左整手工麵, 今日再試試整炒麵, 一樣ok, 條條分明, 又爽滑. 😍我今次做多一份麵條, 放入雪櫃, 準備明天才食, 試下可吾可以整定遲D先食, 睇下得吾得? 🍜 今次係雞肉, 青瓜, 長生菜炒麵, 好味道. 💗

成功啦！

 太開心啦, 今日做手工麵終於成功左啦, 謝謝Blogger 地球人既指導💗今次做出既寛麵麵條大小一致, 囗感爽滑. 😋原來醒麵係咁重要. 😍 我今次只係做左一人前既份量試下, 做完俾左小小家人試食, 佢哋都話好食, 所以明天會再試多次, 好期待啊, 明天做完再話俾大家知. 😘

貝果與煎餃

 天氣太熱, 所以簡單D買左貝果做三明治 🥯 (加左雞蛋, 生菜, 煙肉同芝士係入面) 只食包吾夠, 又煎曬雪櫃D餃子, 清下D貨, 等個雪櫃多D位. 🥟

熊貓曲奇

 今次整左熊貓曲奇🐼🍪, 用曲奇模印, 好玩又好食. 這個食譜可以做到16件. 我自己喜歡純牛油曲奇多D, 深色個款係朱古力味. 🍫不過天熱整比較吾方便, 個團溶得好快, 下次要留意下. 😊 

食譜:

牛油 60克

糖 60克

蛋 25克

* 麵粉80克

*朱古力粉 5克, 麵粉 75克

焗170度, 10分鐘.

熊貓紫菜飯

 想食飯加D新鮮感, 上年聖誕節買俾細佬其中一樣禮物, 就係這盒工具, 用來整熊貓紫菜飯啦. 入面有飯模 ( 來制作熊貓身體) 有切紫菜工具( 來做眼, 囗同手腳裝飾) 雖然吾太靚, 但好好玩, 佢仲可以整三文治添, 大小朋友都玩得好開心 💗😊

手工麵- 湯麵篇

 今日又再整手工麵湯麵篇, 用番同一個食譜, 煮熟左D麵, 過冷河後加麻油, 再放入麵豉醬湯底中, 加上煎蛋同午餐肉, 就成左我既午餐啦. 🍜

又係做幼烏冬, 反而這次放入湯底係成功既😊 其實我昨日也做左手工麵, 份量一樣, 只係麵切成幼麵版, 一放入水煮就糊 (仲只係煮左45秒, 幼烏冬只需要煮十分鐘) 😅 吾知邊到出錯, 所以買壓麵機既想法, 要再諗諗, 等我再試多幾次先再決定. 

Sunday roast 烤雞腿

 這個週末整左BBQ 醬烤雞腿, 今次買左雞腿, 啖啖肉. 跟食譜用現成BBQ 醬再加蜜糖同少許豉油, 令到個味道更加似燒烤口味. 🍗見開焗爐, 今次吾食飯, 焗薯角加芝士通粉做伴菜. 雞腿入味, D汁伴薯角好好食呢, 燒汁(gravy) 都不用落.😍

手工麵

 上次整左麵包機烏冬後, 被左小小家人食, 佢地都有興趣. 所以用番同一個食譜 200克中筋麵粉加100ml 水, 就做左兩碟手工炒麵啦. 今次加左菜, 雞肉同蛋一齊炒, 仲加左少少辣油, 增加味道. 我喜歡這個食譜, 煮熟後再過冷水再炒都吾會糊, 加左麻油拌勻, 令到D麵滑滑, 好食. 💗不過因為手工切, D麵條一大一細, 心思思想買個壓麵機呢！🤣

壽司丼

 天氣太熱, 所以想食D凍野, 這個用壽司材料既晚餐, 快趣又好食. 🍱

羊毛氈小花貓

 做左隻羊毛氈小花貓練習下, 好細隻架, 放係相旁邊就知道個尺寸係細小😻

豬肉乾

 上次買左豬肉碎, 一半昨日包左餃子, 今日用曬另外個半整豬肉乾, 好耐無整啦. 今次整得太薄, 不過味道ok, 下次要整番厚身D, D肉焗起上來縮水呢！😅🤩

又包餃子

 今日又到包餃子既日子啦, 之後整既存貨已經上個星期食曬. 好喜歡這個食譜, (250克中筋麵粉, 122克熱開水) 個皮好易包到成型, 今次包元寳型. 包包下, 細佬話要玩, 所以用左個餃子夾又玩下, 不過只係玩左4隻. 😹這個份量可以做到24個元寶型餃子. 明天就食煎餃加湯麵. 🍜🥟💗

羊毛氈午睡中的貓咪

 上次做左羊毛氈練習貓咪, 今次用朋友仔既寶貝, 做左三隻午睡中的貓咪🐈😴, 貓既顏色跟花紋係參照相片整作, 不過係手作品, 型態同尺寸好難隻隻一樣, 加上體型細小, 比較有難度, 幸好朋友仔過關. 😻

蛋糕日

 好耐無焗蛋糕, 問左仔仔想食蛋糕還是曲奇, 佢地選左蛋糕, 不過要加朱古力粒, 所以做份大麵糊, 焗左兩盆蛋糕, 影相成個蛋糕山咁, 哈哈. 🤣🍰💗

羊毛氈Q版狗仔手作

 朋友仔話幫手做佢既狗仔公仔, 不過要Q版, 其實我吾係幾清楚要點様做, 硏究左好耐, 先做左這個公仔. 佢難處係耳朵毛色, 要混合三個顏色, 加上係卷曲, 所以又用毛冷幫手, 出來效果都ok. 👌🏻💗

刈包

 今日整左刈包, 因在YouTube 睇到, 所以又想食, 立刻行動. 用雞柳加照燒汁, 加左青瓜, 味道幾好. 😊

墨西哥雞肉卷

天氣熱, 想食D淸爽既食物, 墨西哥卷就最方便啦！🌯內有炸雞, 芝士, 青瓜, 生菜絲同BBQ醬, 好食又快手. 😊

春卷

續昨日整春卷皮吾成功, 今日再試, 終於成功左, 薄如面膜. 我用70度暖熱開水(60ml), 加95克中筋麵粉, 這個份量可以做到八張春卷皮, 試左烙同蒸, 都係蒸方法比較軟熟同易包. 我跟這個做法. 小提示: 蒸完再切四邊成正方型, 會比較容易分開D春卷皮. 🤩

這次用焗爐焗春卷, 所以無炒熟D餡, 係生肉入焗爐, 180度焗30分鐘. (15分鐘後要反轉身一次), 都好脆身, 好食💗 自制春卷皮比較費時, 如果有現成真比較方便得多. 😘

中式包點

今日整左D中式包點, 分別有奶皇包同菜肉包, 其實原本係整春卷, 已經炒熟晒D餡, 不過我自制既春卷皮吾成功, 為由將D熟餡包成中式包. 悶悶地, 所以其中一個玩下花色, 包左餃子型, 不過實在太多餡, 所以其他要包番圓型. 😊

羊毛氈仿動物Q版西施狗

又係舊作, 這個係練習作品, 仿朋友仔隻西施狗做左個Q版羊毛氈. 細細隻, 加左D花, 幾得意架🐶🌸💗

羊毛氈貓咪匙圈

昨天整左個羊毛氈貓咪匙圈出來, 其實原本想做心口針, 不過D工具尺寸用吾到, 腦一轉, 不如做匙圈, 剛剛家中餘下最後一個, 咁一於做這個款式, 希望朋友仔收到會喜歡啦. 😻

羊毛氈貓咪心口針

這個係舊作, 之前用左白色羊毛做左隻貓咪, 係佢身上加左迷你心心同蝴蝶結🎀就完成這個心口針啦！！🐈💗