班戟日 Pancake Day

今日係英國既班戟日, 我又黎湊熱鬧中午同小B食班戟作午餐.
吾知大家有無食過鷹嘴豆蓉呢? 有BB既朋友仔介紹我買這些豆蓉俾小朋友, 健康又方便. 今次個班戟加左豆蓉, 蛋同兩湯匙麵粉, 班戟好香蛋味, 小B好快就食晒, 食落好似M記鬆餅早餐, 厚身既. 

大仔放學回來整左薄身班戟, 佢喜歡加糖漿食. 個食譜係做十二份, 不過我吾夠蛋, 所以只做了食譜既一半份量. 不過我估大仔應該只食一, 兩件, 但佢回來後就一口氣食左三件, 仲話想再食多D, 我見遲少少就食飯, 而且麵糊吾夠, 所以同佢講週末早餐再整俾佢食啦.