有時候我地D餸比較濃味, 好似咖哩咁, 無煮俾小B食, 所以另外再煮其他餸俾佢. 朋友仔教整牛肉丸, 一個個整好晒, 放入冰箱, 要食時跟飯一齊蒸, 加其他菜, 方便又有營養.
做法: 買碎牛肉 (回家再剁碎), 加麥皮 (同牛肉份量一樣) 盬, 糖, 生粉同薑蓉攪勻, 再搓成球狀, 食時蒸十五分鐘食得.
份量: 這裡半盒碎牛肉, 可以做到十六粒迷你牛丸.
這個星期買左好多萍果, 但食吾晒, 所以煲左這個紅棗萍果茶, 兩個萍果加八粒紅棗 (去核), 我仲加左龍眼肉同三粒無花果乾入去.
出來係甜既, 又有D紅棗味, 幾好, 清潤, 煲左一大煲, 拿來凍左當水飲.
紅棗用細火煲半小時，待出味，才落萍果， 煲15 分鐘就完.
上次講到用南瓜蓉整饅頭, 留起左少量粉團, 就係要做這個南瓜芝士餅.
材料好簡單, 粉團同芝士. 先張粉團滾平成兩片, 加入芝士, 包口後, 放入預熱焗爐 (先開火到100度, 預熱1分鐘, 之後關機) 大約發酵40分鐘, 之後放入平底鑊煎三分鐘 (每面一分半時間, 中細火) 食得, 芝士半溶, 外層香脆, 好方便既茶點呢!
最近好想食煎炸野, 咁一於整春卷啦. 只要買芽菜, 紅蘿蔔, 其他材料家中有, 可以開工啦!
剛半煎炸, 出來好靚仔呢! 一於用來加餸, 個個食到都話停吾到口, 今次挑戰成功, yeah!
上次係谷友都見到整左日式芝士蛋糕, 材料同做法都好簡單, 仲有影片添, 一於等仔仔返左學去超市買材料整番個先.
其實我之前都試過做這款蛋糕, 可惜掌握吾好, 出來效果麻麻. 今次雖然個面破左, 但味道俾之前好, 下次會努力整靚D, 奸巴爹!
這個星期去左朋友仔屋企玩同食飯, 所以昨晚食蒸盬焗雞腿時, 留返兩隻加雞汁, 做左今晚這個餸. 魚肚瑤柱炆雞絲, 將魚肚瑤柱浸透, 加調味同雞汁一齊炆, 食得, 又快又好味. 仲整左個煎蠔餅, 洗左四次, ok, 幾脆. 飯後果食個柑, 又甜又健康.
現在小B開始大個, 健康院建議俾三固 (係早餐, 午餐同晚餐) 所以除左起身後一支奶, 現在俾小小食物BB. 好似麥皮, 麵包, 餅乾... 見谷友整饅頭, 一於蒸返盆, 等小B可以試試.
今次加左南瓜蓉入饅頭到, 可惜南瓜份量只放了36克 (食譜60g) 所以顏色同味道都吾太出. 不過味道同其他白饅頭一樣, 好耐無整, 所以個様麻麻... 哈哈, 都係整俾小B 同我食, 吾怕啦.
這個食譜可以做十二個細饅頭, 不過我留起左4個份量做其他食物, 下次再講. :)
中筋粉 250g
鮮奶 90g
砂糖 45g
酵母 3g
粟米油 8g
去皮南瓜 60g
家人俾左包燒鴨, 一半用左來炒麵, 淨番一半, 決定整好耐無食既片皮鴨 (自己冇咁叻片到鴨皮, 所以只是切成鴨碎包住黎食)
但一時間冇薄餅, 咁一於自己整, 方法好簡單, 不過老公嫌吾夠薄身 (因老公做法係好似煎pancake 咁煎) 我今次既做法係兩個麵團中間沾上麻油(防黏)之後一齊滾個麵団成薄餅, 放入獲白煎兩面, 最後分開成兩張薄餅.
我怕吾夠食仲整左D點心, 油菜同炒麵, 每人包六個片皮鴨, 最後淨返D炒麵, 留返俾早餐食.
今日見谷友整雞蛋仔, 係喎, 都好耐無食過啦, 一終整返底嘆下先. 其實我有部cake pop (棒棒蛋糕機)時已經用來做過其他食物, 好似章魚小丸子, 原來雞蛋仔都得喎.
今次試做, 所以只做了兩底, 效果係成功既, 又脆邊同鬆軟既中心, 正.
小提示係先放粉漿, 等三分鐘才加蓋, 之後反轉個機等兩分鐘, 才反返正面, 等多三分鐘就可以開蓋食得啦.
(可以做到兩底)
70克麵粉
3.5克泡打粉
7.5克吉士粉
15克木薯粉
1隻雞蛋
70克糖
15克淡奶
70ml水/奶
12.5ml 菜油
上次整蜜糖吐司, 淨番三分一個麵包, 但已經變到好乾, 原本想整bread pudding 麵包布丁. 不過記得自己以前做過, 麻麻地喜歡 (怕整完得自己一個清晒個甜點). 咁不於轉轉做法, 整蒜蓉包啦!
家中冇新鮮蒜頭, 但有蒜粉, 加溶左既牛油, 抺在切好既麵包到焗三分鐘, 完成, 又好味又冇浪費食物, 大家可以試試. :)
好想食麥當當架班戟早餐, 但已過時同吾想出街, 咁不如自己在家整啦!
以前整班戟都係薄薄如紙, 但做不到厚厚班戟既口感. 終於俾我發現這個食譜同小提示, 原來要等一面起泡泡, 先反轉另一面, 咁外型就會似麥當當個D啦.
這款班戟叫美式班戟, 係厚身同鬆軟D, 因用蛋糕粉整的. 最後加上牛油同糖漿, yummy, 好豐富既上午.
- (ingredients for 8-10 pancakes) -
- 180 g (6.3 oz) of all-purpose flour / plain flour
- 2 medium eggs
- 50 g (1.7 oz) of melted butter
- 275 ml (9.2 oz) of milk
- 50 g (1.7 oz) of granulated sugar
- 1 teaspoon of pure vanilla extract
- 1/2 teaspoon of salt
- 3 teaspoons of baking powder (16 g / 0.5 oz)
幾年前香港好興食這個甜點, 朋友仔話要排好耐隊先有得食. 不過我一次都未食過, 終於早幾日係YouTube 發現自家製原來都好容易, 見好番就走去超市買材料. 家中冇生果, 得萍果同橙, 好似同個甜點吾合拍, 所以冇放生果.
食後感, 好好食, 但一定要同人分享這個甜點, 自己食實飽到晚飯都不用食. (因有大半個方包)
同覺得要加多D雪糕伴食. (出街係跟cream, jar, 不過家人兩樣麻麻, 所以改用雪糕)
食完好滿足, 下次要加士多啤梨, 靚D又好味D.
材料有吐司, 雪糕, 牛油, 糖, 朱古力漿, 拖肥漿.
