Crochet granny square blanket 鉤織織片毛氊

哈哈, 上次俾大家睇個張貝殼花紋shell stitch 毛氊都未埋尾, 今個星期又開始新毛氊. 今次係granny square 鉤織片. 其實我本身對granny square麻麻地喜歡, 很多人學鉤織也是學granny square先, 但我第一件鉤物就跳級做公仔. 最近同谷友傾開計, 見佢地分享既granny square真係好靚, 心動啊! 所以心思思, 星期一開始, 每日做少少. 今日朋友仔接左仔仔去玩, bb 午睡時又做左D, 好喜歡有自己時間, 有小朋友既家長都知, 食飯有時都要九秒九食完, 所以很享受bb 午睡既時間, 一邊靜靜地聽下音樂, 一邊鉤織, 心情都開朗D. 

科學小火山

放假無野做, 仔仔話悶悶地, 於是上網睇睇有咩做, 係bloggers到發現左個小玩意, 就是科學小火山啦! 材料有梳打粉加醋, 屋企有齊材料, 立刻開工啦! Bloggers教加D食用顏色入去梳打粉中, 就可以有不同顏色火山, 但到玩時發覺吾夠用, 所以只用原材料.

但仔仔已經玩得好開心啦, 加少少梳打粉入杯, 倒醋入去, 咋一聲, 同好多泡泡出黎, 這個親子活動又好玩, 又平, 仔仔話有下次. (P.S.: 今次仔仔已經玩左半支醋啦, 哈哈)

BBQ醬焗雞腿晚餐

有時煮飯煮到悶, 都吾知食乜好, 最方便就係買醃好既食物. 見到有燒烤用既雞腿, 買左回家用焗爐焗熟, 煮嘜飯, 炒D菜. 半個鍾頭後就有飯食啦, 真係快, 靚, 正.

原本有老公, 大仔同我食飯, 但仔仔去左朋友仔家玩, 變左我地兩公婆撐枱腳. 但一包有八隻, 吾想留番下一餐, 所以老公個碟就有飯, 我就淨食肉加菜, 大大隻雞腿, 又滑又入味, 如果忙, 用焗爐煮飯真係幾方便架. ^^

花兒開了

昨日湊仔仔放學, 經過公園先發覺原本咁多花花, 有好多我吾知既花名, 但花花真係開得很美, 所以用手機作相機影下美麗既一刻. 天氣變幻, 怕手機像數加燈光不能, 相片可能不好. 但出來也不差, 見到花開, 心情也變好. 平常日日行過這裡, 但也是忙碌地經過, 有時細心睇睇, 放慢腳步, 留意下周圍, 也會發現令自己開心既事情! 希望大家長假期愉快! 

週末愉快!

仔仔同小兔Mickey整左美圖相, 哈哈好得意啊, 祝大家週末愉快! 

三文治餐 (中式煮法)

好耐冇食海鮮, 去買左包蝦回來, 原本想買中東圓麵餅 (pita bread), 見有包麵包做跟特價, 買黎試下. 這個麵包用火腿生菜做三文治多, 但我想食熱, 所以炒左D菠菜, 磨茹用蠔油炒, 伴蝦仁作三文治料, 又幾好味喎! 齊食包吾飽, 焗D薯條俾家人食. 見雪櫃餘下幾個冷藏雪魚餅, 一齊焗曬佢, 順便清清個雪櫃.

這碟我老公既.

這個我既, 無薯條, 但就有兩個魚餅, 我個碟卡路里都係600kcal, 又可以食到麵包我好開心呢! 

鉤織小物

這幾個月又好快過去了, 但少了時間同毛冷玩遊戲. 做了一些未完成既小物, 用不同size既鉤針鉤左兩朵花花, 這個係新圖樣, 易學又好睇, 加粒紐係中間合併一齊, 好可愛啊! ❤️ 細個朵花我要用全屋最細支鉤針(2mm) 先完成到. 

另外一件小物係小毛氈, 用上貝殼花紋, 米白色, 粉紅色加綠色, 幾喜歡這個顏色組合, 細細張, 只差線頭線尾, 不過冇心機做後期收拾, 所以遲遲未完成, 或者過左暑假先啦, 嘻嘻. 

瘦身日記之減肥食物

多謝大家關心我既減肥近況, 其實我減肥有幾個原因, 自己既身體出現毛病, 加上只食冇運動, 行樓都覺得辛苦, 想自己身體健康些, 同好朋友七月會結婚, 想穿靚靚參加, 這些原因已經係我努力既動力, 所以現在等我寫篇為自己記録下. 

其實我係用食物控制跟運動, 我四月頭體重57kg, 高157cm, 我老公幫我下載左個apps係電話, 方便每日計算. Apps話我每日可以吸收1200個卡路里, 如果做運動, 仲可以幫手計算運動量.

未計算卡路里之前都吾知原來一個麵包已經有500個果卡路里, 食就容易減就難, 所以現在我會選擇性食物做三餐. 但其實又吾係好辛苦, 網上有個方法叫做5:2, 就係兩日跟瘦身餐, 其他就平常餐就可以. 我也有跟, 但就倒轉, 五日食物控制, 兩日(星期六, 日) 就平常餐. 

咁究竟食咩呢? 

早餐就係Special K 既麥米片半碗加牛奶

午餐就食非洲小米, 雞肉加一個雞蛋同菜, 

有時食到悶, 就西蘭花, 椰菜花加雞肉

晚飯照常跟家人一齊食飯, 麵等, 

最重要係每日飲1000c.c 水, 我之前係飲奶茶, 但飲得多吾係咁好, 所以選擇飲水, 飲多D水係可以加快身陳代謝, 加速減磅. 

現在減了21日, 減左4.5kg, 每日都進步中, 會繼續努力! !

喜歡煮食既小方法

係facebook見到這個幾有用, 分享俾大家睇, 好喜歡個牛油方法, very good. ^^

http://youtu.be/AB6FrS5JcKg

母親節快樂

祝大家母親節快樂! 

今日見有時間, 仔仔話想食蛋糕, 問我可吾可以整? 數數手指, 原來有成大半年冇整過蛋糕啦! 所以跟仔仔口味, 整左朱古力cupcake. 見家中有糖皮, 一於同仔仔親子活動, 我在旁幫手, 仔仔設計, 完成這些蛋糕, 仔仔好喜歡, 仲話自己一手一腳整好玩又好食, 哈哈. :)

懶洋洋

我家小兔Mickey好耐冇見大家啦, 有bloggers問Mickey近況如何, 今日post張相俾大家睇下. 懶洋洋既小兔, 睡得好香甜呢! Mickey 在我地家已經有五年多, 時時都伴隨左右, 喜歡食香蕉, 萍果, 所以我地每日都有飯后果俾Mickey架.

家樂氏Special K 減肥食物

吾知大家有冇聽過食家樂氏Special K 麥米片? 我係電視睇到廣告, facebook 谷友又介紹這個早餐, 一於試試先. 我見這個有水果味麥米片做跟特價, 所以買黎當早餐, 每次半碗再加奶一同食.

其實我現在減肥中, 有試過其他減肥食譜, 好似生果, 蕃茄做早餐, 但我吾喜歡咁食, 所以好高興這款麥米片卡路里低, 十分適合我. 不過我還是喜歡原味麥米片多D, 個D乾水果好酸啊, 所以我收起曬D水果乾, 哈哈.

我只係食左一個星期當早餐, 便便好似好左. 再加上我進食卡路里每日只吸收1200klc, (我身高157cm, 重57kg, 所以每日可以食1200klc或已下) 同運動一起進行, 4月21日開始減, 今日再磅, 哈哈, 好開心, 係53.2kg啦. 自己都覺得個肚腩細左D呢! 

PS. 其實我係節食加運動, 這個麥米片只是輔助品之一, 所以只食麥米片效果可能不大. ^^