2018年4月30日星期一

蜜糖焗雞腿

明天係五月, 時間過得真快. 又有兩個星期無發文, 工作最近比較忙, 不過忙係開心事, 等我快快發文先, 咪又生菇啦... 哈哈😂
最近買左D雞腿, 一半整鹽焗雞 (不過食完先想起忘記拍照) 一半整左蜜糖焗雞腿, 兩樣我喜歡蜜糖焗雞多D, 甜甜地好惹味, 餸飯正啊! 🍗


2018年4月18日星期三

八寶粥

其實我之前吾喜歡食太多豆既食物,直至陀細仔時, 開始食過一次八寶粥, 就覺得味道又ok 喎!不過多數買現成, 最近俾我發現原來自已整都好容易, 買左D雜豆, 家中紅豆, 綠豆同生熟薏米, 放冰糖用壓力煲煮十八分鐘, 就食得. 😍我煮份量可以當兩餐. 昨晚煮完, 熱辡辡都好食, 今日由雪櫃拿出來, 凍食都幾好, 味道似街買, 自己整衛生又少甜, 會再整. 👍🏻

2018年4月17日星期二

椰菜花米 Cauliflower rice

最近睇到食譜話介紹健康食品, 其中一款就係這個椰菜花米Cauliflower rice. 點解用椰菜花當米呢? 因為佢切碎左真係外型好似白米咁, 我切完放左入雪櫃, 家人都以為係白米. 😘介紹資訊話用椰菜來代替白米, 食少D澱粉質, 對減肥有幫助. 而且煮法簡單, 加鹽, 蒜粉, 少少豉油, 煮五分鐘, 再加餸 (今日係雞肉同磨菇), 出來效果ok 喎, 可能我喜歡食椰菜花, 💗等我再試多幾次, 用來做代餐都幾好既選擇, 不用次次食小米咁悶. 👍🏻 兩張相分別係白米同椰菜花米🍚

乾炒牛河同蘿蔔湯

最近買左包河粉, 一於整乾炒牛河, 自己煮少油D, 今次D牛肉靚, 好食. 見bloggers 煲蘿蔔湯, 我又試試, 用上排骨, 第一次煲, 好清甜, 下次有靚蘿蔔會再煲, 我想試整清湯腩呢!😋



2018年4月13日星期五

羊毛氈小兔心口針

謝謝大家既鼓勵啊!我遲D會再試試挑戰我家小兔Mickey. 😍 最近做左好多羊毛氈, 我做得最多應該是小兔子. 🐰今日分享這個係一份義賣作品, 原因小朋友學校想要家長捐贈一些物品義賣, 所以見復活節, 就整左這個側面小兔, 加上小蝴蝶結同蕾絲背景, 出來自己都幾喜歡, 覺得好女孩子呢!希望學校喜歡啦!💗

2018年4月11日星期三

羊毛氈小兔

大家好嗎?原來我好耐無出文, 之前忙加懶蟲上身.😂 今日一於出番D手作品相片分享, 就係羊毛氈小兔啦!🐰其實我想整番我家小兔Mickey 米奇既羊毛氈, 但實在太複雜, 對現在既我黎講有難度, 所以做隻雙色簡單D, 練習下, 有機會再試整Mickey. 💗