恭賀新禧

 祝大家虎年行好運, 恭喜發財, 花開富貴, 事事如意, 身體健康, 福星高照🧧♥️🌸⭐️

自己整左蘿蔔糕, 年糕同紅糖發糕, 又買左靚靚粉紫色蘭花, 開得好靚呢! 😘

滴膠花+羊毛氈熊貓

 其實一早已經有玩開滴膠, 最近買左個新模, 所以昨天又找返出黎玩. 心型模細小, 可以放到兩朵小花, 又ok 喎. 🌸💗

近期想做D簡單既練習, 所以快手做左個羊毛氈熊貓頭🐼 遲D再完成全身😊

，

種豆

 小朋友係學校教育種植物, 俾左一粒豆開始種, 主要教到植物點樣生長, 由芽種到現在長大咁高, 都過左幾個星期, 小朋友好開心睇住佢每日變化. 🌱這個係碗豆種子, 我記得以前學校自然角係用綠豆浸在棉花中發芽. 吾知有無人同我一樣, 細個都係教用棉花浸發芽呢?😉

織女

 我一向都係玩鈎針, 因為快趣又容易. 不過我小時候第一樣學既興趣班就係織頸巾, 因為太耐之前既事, 已經忘記如何織. 好彩現在YouTube 上網教學非常方便, 我昨晚用牙籤織左少少冷, 又ok 喎. ☺️🧶 這個細冷針係用來做我下一件羊毛氈手作, 十分期待完成品, 吾知得吾得呢! 😉💗

恭喜發財! 喜慶新春🧨

恭喜發財! 祝福大家喜慶新春, 福貴滿堂, 大吉大利, 牛年行好運🧨🐮💗

今年我整左好多賀年食物, 有蘿蔔糕, 古法年糕, 煎堆仔同紅糖發糕, 盆年花蘭花都開得好靚🥰

希望大家身體健康, 笑口常開, 開開心心💗

我今次用這個煎堆食譜, 好成功, 下次要跟足這個食譜做全份, 太好食, 剛炸好食吾停口呢! 祝賀大家煎堆碌碌, 金銀滿屋😍

小紀錄

 

今次，係想俾個紀錄自己, 等下次再做時可以知道點做. 😉

話說我用阿麵時, 佢又再次發出錯誤鍵 ‘E1’, 我上次以為係麵粉水份不足, 原來係個機身關合不正確 (無關好) 所以就會出 ‘E1’. 

食譜: 200g 粘米粉 (rice flour), 60g 木薯粉 (tapioca starch) 1 茶匙鹽, 1 茶匙菜油, 150g 熱滾水 (boiled water), 75g 薯粉 (potato starch) 可以做到5餅麵條

而今次整米線/ 檬粉時, 佢既做法比較特別. 煮左2:30 分鐘. (檬粉口感) 煮3分鐘 (米線口感) 煮完要過冷河🍜 我係用9孔麵模

1. 先上油在模嘴上, (防黏)

2. 將全部材料用叉混合 (除薯粉potato starch 不要放入粉團中)

3. 混合後才再放薯粉 potato starch 再用叉混合一起

4. 放粉團入制麵機中, 攪打三分鐘後, 停機

5. 用保鮮膜封起入水孔，避免太乾,  靜止粉團30 分鐘 (醒粉, 這個部分好重要, 無醒粉D麵就出吾到黎)

6.  再重跑一次15min的自動模式, 等麵條全部跑出來 

7. 將全部麵條放入碗中, 再入微波爐1:30分鐘 (記得要加蓋)

8. 放入機器，再重跑一次15min的自動模式。

9. 自動出麵後, 完成. 

烏冬

 今次用製麵機整左烏冬, 這個係製麵機食譜, 200克中筋麵粉, 50克木薯粉, 100ml 水. 這個份量可以做到二人前. 水滾後, 煮麵六分鐘, 過冷河, 之後可以放入熱湯成湯麵. 🍜 我只係用左意大利粗麵條嘴做這款烏冬, 但出來既效果好彈牙, 同街買既烏冬一樣, 好成功啊! Yeah 🥰

Christmas cookies 聖誕曲奇餅

 聖誕節同小朋友做下D聖誕曲奇餅應下節, 先焗牛油餅乾, 再用糖霜裝飾, 好玩又好食. 我地其實焗左二十個餅乾, 不過又玩下又食下, 所以變左淨返十二個, 哈哈. 🤣💗 明天小朋友話想試下整薑餅屋 ginger bread house, 睇下又得吾得啦. 😘

Christmas cookies  食譜 🎅🏻🎁🍪💗

餃子, 意大利雲吞

 這個製麵機可以做到千層寛麵, 這個功能還可以用來做餃子同意大利雲吞. 

兩款還是喜歡餃子多D.🥟🥰

提早既聖誕禮物

 多謝朋友仔的回饋🙏🙏

再一次多謝佢地的祝福, 欣賞同支持, 我好開心呀😊😊 送左這個提早既聖誕禮物, 這個製麵機, 收到已經立即用.

收到當日整左意大利麵伴蕃茄肉醬, 口感都ok. 這個製麵機有四款麵嘴選擇, 可以做通心粉, 千層寛麵 (我用左這個款整餃子同意大利雲吞), 意粉粗, 幼兩款. 

部機好好玩, 睇佢出麵好療癒, 小朋友都覺得得意😘 第二日整左自製滷水牛展伴湯麵, 好食呢. 遲D再發文個餃子同意大利雲吞🥰

餃子日+膳魔師燜燒罐710ml

 之前提過家人喜歡食餃子多D, 所以今日係餃子日, 用左500克中筋麵粉加250克熱開水, 500克豬絞肉加菠菜同生菜, 整左64隻餃子.🐷🥬🥟整好一大包, 有排食.😘

因為想家人午餐有熱食, 所以買左個膳魔師燜燒罐, 選左個大尺寸710ml, 容量好足夠 (不過原來只有470ml 才有鐡匙在內) 不過自己帶個私家鐵匙都好方便. 昨晚試左個炒麵, 中午十二點煮左, 五點鐘再食, 仲熱, 這個品牌保温真係好. 到時早上煮定午餐俾家人食, 中午就有熱食, 好過日日三文治. 😂💗👍🏻

彩虹毛冷球

 上網見到這個幾得意, 屋企有齊手作材料, 又試試玩, 完成這個彩虹毛冷球啦, 又易整, 幾好玩. 🤩

蘭花開花啦！

家中兩盆蘭花前後一齊開花, 有白色又有紫色, 幾靚架. 🌸💗兩盆今年第二次開花呢, 感恩😘

開花啦！🌸

今日再睇睇盆蘭花, 已經開左好多個花蕊, 我覺得蘭花優雅有氣質. 不過今次細粒好多, 有D似迷你版咁, 下次我會記得俾花肥啦! 🌸💗

蘭花

我兩盆蘭花新年前開過一次花, 最近又再開花🌸不過我無用肥仔水 (肥料) 所以D花細小左好多, 原來花肥咁重要. 所以立刻買多支花肥水看門口. 😊👍🏻

乾花

之前種落既植物同盆栽長出花來, 所以就試試用其他方法制作乾花啊. 用左以前古老方法, 書壓法, 花型扁平. 所以試左網上倒掛法同焗爐, 前者時間比較長, 但花顏色保留比較好, 後者時間短, 不過要留意會烤燶, 比較難控制. 少少既乾花, 入在玻璃瓶, 又一個浪漫感覺呢! 💗🌸

科學堂 - activities with kids ideas Science

今日同小朋友上科學堂, 第一個科學實驗係水中煙花fireworks in a jar with oil and water, 先倒3/4杯暖水入玻璃杯中, 用另一個碟放油同食用色素(食用色素顏色要一點點放在油上) 最後將所有油用顏料倒入杯中, 就會變到好似圖中既情形, 好靚, 不過好快就玩完. 😜

之後玩第二個實驗, 就係用磁鐵同嚮鈴, 先找個紙碟, 放嚮鈴在碟上, 碟底用手控制磁鐡方向, D嚮鈴因為係鐡, 所以會俾磁石吸住而另到佢地動起來, 好似D鈴識跳舞咁, 好有趣既玩意🤗好特別既活動呢！💗

遊戲咭 - activities with kids ideas card games

又到星期一, 在家上課既時間又開始了. 今日玩遊戲咭, 一款係記憶遊戲(memory game) 找出相同既圖案, 找到最多咭就贏. 😊

第二款就係數學咭, 一面係加數➕, 一面係減數➖, 題目一D深, 一D淺. 淺個D加數細佬學校之前有教過, 所以難吾到佢. 👍🏻不過減數未學過, 所以用家中玩具車教佢簡單既題目, 好似5減2係幾多啊?就放5輛車係地下, 再拿走2輛, 咁就計到係3啦！這個方法又簡易, 又有得玩, 所以佢都好喜歡玩.  🔢

咖啡焦糖奶蓋 Dalgona Coffee

今日起身就整左杯咖啡焦糖奶蓋飲品, 原於昨晚俾instagram 既朋友點名做這個咖啡. 原來這個咖啡係YouTube 同網路上都好紅(可能大家在家太悶, 所以有多D時間試新野) 我自己本身對咖啡興趣不大, 無每天飲既習慣, 不過老公有飲咖啡, 所以今次湊熱鬧玩玩😘

做法, 兩茶匙即冲咖啡(吾可以有奶粉係入面,如果有會打吾起焦糖), 兩茶匙糖, 兩茶匙熱水(一定要剛煲好既熱水, 如果溫熱水又打吾起) 所有材料份量係1:1. 再用打蛋器打7-10分鐘(網路上係手打400次, 不過我用電動打蛋器, 我無力用手打😜) 打到D材料轉淡棕色同起身就ok. 再在玻璃杯中加入冰塊同牛奶(八成滿) 再加上焦糖係上面, 就完成啦, 飲時用匙拌勻. 濃濃既咖啡味, 伴凍牛奶都幾好飲架, 見到佢由粉變焦糖又幾得意喎! 😘👍🏻

髮型屋 - activities with kids ideas role play - Hair salon

今日做咩好呢？一於玩角色扮演, 網上有這個提議, 就係開髮型屋, 做咩? 😜咪玩剪頭髮💇‍♂️同搽指甲油💅吾係用阿媽親自上陣, 係用手工去創作頭髮同手甲, 比小朋友自由創造. 😊

首先就係整個公仔同頭髮出來, 用紙碟比小朋友用顏色筆畫左個人仔先(原本計劃係畫個面, 即眼睛, 鼻同嘴, 不過細佬畫畫下, 又話要加眼鏡同手腳, 所以最後變左人仔, 不過無問題🤩)

之後再貼D頭髮上紙碟背后(我用左舊雜誌D紙, 剪成一條條, 有多紙條, 所以又加上個面具到做鬍子🧔)貼完後就可以用小鉸剪比小朋友剪D頭髮啦!😘

玩完剪頭髮, 就整甲油啦! 💅教學話用硬咭紙去做手來搽指甲油, 不過比我找到D假指甲片, 係以前買落黎玩, 買左番黎無用過, 竟然現在有用, 所以今次拿左出來比細佬玩😜

首先用筆畫個手掌印, 之後貼假指甲上去, (用番之前玩個紙碟做底, 就吾怕D指甲油搽到四圍到係) 

細佬好細心咁慢慢搽, 玩左好耐, 問佢喜歡玩邊個遊戲多D, 佢選左搽指甲油, 真係估佢吾到😂