雪菜肉片炆米粉

俾我找到包米粉, 見雪櫃有肉片, 一於整雪菜肉片炆米粉. 個包裝話係六人份量, 應該有多過四人份量(我放晒包米粉入水煮先知份量太多)所以有淨留番下餐. 
會再買這個米粉, 之前試過炆米粉好碎, 今次無事. 嘻嘻... 我其實喜歡湯米多D, 雪菜肉絲窩米, 好好食架, 可惜暫時未找到放湯米粉, 等我再找日尋寶先. 😉

雞蛋豆角炒雞柳

今晚煮左雞蛋豆角炒雞柳碟頭飯作晚餐, 時源係街市買菜, 見到有豆角賣, 所以買左份回家. 立刻想食豆角炒蛋, 想加D肉類, 所以今次伴雞柳. 🐔

吾知係咪太耐無食豆角炒蛋, 覺得今次好好食. 大仔仲好俾面, 清曬碟飯, 叻叻👍🏻 大仔食菜方便好左, 好多蔬菜都食, 但生果都係麻麻.

好消息, 現在最近小B食多左肉, 飯同意粉仲係主食, 已經進步左, 以前一有肉就吐. 這幾天仲識用叉吉D意粉食. 希望越來越好啦！😘

西蘭花炒雞柳

今晚食西蘭花炒雞柳, 這個餸已經係今個星期第二次煮啦！因為我地一家個個都好喜歡食西蘭花, 但上次煮時, 蔬菜份量太少, 我食吾夠喉, 所以今晚買朵大西蘭花再食過. 😁
以前我連花莖都會煮黎食( 無浪費) 但有了小白兔Mickey 後, 就自動變左俾佢食啦. 所以有時買菜都會留意下有無D蔬菜係可以兩食 (人同兔都有份) 好似紅蘿蔔, 頭尾同皮就分俾小兔. 大家都有得益又環保同省錢. 😘

蕃茄炆牛尾

上次買左包牛尾, 大約一公斤, 昨晚整左蕃茄炆牛尾, 以前炆牛尾比較多步驟, 現在有壓力煲簡單好多, 放晒所以材料, 等佢自己煮, 方便又快趣. 😍

牛面珠肉 Ox cheek

朋友俾左份牛面珠肉我, 未食或者聽過, 所以上網找左食譜, 今次用壓力煲煮, 用滷水包同白蘿蔔一同煮. 煮完出來, 質地似牛展, 但好淋, 而且D蘿蔔好似車仔麵個款咁, 好食, 下次又試試用炒時蔬伴牛面珠肉, 睇下好吾好食. 😋
題外話, 因我家個電飯煲壞左, 所以買左壓力煲回來代替(壓力煲其中一個功能就係煲飯同煲湯) 但我昨晚用左壓力煲煮牛肉, 所以用左個蒸爐蒸飯, 又ok 喎, 兩大兩細煮兩嘜米剛剛好, 讚, 仲粒粒分明又吾黏底. 👍🏻

蓮藕排骨湯

見到blogger EE煲蓮藕素湯, 咁巧合俾我係街市見到蓮藕, 咁一於又試試先. 因家中無素湯材料, 所以用排骨, 螺片, 細瑤柱, 赤小豆, 紅棗 (原本想煲章魚湯, 但吾知放左邊, 問老人家話用瑤柱都得, 真係幾好味)😋😘
最喜歡食湯渣個D蓮藕, 好耐無食啦, 細個吾識寶, 見到D湯黑麻麻就吾喜歡飲. 但小B相反, 好喜歡飲湯, 吾怕黑麻麻, 叻叻, 前前後後飲左三細碗. 我煲左兩公斤湯都一日清晒. 過兩日又再煲過先. 👍🏻

可麗餅

這個點心有個好美麗既名字, 叫可麗餅.💗 我本身吾知, 一向都叫佢做薄班戟。但有次行過咖啡店, 見到甜點餐單有這款餅, 中間加上士多啤梨, 奶油用朱古力醬, 外型好吸引, 可惜個日太飽無食到. 見今日得閒, 上網找食譜做餅底. 奶油, 士多啤梨都無, 所以只加砂糖, 味道都好吃, 小B仲食左三件, 目標係挑戰千層蛋糕. (不過要等等, 見谷友仔話有D難度, 心大心細添... 嘻嘻) 😝

發糕？蒸蛋糕

想食蛋糕, 見到谷友介紹整蒸蛋糕, 又試下玩. 點知出來好似發糕咁脹卜卜, 谷友話正常, 因為蒸, 食落好似無咁熱氣. 新年再整多次, 等大家發發發... 哈哈😘

朱古力包包

係聖誕假期時買左罐朱古力醬整甜點, 但太大罐用吾晒, 所以諗諗計整咩, 見blogger 雀后整朱古力麵包, 係喎, 好耐無焗包包. 所以昨日整左新年第一炮, 賣相吾靚, 不過內在美滿分, 好味. 😁

新年新玩具

祝大家新年快樂! 🎉
大仔今日吾洗返學, 所以拆左盒新玩具, 就係紙黏土啦！😘
佢仲係you tube 教學到學到整小手作, 最上面個馬卡龍同冬甩係我整, 其他士多啤梨, 蜜糖, 棉花糖都係佢一手包辦, 叻叻... 哈哈😁