恭喜發財!

              祝大家羊年新年快樂, 身體健康, 花開富貴, 恭喜發財!

每年新年我都會買年花, 但今年太忙, 所以無去買. 點知回到家係前門發現有幾盆植物係到發芽. 真好, 就用來做年花啦, 佢地係洋水仙, 今日仲開花添, 好開心呢, 祝大家羊年要咩有咩, 喜氣洋洋. ❤️

真空燜燒煱 (花旗蔘圓肉紅棗紀子焗水+粥仔篇)

謝謝大家的祝福啊, 吾好意思咁遲先回覆大家, 初生BB既來到加坐月, 所以少左探大家, 希望日後可以抽些時間到訪你地既blog 啦. ❤️

最近係fb見到好多朋友仔分享用真空燜燒煱既食物, 早上放材料, 中午就有熱辡辡既飯/粥. 其實我好耐之前家人都買左一個俾我, 果陣吾興用, 加上自己對煮食興趣麻麻, 所以好少用. 現在有BB要照顧, 天氣又冷, 午餐想食D熱野, 用這個煱就方便好多啦.

昨日試左整粥仔, 先放滾水入罐助熱, 跟著倒番滾水出來. 材料另外用小煲煮3-5 分鐘, 這次有雞肉同波菜. 再放1/5杯米入罐, 加之前的材料同熱水 (水放八分滿), 燜2 小時, 我早上送返學時整, 大約午飯時打開, 入面既米已經開矖花啦. 太好啦, 其實我冬天幾喜歡食粥, 食完暖粒粒, 但我吾識煮粥, 時時燶底, 今次燜粥咁成功, 日後BB大D都可以用.

老公有咳, 係谷友既介紹下, 今日焗左花旗蔘圓肉紅棗紀子焗水, 等佢回來我地一齊飲. 這個飲品可治煩躁, 失眠, 並有護肝明目作用, 希望有幫助啦. 

提早來的聖誕禮物

今日好開心同大家介紹, 我地第二個BB 出世啦, 係仔仔黎架, 因為佢係預產期早出世, 所以可以講係話我地一家提早來的聖誕禮物. 其實我係星期三時已經開始穿羊水, 所以安排左我入醫院, 但之後都未有陣痛, 到星期五早上感覺到強烈既陣痛, 每一分鐘痛一次, 轉左病房, 姑娘話已經開到四度, 可以準傋下一步.
所以立刻打俾老公, 但我的陣痛, 一次又一次強烈, 不到半小時已又四度轉到九度, 真係怕老公未到時BB就出世, 而且因為我係第二胎, 生產過程來得快, 所以我用不到其他止痛方法, 如gas,  其實姑娘有叫我用gas, 但我用吾到, 所以放棄左. 我想打針, 但度數已經開到九度, 打吾到針, 所以今次生第二胎係在無任何止痛方法下生, 對比第一胎, 我覺得辛苦左, 但時間就短好多. 第一胎大約用左五個多小時, 今次一個多鐘就生左啦.
仔仔早左一個月出世, 所以要特別照顧, 佢大約有4lbs9. 因為我係順產, check 過後今日可以出院, 但就要每日回來再覆診, 驗血壓同check 傷口. 所以遲D會更忙, 希望可以再update d 近況俾大家, 預祝大家聖誕節快樂, 新年進步! :)

又到聖誕, 又到聖誕!

踏入12月, 又到聖誕節, 這個月將會好忙碌, 又要到學校幫手賣蛋糕, 現在懷孕, 到出世不遠了, 下個月就是, 所以有好多東西要準備. 見好多bloggers 都鉤一些應節東西, 我又玩下, 就係聖誕紅鼻小鹿帽啦. 這個pattern 好簡單, 對我這個初級班好易學. 我覺得這個鹿仔帽子好可愛, 紅色鼻子好特出呢! 

花開富貴

哈哈, 未到新年, 點解我會話花開富貴呢? 因為我想介紹家中既蘭花啊, 這盆蘭花真係好勁, 新年時買回家, 都現在將近聖誕, 還継續有新花開, 這次係第三次開花啦. 今日睇仲見到有花蕊開添, 好開心, 之前我買左獎卷, 俾我中在hk200元禮金, 所以今次真係花開富貴呢. :)

西洋菜蜜

記得以前細個, 秋冬時家人會俾西洋菜蜜我地飮, 但細個吾識寶, 不喜歡喝. 最近見Facebook 谷友post, 又另都我想試番杯.  這個真係好容易, 材料只要西洋菜, 蜜棗, 冰糖. 好味又潤, 不過仔仔就覺得麻麻地like, 但我兩公婆都喜歡, 凍熱都好味.

西洋菜蜜 6-8杯

材料:
西洋菜 1斤
蜜棗 3粒
冰糖 (我落左一個檸檬大細既份量)
水 12 碗

做法：

(1)    西洋菜浸鹽水約15分鐘, 洗淨備用

(2)    蜜棗洗淨

(3)    煲滾水, 水大滾後放西洋菜和蜜棗, 大火煲約半小時, 轉小火煲多1小時

(4)    大火滾起, 加冰糖調味即成

Ben's cookies

上次去左倫敦旅遊, 行過見到間曲奇店排曬隊, 一於跟隨買一份, 一個曲奇大約£1.50-£1.75, 可以選一盒8個, £12.95或者一盒15個, £15.95. 價錢比較貴, 但真係好好食, 佢地既曲奇特別之處係軟身同用切大粒既朱古力餡, 新鮮出爐, D朱古力係融化的. 不過如果不喜甜可能會覺得太甜.

今日自己試整左兩樣, 一個係朱古力味曲奇同佢地出名既花生醬朱古力曲奇. 我自己比較喜歡花生味多D, 焗完香噴噴呢! 

這個食譜我做了18大件軟身曲奇, 因為只係焗9分鐘, 所以出爐後記得要放涼15-30分鐘. 如果想食軟身融化朱古力, 咁放涼既時間可以減短.

提提大家: 這款曲奇係軟身同比較甜的, 因糖已經300g, 仲要落朱古力入曲奇. 

200g/7oz unsalted butter, softened
300g/10.6oz caster sugar
1 egg
50g/1.76oz cocoa powder, sifted
300g/10.58oz self raising flour, sifted
Milk and dark chocolate chips, however much you like
Peanut butter chips, again however much you like

(Makes 24 cookies)

Method

Heat the oven to 190°C / 375°F degrees and line a baking sheet with baking parchment.