上星期終於有時候用高速煲試新菜式, 就係blogger芙芙介紹既梅菜扣肉啦！其實我街外食梅菜扣肉就多, 但自己整真係未試過, 見到芙芙既食譜, 真係心心眼😍 終於俾我買到D靚豬腩肉, 就立刻開工! 跟住芙芙既食譜, 加上高速煲既幫手, 好快煮到這個家常菜! 謝謝芙芙分享😘
這個星期四晚上, 見雪櫃有包免治牛肉, 原本想整茄汁牛肉飯, 因見好耐無食窩蛋牛肉飯. 於是整左蒸飯, 真係好耐無食過. 記得細個去酒樓食點心, 會有推車出來叫窩蛋蒸飯, 細細碗, 好好食架. 大老闆話要全熟蛋, 所以前後蒸多五分鐘. 加碟炒娃娃菜同煲番個老火例湯, 就係我地既晚餐啦！😋
係blogger 到見到整燒肉, 跟阿爺廚房食譜整, 今次我第一次自己燒燒肉咋, 我老公整燒肉好叻架, 所以次次想食都係佢出馬既時侯. 大大話話應該有差不多一年無自己燒過. 所以當我見到做法不太複雜, 就自己膽粗粗試試啦！
出來既效果係好成功既, 皮脆肉嫩, 大仔知道晚餐食燒肉, 非常高興. 我都好開心. 又好味又好有成功感, 仔仔食完話想再食, 應該這個菜式好快會變家常菜啦！😘
