天氣凍, 做手作最好做D 實用既野, 頸巾就吾想鉤啦, 如果想鉤花式, 做既時間又長, 怕自己無咁好心機, 簡單又無怕無聊, 所以最後選擇鉤手套. 用有變色毛冷, 另平平無其的手套, 變得豐富起來. 選左紫色同白色花紋圖案. 用這個鉤圖出來既手套, D手指可以𤫊活活動, 又同時間保暖, 最合適一邊用手機既朋友仔啦！💜❄️😘
聖誕佳節有無食聖誕大餐同折禮物啊？🎄🎁🎅🏻🎉 我就同這隻羊毛氈熊貓一樣懶洋洋. 🐼今年家人送左份好得意既禮物俾老公, 就係大瓶爆谷花, 見到旁邊既玩具就知道幾大份啦, 係一份有趣既禮物... 哈哈😂
⭐️
祝大家聖誕節快樂! ⭐️
好耐無發文啊, 過幾天會得閒D, 再分享其他生活日誌, 祝大家有個愉快假期. 🎅🏻🎉🎄
現放上手作羊毛氈小企鵝, 希望大家喜歡...ho ho ho 🐧
大家好嗎？每年十月份對我黎講係忙碌既時間, 工作繁忙, 私人方面又係忙忙忙, 又週年紀念又萬聖節, 所以今日抽小小時間打咭.😊
下個月就聖誕節啦！所以今次講我做的羊毛氈手作, 就係聖誕襪小老鼠, 用鉤針織左隻小襪子, 之後放隻羊毛氈小老鼠係入面, 我覺得好有聖誕節氣氛呢！🎅🏻🐭❄️
今日整左焗烤雞, 係跟網上食譜的. 我老公煮焗烤雞好得, 所以一煮這個餸多數係大廚出馬既時候. 不過見到個食譜好似好簡單, 同個汁好似好味道咁, 所以膽粗粗買左隻雞試試.
出黎個雞好靚仔, 金黃色, 加上個汁用番烤雞既油, 係比用現成烤肉汁好味, 不過功夫比較多, 我諗下次都係請大廚出山算😁
昨日有包奇亞籽到手, 這個大名聽就聽得多, 不過未食過, 所以對佢好奇.
用水發左一湯匙試試, 四個小時後, 發脹左, 好似有層泡泡包住D奇亞籽, 因為用水發, 所以無味, 我麻麻地喜歡.
所以上網睇食譜, 昨晚試左個橙汁朱古力味, 即係有兩湯匙朱古力粉同一湯匙橙汁, 加一湯匙蜜糖 (我只係加左半湯匙), 同牛奶拌勻, 中午整好, 晚餐後食當甜點. 味道係可以的, 但因蜜糖太小, 感覺有少少奇怪.
今日又試另外一個食譜, 先加兩湯匙奇亞籽, 加一湯匙楓糖 同三分一杯牛奶拌勻 (做底), 等四小時, 之後加入超市買的蜜瓜打蓉, 放入杯中, 味道非常好, 水果清甜, 奇亞籽卜卜脆, 下次只要改變水果的選擇, 又有新口味, 幾好, 希望可以繼續食, 對健康有幫助！😘
又黎多個龍貓系列! 今次用鈎針同毛冷做左個小袋仔, 無圖, 只係自己天馬行空既創作(可惜我忘記一邊做一邊寫低個圖樣. 其實個袋係好易做, 只係個肚比較複雜, 我諗如果我再做, 會用不織布代替比較方便)
我縫針比較弱項, 所以這個鉤袋係無內袋的! 暫時吾可以送給人, 為有自賞當興趣. 😉
