今晚晚餐

這個星期去左朋友仔屋企玩同食飯, 所以昨晚食蒸盬焗雞腿時, 留返兩隻加雞汁, 做左今晚這個餸. 魚肚瑤柱炆雞絲, 將魚肚瑤柱浸透, 加調味同雞汁一齊炆, 食得, 又快又好味. 仲整左個煎蠔餅, 洗左四次, ok, 幾脆. 飯後果食個柑, 又甜又健康.

南瓜蓉饅頭

現在小B開始大個, 健康院建議俾三固 (係早餐, 午餐同晚餐) 所以除左起身後一支奶, 現在俾小小食物BB. 好似麥皮, 麵包, 餅乾... 見谷友整饅頭, 一於蒸返盆, 等小B可以試試.

今次加左南瓜蓉入饅頭到, 可惜南瓜份量只放了36克 (食譜60g) 所以顏色同味道都吾太出. 不過味道同其他白饅頭一樣, 好耐無整, 所以個様麻麻... 哈哈, 都係整俾小B 同我食, 吾怕啦. 

這個食譜可以做十二個細饅頭, 不過我留起左4個份量做其他食物, 下次再講. :)

中筋粉 250g

鮮奶 90g

砂糖 45g

酵母 3g

粟米油 8g

去皮南瓜 60g

片皮鴨薄餅

家人俾左包燒鴨, 一半用左來炒麵, 淨番一半, 決定整好耐無食既片皮鴨 (自己冇咁叻片到鴨皮, 所以只是切成鴨碎包住黎食) 

但一時間冇薄餅, 咁一於自己整, 方法好簡單, 不過老公嫌吾夠薄身 (因老公做法係好似煎pancake 咁煎) 我今次既做法係兩個麵團中間沾上麻油(防黏)之後一齊滾個麵団成薄餅, 放入獲白煎兩面, 最後分開成兩張薄餅. 

我怕吾夠食仲整左D點心, 油菜同炒麵, 每人包六個片皮鴨, 最後淨返D炒麵, 留返俾早餐食.

雞蛋仔

今日見谷友整雞蛋仔, 係喎, 都好耐無食過啦, 一終整返底嘆下先. 其實我有部cake pop (棒棒蛋糕機)時已經用來做過其他食物, 好似章魚小丸子, 原來雞蛋仔都得喎.

今次試做, 所以只做了兩底, 效果係成功既, 又脆邊同鬆軟既中心, 正. 

小提示係先放粉漿, 等三分鐘才加蓋, 之後反轉個機等兩分鐘, 才反返正面, 等多三分鐘就可以開蓋食得啦. 

(可以做到兩底)

70克麵粉
3.5克泡打粉
7.5克吉士粉
15克木薯粉
1隻雞蛋
70克糖
15克淡奶
70ml水/奶
12.5ml 菜油

蒜蓉包

上次整蜜糖吐司, 淨番三分一個麵包, 但已經變到好乾, 原本想整bread pudding 麵包布丁. 不過記得自己以前做過, 麻麻地喜歡 (怕整完得自己一個清晒個甜點). 咁不於轉轉做法, 整蒜蓉包啦! 

家中冇新鮮蒜頭, 但有蒜粉, 加溶左既牛油, 抺在切好既麵包到焗三分鐘, 完成, 又好味又冇浪費食物, 大家可以試試. :) 

美式班戟 American pancake

好想食麥當當架班戟早餐, 但已過時同吾想出街, 咁不如自己在家整啦! 

以前整班戟都係薄薄如紙, 但做不到厚厚班戟既口感. 終於俾我發現這個食譜同小提示, 原來要等一面起泡泡, 先反轉另一面, 咁外型就會似麥當當個D啦. 

這款班戟叫美式班戟, 係厚身同鬆軟D, 因用蛋糕粉整的. 最後加上牛油同糖漿, yummy, 好豐富既上午. 

- (ingredients for 8-10 pancakes) -

- 180 g (6.3 oz) of all-purpose flour / plain flour
- 2 medium eggs
- 50 g (1.7 oz) of melted butter
- 275 ml (9.2 oz) of milk
- 50 g (1.7 oz) of granulated sugar
- 1 teaspoon of pure vanilla extract
- 1/2 teaspoon of salt
- 3 teaspoons of baking powder (16 g / 0.5 oz)

蜜糖吐司

幾年前香港好興食這個甜點, 朋友仔話要排好耐隊先有得食. 不過我一次都未食過, 終於早幾日係YouTube 發現自家製原來都好容易, 見好番就走去超市買材料. 家中冇生果, 得萍果同橙, 好似同個甜點吾合拍, 所以冇放生果. 

食後感, 好好食, 但一定要同人分享這個甜點, 自己食實飽到晚飯都不用食. (因有大半個方包) 
同覺得要加多D雪糕伴食. (出街係跟cream, jar, 不過家人兩樣麻麻, 所以改用雪糕)

食完好滿足, 下次要加士多啤梨, 靚D又好味D. 

材料有吐司, 雪糕, 牛油, 糖, 朱古力漿, 拖肥漿.