約瑟爹利，Yorkshire Terrier

早前朋友仔叫我做佢對寶貝狗狗, 因為未試過做這款品種既羊毛氈狗仔手作, 所以膽粗粗試下, 佢地品種係約瑟爹利, Yorkshire Terrier, 真狗就見得多, 不過今次寶貝毛色不同, 所以花左好多時間才完成, 而且做底層時, 做得太大, 所以整隻狗比例跟原本計劃有出入,幸好朋友反而喜歡尺寸大D. 完成後放上草地影相, 特別放個玻璃瓶係旁邊, 可以對比番狗狗既尺寸,  感覺幾特別呢, 好喜歡草地個張相, 好似兩個小寶貝係到一齊玩咁🐕🐾🐶💗

茄汁芝士豬扒焗飯

今日整左小朋友仔喜歡食既茄汁芝士豬扒焗飯, 太耐無整啦, 芝士焗過左火少少, 不過味道一樣好食. 細佬平時食飯要好耐先食完 (因為佢吾太喜歡食飯, 反而意粉佢仲食得快D) 但今日佢食得好快, 又大碗飯. (晚餐前仲食左一個肉鬆麵包添) 真係估佢吾到. (可能D飯甜甜酸酸開胃掛) 😋

Welsh cakes 威爾斯小蛋糕

係Facebook 見到 Mrs. P’s kitchen 整這個小點心, 未食過同未聽過, 不過見材料簡單, 就星期六同小朋友一齊玩下. 原食譜係俾5-6人份, 不過吾知味道係點, 所以試左跟半份份量先. 出來感覺同鬆餅 scone 差不多, 不過矮身, 都ok, 暖食囗感比較好. 😃如果喜歡鬆餅既朋友仔可以試試🍪 我會再整, 因為大仔喜歡食, 不過細佬只係食左一個, 下次都係做半份, 同大仔分黎食.💗
https://cook1cook.com/recipe/48406?fbclid=IwAR3ellYjjMPiZP7LnX2F9ynjjz-3Fu4v6DnYRcA06S-1LFOYsyUTE1hukcw

自製肉鬆

上次細佬試食肉鬆, 佢好喜歡食, 所以昨日就自製試試. 原來好易整, 用煲完湯既瘦肉湯渣(400g)之後弄一絲絲, 放入麵包機用做果醬功能, 分兩次, 每次48分鐘分鐘就可以了. D肉煲完淨番得200g, 但原來乾身鬆開好大包. 下次再整都係吾洗咁多肉既份量. 😉 不過我會用D肉鬆整肉鬆麵包🥯今晚晚餐加左D紫菜同肉鬆落細佬D飯到, 佢食得好快啊. 😘

小刺蝟

早前買左D刺蝟毛, 一路都好忙, 無整到. 今早扚起心肝試下整, 放入毛氈中影番張相, 可愛嗎？？🦔💗佢好似捲入暖粒粒既毛氈中, 伸頭出來say ‘Hi!’ 呢! 😊🥰 我朋友仔家中養左隻小刺蝟, 非常可愛呢, 不過我怕養佢地, 因為要餵食真蟲, 仲要動來動去個隻細蟲蟲, 怕怕呢😜

朋友狗狗

大家好嗎？好耐無出文啦！一入學工作就變得好忙, 但我喜歡這樣忙碌, 好充實呢！！💖👍🏻
謝謝大家愛護, 朋友仔叫我整左佢隻狗狗俾佢媽咪做聖誕禮物🐕🐾🎁🎅🏻 因為已經做過幾隻全身狗, 有個底知道大約如何整, 不過這品種未做過, 所以都做左小小功課先, 好彩出黎朋友仔都收課, 仲叫我做隻狗狗心愛既公仔出來成一對🐏🐶
遲D再出多D發文有關我的羊毛氈手作. 😘

自製餃子皮, 冬菇紅蘿蔔雞肉餃子

好想食煎餃子, 但家中既專用餃子粉用完, 俾我係YouTube 找到自己可以用中筋麵粉整, (plain flour) 一於試下. 教學用手搓, 我懶, 所以全程用麵包機搓同發粉, 好方便仲個麵團好靚仔👍🏻
昨晚整左餃子皮, 用佢既方法做薄皮, 跟著用杯印圓形, 做左兩包餃子皮. 今早起身後, 就將冬菇, 紅蘿蔔用攪拌機先切碎, 再原機放雞胸肉同調味料, 等一小時後就包. 原來自整既餃子皮比較軟身不好包. 所以包完第一轉就用個N 年前買既餃子夾同細仔一齊整, 外型靚D, 仲可以包多D餡. 其實我想食豬肉白菜餃, 不過家中只有雞胸肉同冬菇紅蘿蔔, 反而錯有錯著, 細仔食左蔬菜都吾知, 仲食左5隻午餐時, 大成功呢！！😍 
之前都做過餃子皮係偏厚身用粉, 今次用這個方法搓皮係薄身好多, 而且口味仲好食過現成餃子皮, 難怪人地話自家製特別好食, 我今次真係非常同意, 等開學後再整多次先😊
餃子皮食譜同做法: https://m.youtube.com/watch?v=KahAeVHOx-k&t=19s
雞肉調味同做法: https://m.youtube.com/watch?v=kg6dm8535TI&t=3s