肉片炒河粉

今日整肉片炒河粉, 用左半包, 大約200克, 可以炒到三碟, 好味道😊💗

薯仔炆雞柳

 今日整左薯仔炆雞柳, 其實我以前吾識煮架, 一係煲到D薯仔難晒, 一係薯仔吾熟透, 最近發現左網上食譜, 又試下, 終於成功左, 好味易整. 😊

刈包 Bao bun

 今日既午餐, 我地食自製刈包🥯 話說上次我地出外食一間日本料理, 佢哋出左款刈包外賣, 所以試左其中一款豬肉口味, 不過當時已經叫左好多其他食物, 所以只單叫這款, 原來佢仲有款炸雞口味, 見家中有齊材料, 所以今早用麵包機搓包, 再第一次發酵35分鐘, 之後冷水大火蒸15分鐘, 關火等多5分鐘就完成😊

焗熱炸雞, 再加燒汁拌勻, 就食得啦💗家人都喜歡食, 這個方便又好味. 🥰

生煎包

 因為想早餐食生煎包, 所以昨晚包左D肉包, 然後冷凍在冰格, 今早再煎煮返熱, 出來效果同新鮮整生煎包一樣鬆軟. 💗

這個方法原來叫生胚法, 係將麵團拌勻後, 不做第一發酵, 立刻包好新鮮整個既肉包. 之後再室溫等30-35分鐘, 才放肉包入冰格冷凍. 便變成冷凍包, 想食蒸包, 就不用解凍, 大火滾水立刻蒸十五分鐘, 之後關火不開蓋等多五分鐘, 就係蒸肉包🥯

如果食生煎包, 又係不用解凍, 落油落包, 中小火, 之後加1/4杯水, 加蓋煎到無水份, 再大火煎脆底部 (不多過三分鐘) 就完成. 💕

我以前做肉包既方法, 係蒸熟哂才放冰格, 下次再食就返蒸熱佢, 不過一返熱, 包子外皮一定難晒, 現在知道原因, 原來街買急凍點心包包都係生胚底, 以後想幾時食, 包包都好靚仔啦! 😘

鳳梨酥

 新年期間, 第一次整鳯梨酥, 自己炒菠蘿餡, 出來效果酸酸甜甜, 又幾好食喎. 我無用模, 所以個個大小不一. 食左新一年旺旺又好意頭🍍🧧

芒果糯米飯

 上次見超市D芒果幾靚, 所以又買左個, 原本諗住淨食生果, 不過見要清罐椰漿, 所以就整左芒果糯米飯. 好耐無食, 都好味, 不過現在真係不能吃太多糯米, 有少少消化不良. 小食多滋味☺️

紅燒豆腐

 最近買左盒豆腐, 用左黎整紅燒豆腐. 做法先用鹽塗在豆腐上醃20分鐘, 再印乾水分, 就可以煎豆腐. 兩面金黃便可以同醬汁一齊煮. 而且用這個方法煎豆腐, 個面好靚, 吾會難, 加其他配料一齊食, 美味😊💗

餃子

 新年期間又包左一轉餃子, 現在已經變左熟手技工啦, 自己整餃子皮, 因為家人都喜歡食, 整多D放雪櫃做存貨😊🥟💗

腸粉, 車仔麵

 今日星期日, 一早起來整左腸粉做早餐, 半個小時已經完成一碟, 非常快手又可口. 😋

午餐食自家車仔麵, 整左清湯牛腩白蘿蔔, 用半個洋蔥, 蒜頭, 薑, 用壓力煲煮一個半小時. 白蘿蔔最後半小時才落, 特別好味, D牛肉湯好好飲🐮加菜同魚蛋, 配蝦子麵食, 正呀🥰

蘿蔔糕, 蓮藕排骨湯

 昨晚買左白蘿蔔, 又立刻整多底蘿蔔糕 (其實個白蘿蔔係兩食, 淨番個D白蘿蔔下次發文) 我整左一個7吋既蘿蔔糕😘 今日早餐煎黎食, 好味😋

跟著又煲左蓮藕排骨湯, 未試過自己煲, 所以又試下, 用壓力煲煲左1小時先出味, 平常煲半小時, 個湯已經好夠味. 個食譜話明火都要煲一個半小時. 不過已經好開心, 因為好有茶記飲例湯既味道.🥰

福貴滿堂

 最近整左D章魚小丸子, 不過內餡就吾係章魚, 而係煙肉碎加腸仔. 個個圓碌碌, 好意頭又好食💗

恭賀新禧

 祝大家虎年行好運, 恭喜發財, 花開富貴, 事事如意, 身體健康, 福星高照🧧♥️🌸⭐️

自己整左蘿蔔糕, 年糕同紅糖發糕, 又買左靚靚粉紫色蘭花, 開得好靚呢! 😘

蘿蔔糕, 午餐

 買左白蘿蔔, 大約重1300克, 整左一底長餅, 一底8吋圓餅同兩碗細蘿蔔糕. 細個兩碗蒸完立刻食💗 其他一底留到新年食, 一底分左部分整左午餐. 加D點心, 好似山竹牛肉, 芋頭糕, 燒賣, 鮮竹卷, 腸粉, 餃子, 仲煲左雞粥, 好多野食, 好味道🥰

鮮蝦腐皮卷

 這個鮮蝦腐皮卷, 煎到脆卜卜, 好食又香口, 做派對點心正呀！🥰

自製牛肉丸

 最近做左自製牛肉丸, 我好耐無食過牛肉丸, 所以決定自己整, 用純牛肉做, 真材實料, 好味又安心. 今次煮熟D牛肉丸後, D湯拿左去整越南牛肉丸河粉, 好好食啊, 用這個食譜, 只要攪拌機就可以, 又吾洗用手撻, 都可以做到非常彈牙既牛肉丸. 😊💗牛肉丸食譜

雞尾包

 好耐無整麵包啦, 所以最近又整番轉, 今次係雞尾包🍞不過太耐無整, 有部流餡, 不過一樣好美味. 🥰 這個份量, 可以做到8個細雞尾包.

30秒腸粉

 我試過好多方法整腸粉, 蒸, 微波爐等等, 但方法都比較麻煩. 最近見到這個教學, 一試, 嘩! 非常容易, 做法簡單, 只需要30秒就可以整到一條腸粉. 😊 30秒腸粉

我今次做左九條, 好味又快手, 以後想食都可以立刻整. 💗

玉子燒

 今日用平底pan 做左玉子燒, 其實我好耐之前想買一個專做玉子燒既長型pan, 不過又吾係時常整, 好似好浪費咁, 所以最後都無買. 最近發現原來用普通平底pan 一樣做到, 而且方便易做, 所以立即試試, 係成功既, 都好食, 日後會再煮多D. 😊

上海粗炒

 屋企仲有少量椰菜, 見blogger 分享食譜整上海粗炒, 一於自己動手整麵 (因為家中無粗麵) 用麵包機整一人前, 100克麵粉, 50ml 水, 2克鹽. 阿麵機最細份量都要300克麵粉, 所以今次用麵包機做烏冬, 出來效果比較似粗麵, 用黎做午餐, 好食🍜💗

煎釀雙寶

 最近整左煎釀雙寶, 分別係茄子同彩椒. 我好耐之前整過, 應該係細佬BB時期, 可想而知有幾耐無整. 😅😂這個真係比較花功夫, 我喜歡茄子口味多D💕

羊毛氈小白鳥

 最近做左隻羊毛氈小白鳥🕊, 加個花花底, 放上枱影張相先🌸🌼

餃子

 屋企家中既餃子又食曬, 所以今日一早去超市買材料, 整左新口味, 包法又吾同左, 圓圓地, 幾得意, 自己整餃子皮, 不過D麵粉顏色吾白淨, 有少少似韓式泡菜餃子. 煮左小小試味, 又幾好食喎🥟💗😊

羊毛氈結婚鴨仔公仔

 上次做左對羊毛氈美洲駝結婚公仔, 今次係鴨仔結婚公仔🦆💖

因為對腳吾夠力, 所以做左個底座俾佢, 用粉紅色羊毛加珍珠花, 出來都幾靚架. 🥰