白汁芝士焗雙蔬 cauliflower cheese

椰菜花焗芝士, 我好喜歡食, 每次可以食好多. 今次除了椰菜花仲加左西蘭花, 一於白汁芝士焗雙蔬.

椰菜花一個
西蘭花一個
牛奶500ml
麵粉4 tsp
牛油50g
芝士100g

萍果紅棗水

屋企買左好多萍果, 但係食吾曬, 見谷友話萍果加紅棗可以做萍果紅棗水, 一於試下, 好甜, 好潤, 好好味呢!

 我今次放左一個萍果加幾粒紅棗試試先, 用燜燒壺, 放左一個半鐘頭. 去接仔仔放學回來整, 晚飯時間就飲得, 好方便呢!

生命力

這個月係開心既月份, 仔仔生日, 朋友訂婚, 連家中兩盆蘭花也有新花菖. 這兩盆蘭花已經住在我地家兩年多, 幸運地年年也有新花開, 其中右邊個盆仲係一年開三次花, 真係生命力強. 

原本這一盆係在上年九月中開花的, 花期都有四個多月, 之後應該係休養期, 但今次出奇地一同出花菖, 怕盆花吾夠養份, 所以俾左支肥仔水(花肥) 佢補補身, 希望佢吾會太傷身啦.

Cous cous 非洲小麥米 減肥食物

最近穿衣發覺D衫窄左, 家人都笑說話我個肚好似未生咁. 嘩嘩嘩! 自己check下, 未懷孕時有53kg, 現在有57kg, 做女個時都係100磅多D(45kg), 現在重左咁多, 真係要計畫下減肥, 首先係食物, 今次介紹係藜麥近親, 小麥米 cous cous. 我未減肥之前都未接觸過, 係谷友介紹, 這種食物可以代替白飯, 而且卡路里低又飽肚, 超市有一包包未煮既cous cous. 但我介紹係這個即食cous cous, 只要加熱水蓋滿小麥米, 等5分鐘全熟就食得, 油同牛油都不用加. 這裡有100g, 準備食時, 小麥米會吸收水份而另份量增多, 所以食一包當正餐已經好飽肚, 而且卡路里只係146g, 好適合減肥時食. 這個牌子既小麥米, 味道不錯, 又方便, 我現在每日食一包代替平時白飯既正餐, 我仲加左幾片雞胸肉, 食小小平衡下, 期待之後既減肥報告. ^^

象印燜燒杯+BB近照

年頭係facebook俾人洗牌架燜燒壺, 早前我都介紹過. 不過我家個果都幾大隻, 早前谷友介紹象印有D容量細D既燜燒杯, 於是上網訂購, 但訂錯左size, 想要0.35L, 但買左0.26L, 但因為係日本訂購, 所以不想麻煩去換貨, 原來錯有錯著, size 剛好fit我個BB袋. 這個星期三收到的, 清洗後立刻試試個效果, 第一次想煲粥仔, 所以放左1/4米杯份量米入燜燒杯, 加入適量水, 午飯時間睇下, 發覺變左飯. 於是星期四再試, 今次比之前再小多一半米, 水份比之前再多些. 得, 得左, 出黎變左粥, 份量仲剛剛好. 

我本來係想找個熱水壺, 方便出街時不用找坐奶器, 又不用要找地方問人拿熱水坐暖D奶. (我試過有餐廳不願意俾熱水我, 好吾方便架.) 後來發現燜燒杯可以，保冷保熱, 所以今日出街前放左半杯熱水, 午飯時間就係M記同BB開餐, 杯入面既熱水仲微熱, 可以坐暖支奶, yeah! 咁日後出街就方便啦, 遲D BB食固體, 粥仔, 有佢就ok, 分拆清洗都好易用.

現送上BB近照一張, BB3個月大啦, 都好精靈下, 扭食扭眼訓, 同er時會喊, 好準時, 肚仔餓就好似鐘咁, 嘩嘩叫. BB個臉仔本來好多紅點, 兒科姑娘介紹這個Cream, 吾知你地有冇見過, 但對我仔仔D紅點好work, 退左好多, 真係要多謝個姑娘. ❤️

恭喜發財!

              祝大家羊年新年快樂, 身體健康, 花開富貴, 恭喜發財!

每年新年我都會買年花, 但今年太忙, 所以無去買. 點知回到家係前門發現有幾盆植物係到發芽. 真好, 就用來做年花啦, 佢地係洋水仙, 今日仲開花添, 好開心呢, 祝大家羊年要咩有咩, 喜氣洋洋. ❤️

真空燜燒煱 (花旗蔘圓肉紅棗紀子焗水+粥仔篇)

謝謝大家的祝福啊, 吾好意思咁遲先回覆大家, 初生BB既來到加坐月, 所以少左探大家, 希望日後可以抽些時間到訪你地既blog 啦. ❤️

最近係fb見到好多朋友仔分享用真空燜燒煱既食物, 早上放材料, 中午就有熱辡辡既飯/粥. 其實我好耐之前家人都買左一個俾我, 果陣吾興用, 加上自己對煮食興趣麻麻, 所以好少用. 現在有BB要照顧, 天氣又冷, 午餐想食D熱野, 用這個煱就方便好多啦.

昨日試左整粥仔, 先放滾水入罐助熱, 跟著倒番滾水出來. 材料另外用小煲煮3-5 分鐘, 這次有雞肉同波菜. 再放1/5杯米入罐, 加之前的材料同熱水 (水放八分滿), 燜2 小時, 我早上送返學時整, 大約午飯時打開, 入面既米已經開矖花啦. 太好啦, 其實我冬天幾喜歡食粥, 食完暖粒粒, 但我吾識煮粥, 時時燶底, 今次燜粥咁成功, 日後BB大D都可以用.

老公有咳, 係谷友既介紹下, 今日焗左花旗蔘圓肉紅棗紀子焗水, 等佢回來我地一齊飲. 這個飲品可治煩躁, 失眠, 並有護肝明目作用, 希望有幫助啦.