羊毛氈美洲駝結婚公仔

 最近用羊毛氈做左對美洲駝結婚公仔, 一個新郞, 一個新娘💖 新郎有個蝴碟領結, 新娘有婚禮面紗. 這兩個顏色比較少有, 所以用左毛冷做出美洲駝既毛, 出來效果卷卷地, 仲可愛D. 🥰

羊毛氈小刺蝟

 最近整左羊毛氈小刺蝟, 細細隻, 放上手到影張相先🦔💗咁多款動物, 我都係最喜歡整刺蝟多D, 因為容易做, 加上特別材料做刺, 這個材料令到外觀同質感加分, 令到個刺蝟更加可愛. 🥰

腐竹糖水, 福建炒飯

 上次中午整左腐竹糖水, 用左通少方法, D腐竹原來要先浸才煲, 吾怪得之前煲吾淋. 😆

晚上整左福建炒飯做晚餐, 好味, 小朋友都食得好快呢😊

雞蛋仔

 今日整左兩底雞蛋仔, 找番個cake pop 機出黎, 好耐無食啦. 對上食個次應該係兩年前, 今次整原味, 好食呀. 💗 

蝦仁滑豆腐

 這個蝦仁滑豆腐食譜好味道, 因為D豆腐蒸過先煮, 所以吾會煮到最後出太多水, 而且調味剛剛好又易煮, 快靚正😊💗

蔥油雞

 昨日整左蔥油雞, 蒸左15分鐘, 之後焗半小時, 出來好滑, D雞肉又熟, 再伴薑蔥油點黎食, 非常好味道呢.🥰 不用浸冰水, D雞皮都爽滑, 這個食譜好成功💗

粟米肉粒, 中式汁牛柳

 昨晚煮左新食譜, 以前煮粟米肉粒會用罐頭湯黎煮個汁, 上網教原來用牛油加麵粉都可以, 一試, 好味道呢. 😍

第一次煮中式汁牛柳, 我地一家比較少出現牛肉菜式, 這個牛肉原來煮有學問, 今次跟食譜非常軟淋, 有下次💗

萬聖節

見萬聖節, 所以同小朋友玩下D活動, 就係焗同裝飾曲奇餅啊. 特別買左D萬聖節曲奇印模, 早一日做同雪好粉團, 就可以開工. 印模有南瓜, 蝙蝠, 貓咪, 鬼魂等等. 🎃👻 焗好后加上糖霜裝飾, 這個活動好玩又好食, 幾好架. 💗 曲奇餅食譜

晚餐

 昨晚試左新雞肉食譜, 出奇地好味, 家人個個都讚好, 有下次🥰因為怕吾好食, 所以仲另外整左蒸水蛋, 滑滑, 送飯正. 👍🏻小朋友仲快快趣食完飯, 開心💗

蝦餃, 水晶餃

 我好多年之前試過用澄麵做蝦餃, 可惜失敗左, 皮非常容易脆, 完全包吾到. 所以比較怕用澄麵做點心. 最近係you tube 發現一個容易既食譜, 所以又試試, 原來皮比較脆弱, 問題係燙粉時, 一定要立刻用大滾水去燙麵. (我之前等左兩三分鐘才燙麵, D水熱力不足, 所以才會失敗) 現在用這個方法, 粉團有弹性, 好包好多. 👍🏻蝦餃皮

這個食譜仲教用碟整蝦餃皮, 方法比用菜刀容易好多, 讚💕蝦餃食譜

我用左兩日時間做蝦餃同水晶餃. 個水晶餃係白菜同蝦仁, 食譜教用肥豬肉, 不過我無落, 出來味道都好食, 好似, 今次非常成功. 😊💗我做多左放雪櫃, 下次蒸番熱12分鐘就食得😍

粟米班塊飯

 以前學生時代最喜歡食這個粟米班塊飯, 所以又整比小朋友食. 🌽🐟

照燒汁魚柳

 因為電腦要更新, 個blog 戶口, 我忘記左個密碼, 今個星期先入到番來寫發文同去探大家同留言. 之前連留言都吾得, 因為戶口問題, 好開心現在可以再發文. 💗

之前想食蒲汁鰻魚, 不過俾我找到個食譜可以用普通魚都做到照燒汁魚柳. 剛好家中有齊照燒汁同魚, 一於試試. 係好味, 不過口感都係鰻魚比較好食. 有下次, 這個送飯好好食呢！🥰

雞肉丸

 最近我用左D雞脾肉, 自己整絞肉碎, 用麵包機整左雞肉丸, 好簡單. 做完好彈牙. 之後拿左幾粒去煎, 仲好味D, 口感似炸魚蛋, 不過健康版, 家人都好喜歡. 用左500克左右雞肉, 可以整到一大盆. 分左兩份, 下次食湯麵時可以一齊食, 正呀！！😍💗

羊毛氈小獅子

 這隻羊毛氈小獅子係最近既小手作🦁 手掌咁大隻, 見天氣好又同佢影張相先😊💗

紅豆冰

 上次整鹼水粽凈番D紅豆蓉, 見天氣熱, 所以整左紅豆少冰, 好味又消暑. 🍹💗

紅豆蓉鹼水粽

 

其實我屋企人同自己都吾太喜歡食鹼水粽, 所以本來無諗過要包. 不過太耐無食過, 所以今日快快手用4張粽葉, 整左一隻五角鹼水粽. (當練習下包五角粽) 見食譜要用紅豆泥, 所以又自己用壓力煲煮左100克紅豆蓉. (350ml 水, 75克紅糖) 這隻鹼水粽只要50克紅豆蓉, 淨番留下次做紅豆燒餅用.💗紅豆蓉鹼水粽食譜 鹼水做法 紅豆蓉食譜

今次五角粽外型都整得好似, 又大隻. (我用左75 克糯米, 1 茶匙鹼水) 吾知係咪要加多D鹼水, 今次整完好似吾夠黃色, 放壓力煲煮45分鐘. 放涼, 就成左我今日既飯後甜品啦! 家人教用黃糖加水整成糖水, 點黎食. 又幾好味喎. 😁

雞肉水餃

 其實我以前都係包豬肉水餃, 係超市買絞肉回家整 (因為方便, 不用自己整), 不過口感比較乾身. 因為屋企水餃食曬, 又吾想出街買豬絞肉. 所以係雪櫃拿左D雞腿肉出黎, 自己用機絞肉, 發現D水餃好好食, 又滑又多汁, 家人一致認為好食好多. 所以食完今次包既水餃, 下次都會用番雞肉做餡料🐔🥟💗

包糭

 仲有兩個星期就端午節, 其實我一早已經買左糭葉同其他材料, 不過遲遲到未開工, 見今日午餐吾洗自己煮, 所以昨晚浸左一斤糯米, 400克綠豆邊, 400克五花腩, 70張糭葉, 同浸左瑤柱同蝦米. D糭葉昨晚浸左兩個小時, 之後一片片洗乾淨. 包糭方法 其他糭包法

今日一早起來開工, 先調左味俾D糯米同綠豆邊, 跟住用熱水煮糭葉頭中尾, 每部份五分鐘 (加油同鹽), 再抹乾淨, 就開始包糭. 其實我原本想包五角糭, 因為想食大隻D, 好似街買個款咁. 見YouTube 教學以為好易, 但包上手又系另一會事, 包左頭兩隻都好細隻, 而且又要用4片糭葉, 所以之後個D轉晒包四角糭, 這款我覺得比較容易. 😍 (只需要用3片葉) 

今次仲無漏米同型狀比較靚仔, 我今次包左21隻糉, 分三次放入壓力煲煮一小時, 其實仲淨左半斤糯米 (可能個食譜主要包五角糭, 大隻D, 所以用到多D糯米) 不過我浸好個70張糭葉, 我已經用曬同個雪櫃已經滿, 無位放糭, 所以另外煮左D糯米算數. (下次都係浸500克糯米都夠) 😜

今年第二次包, 味道同外型都有進步呢！開心😃💗糭食譜

甜點

 小朋友話想食甜點, 所以這個星期, 分別做左西多士同朱古力布朗尼. 個西多士我不是炸, 係煎, 不過都好食.🍞 而布朗尼, 今次只做半份食譜 (因為家中吾夠材料) 家人覺得甜度吾夠甜🍫🥧下次再留意番, 不過我覺得伴雪糕又幾好食. 🍦

食譜: 

3/4 cup cooking oil

3/4 cup sugar

1 1/2 tsp vanilla extract 

3 eggs (room temperature)

3/4 cup self raising flour 

1/3 cup + 2 1/2 tbsp cocoa 

1/4 tsp salt

壽司丼

 天氣熱, 吾想煮咁多野, 所以整左這個壽司丼, 有罐頭吞拿魚, 熟蝦, 蛋, 三文魚同焗炸蝦. 🍤每樣少少都好豐富下, 好味又快趣. 😊💗

焗豬扒飯

 又好耐無食這個焗豬扒飯, 所以這個星期又煮, 屋企人食得開心, 就係最大動力. 😘 其實我想用原隻蕃茄做配料, 感覺健康D. 不過小朋友吾喜歡食, 所以用左茄汁, 味道都ok, 好食. 💗

羊毛氈浣熊與小蘋果

小浣熊, 你做跟咩呀？哦, 原來你玩跟平衡個小蘋果係頭到, 又幾叻仔喎！！😉🍎

哈哈, 其實這個係我剛整好既羊毛氈小物, 不過我覺得這張相可以講到D動態出黎, 自己就好喜歡佢啦！！😘💗

午餐肉包, 菠蘿包

 今日整左兩款包, 分別係午餐肉包同菠蘿包. 這個食譜可以做到9個包. 家人都話今次個食譜幾好, 麵包好鬆軟, 好食. 所以現在記低佢, 下次再整. 👍🏻💗 兩款包都好食, 吾知係咪好耐無食厚切午餐肉包, 小朋友比較喜歡這個多D. 😘 我反而喜歡個菠蘿包, 下次要加件牛油係中間, 仲正呀😍

食譜: 中筋麵粉300克, 糖40克, 蛋60克, 牛奶170克, 鹽 2克, 酵母3克, 牛油30克

A版快餐

 自己家中整左焗薯條加漢堡包, 黎個A版快餐先.仲炒左D燈籠椒, 感覺焗薯條比炸薯條健康D 🍟 個漢堡吾係牛肉, 係雞肉加芝士同蛋, 都幾好食架. 🍔💗

酥皮雞批伴薯蓉

 這個係我地家既常菜, 經常會出現, 就係酥皮雞批伴薯蓉啦! 因為方便又易整. 💗

先煮薯蓉, 跟住炒雞肉, 蘑菇, 今次仲加左煙肉 (煙肉本身有咸味, 所以任何調味都不用落, 已經夠味) 之後再用牛奶, 中筋麵粉煮個白汁. 完成後放入酥皮, 跟手入焗爐至金黃色, 就食得. 😘 相中係三分之一既雞批, 所以都好大份下, 加D伴菜, 粟米同豆角, 好味又有營養. 🌽🥦

焗麵包

 好耐無焗麵包, 見週末有時間, 所以焗左轉麵包. 今次用新食譜, 不用蛋, 不過麵粉份量比較多, 有4 Cup, 而且口感比較實. 我今次用來整熱狗🌭️感覺太大個包, 下次再整, 食譜份量減半應該會好D.😊

食譜: (可以做到8個大麵包)

1 1/2 cup 牛奶

1/3 cup 糖

1 湯匙乾酵母

1 1/4 茶匙鹽

4 湯匙牛油

4 cup 中筋麵粉

滴膠花+羊毛氈熊貓

 其實一早已經有玩開滴膠, 最近買左個新模, 所以昨天又找返出黎玩. 心型模細小, 可以放到兩朵小花, 又ok 喎. 🌸💗

近期想做D簡單既練習, 所以快手做左個羊毛氈熊貓頭🐼 遲D再完成全身😊

，

微波爐腸粉+豆皮壽司

 這個星期試左用微波爐做腸粉, 方法都ok, 做法跟這個微波爐腸粉, 食譜份量一次可以做到4條, 我今次做左三份份量, 所以有12條. 伴醬食好食. 😘

食譜: 水1 cup, 粘米粉3 湯匙, 澄粉3湯匙

仲俾我係超市發現左原來有這款油皮豆腐賣, 所以買左包返屋企, 自己配飯整左這個豆皮壽司, 好味道. 🍣以前係壽司店一定會叫, 現在可以係家都整到黎食, 真係好, 我地已經好耐無食過這款壽司啦. 這款油皮豆腐, 已經整好晒味, 可以立刻食, 非常方便. 👍🏻💗

種豆

 小朋友係學校教育種植物, 俾左一粒豆開始種, 主要教到植物點樣生長, 由芽種到現在長大咁高, 都過左幾個星期, 小朋友好開心睇住佢每日變化. 🌱這個係碗豆種子, 我記得以前學校自然角係用綠豆浸在棉花中發芽. 吾知有無人同我一樣, 細個都係教用棉花浸發芽呢?😉

羊毛氈貓咪之二

 上次講到羊毛氈貓咪, 其實仲有另外一隻, 橘黃色既貓咪, 這個比較複雜, 修改左好多次, 不過朋友仔最後都收貨. 😻💗做羊毛氈貓咪真係比較有挑戰性, 不過自己仲係學習階段中. 😊

羊毛氈貓咪

 朋友仔媽媽問我可吾可以做羊毛氈貓咪, 我又試下玩, 所以做左這個. 🐱💗做吾算難, 影相要啱角度先最難, 😜仲有一隻, 下次再講😊

雞肉肉鬆

 見假期無野做, 買左D雞胸肉整雞肉肉鬆🐔 又係用麵包機整, 方便又快趣. 我今早仲整左肉鬆麵包卷, 不過吾知係咪雞肉原味無豬肉原味咁香, 所以我家覺得雞肉肉鬆都係送粥, 伴飯比較好食. 💗

蛋麵

 其實有這部阿麵機後, 做過手工麵, 烏冬, 米粉, 河粉, 意粉, 但蛋麵還是第一次. 因為要用到雞蛋同高筋麵粉, 見屋企仲有高筋麵粉, 就試下整. 這個蛋麵真係整過咁多次麵, 囗感最好. 又易煮, 只要三分鐘已經可以食得. 我第一次煮, 用左黎做豉油皇炒麵伴粥, 好食. 😘

我試機, 所以只用一隻雞蛋, 仲以為D麵吾會變黃色, 原來最後都得, 淡淡黃色都幾靚架.💛

食譜: 中筋麵粉350克, 高筋麵粉150克, baking soda 4克, 

雞蛋1隻(之後我再加入水至150ml) 因原食譜要2至3隻蛋, 蛋液要到150ml, 不過我只有1隻蛋, 所以另外加水到150ml. 

清水60ml, 麻油1茶匙, 鹽 半茶匙

做法: 麵粉入機攪拌三分鐘, 停機, 重複三次, 之後停機靜止醒粉一小時, 再重新開機就可以正常出麵. 

羊毛氈之舊作

 原來我未發過這張相片, 係兩年前既羊毛氈舊作品, 參考朋友仔既狗狗. 事源我當時到做真動物跟相做比較生疏, 這個狗仔植毛時, 已經拆左三次再重新做過, 最後才跟著這幅相片既眼神比較相似, 🐶其實近睇顏色配對不太全中, 我現在配色還是弱項, 希望練習多D可以越來越進步. 😊💗

羊毛氈玄鳳鳥

                 最近做隻簡單D既羊毛氈, 就係這個玄鳯鳥心口針. 🦜💗

英式早午餐 breakfast brunch

 

上星期六煮左英式早午餐 breakfast brunch, 不過吾算正宗, 因為無焗豆, 磨菇, 不過就加左自製班戟, 蛋, 煙肉, 腸仔同吐司, 一樣好食. 👍🏻💗

羊腩煲

前排天氣凍個時想食羊腩煲, 因為太耐無食羊肉, 不過我地無煲, 只係用壓力煲煮, 今次只係加左枝竹, 忘記買大葱同長生菜, 好彩都ok 好食. 💗

乾炒牛河

 

其實我係想用自製既新鮮河粉整乾炒牛河, 不過D河粉仲係實驗中, 但又想食, 所以買左這隻干河粉. 今次用這個教學方法整, 麵質非常成功, 好似新鮮河粉咁, 無糊又吾實, 又無炒到碎濕濕咁. 現在記低個YouTube, 下次可以再整. 干河粉 今次用晒整包干河粉 (400克) 其實下次可以用半包 (200克) 都夠我地食.🥰

生菜雞肉餃子

 我發覺用豬肉整餃子比較乾身, 所以又試試用雞肉做餃子, 效果好好多 (不過吾係用絞肉或用機絞碎雞肉, 而係用手切, 謝謝老公幫手, 所以D肉有肉汁, 好食).🥰

今次用左280g 雞肉伴生菜碎, 包左32隻餃子, 包完煮左幾隻試味, 好清新. 😘應該夠我地食二個星期. 🥟💗